Mikas 1:16 - Fanawbuid tagsibaliwas Fakayabian

¹⁶ Ay e nangago ban siginan ayu ay fakesugun fia ay ngay sisian ay gtaban sa tibak furuan, nu katanya, at kaksvnan ban nu kabalu am, sak ban am gufo ay buk kata sik uling at alfuyu nu malanu.

Mikas 1:16 ပူးပေါင်းရင်းမြစ်များ

2 Fun 17:6

Usea nu gfunan gina sis fasiamk banwa, Asirya at fun nagbilug Samarya ay nataban ngay taw Israel sas Asirya ay nafabanwan sas furuan Kalak si sangay talun at munakbang sis Liskung Kabur sis Gusan fag talun, ay si sangay taw Medya at ngay furuan ayu daul.

Ub 1:20

Ay Ub anlindug ay nagirat at lanbung aroro maksvn nu kabalu. Ay naufo at buk ay namalub sas daga laman gseg Yawi.

Isayas 15:2

Ay fagayu taw Dibun naundaud sat dius at bale ay sat ngay bale fagnansegan sa tangabat fag buknga laman nanwayway sanya. Fagayu taw Muab kabalu Nebu ay Medeba. Ay fagayu taw tagsanya naufo at alfuyu ay at ngay umi sik famasaful te, kabalu.

Isayas 22:12

Ay tam Fun, Yawi at Mabalyanan, nafaidapan ayu laman umke fakabaluun am, ay gwayway am, ay gfalanu ay ngay alfuyu, ay nangalanbungan am saku laman sik fagtoglagan te, kabalu am.

Eremyas 16:6

Kanya ban fagayu nangabul ste fag daga, dewa at maramraman ay at yud e kwa, ay wa ban e namoli ya anya fagayu. Ay wa ban e gfilas ya at sadili ay gfaufo at alfuyu laman gfalag te, kabalu.

Eremyas 4:8

Nu katanya, suluni ay ngay lanbung famatoglag te, kabalu am ay waywayi te, “Yawi kadotama yay gugat antam.”

Eremyas 47:5

Ngay taw Gasa nanlanu at ngay mesa alfuyu, laman gfalag te, kabalu. Ay ngay taw Askelun ban maragangan way lang aroro sat fakabaluun. Fagayu am tagbanwan sis datag, ginain yaban nu gfilas am ay ngay sadili laman gfalag am te, kabalu am?

Eremyas 6:26

Ku ngay taw, suluni ay ngay lanbung ay dagingani sas wa dafug laman gfalag am te, kabalu am. Abalui maksvn kata ay ngenge tagsesadi nu nbul, aroro ay ngay fawayan masakit nu kadasug laman namawayan antam.

Eremyas 7:29

“ ‘Ufoi ay ngay buk ay ukasi ay nagufoan laman gfalag am ay fakabaluun. Waywayani sis talun yud e taw fag ngay tagbudbuksulanun aroro Yawi natalyuyan wan ay nafabayan ayu fag ngay taw at nafadotama anya.’ ”

Takabalu 2:19

Afuloi sis buknga yabi ay eti gubuk sas Fun Dius. Ay longi wan sa anya fagayu ay fagamatanganun, fakatai nu gbusbus am mamam. Ay darangini fabati ay ngay take laman sa ay ngay sisian at mamomuy kalunus tagsi sangaba dalan.

Amus 7:11

Katatuy at longan, fun Erubuam ban umbul sas awayan, ay e tumaban ban ngay taw Israel sa tibak talun.”

Amus 7:17

Katatuy Yawi at longan sabaliwa emu te, ‘Am mangena ban umsik takamatugtug si ay furuan, ay am ngay sisian ban umbul sas awayan. Ay am ngay fawayan ban nangafudan am daga, ay o ban umbul o sa tibak talun. Ay matuyan wan e tumaban ban ngay taw Israel sa tibak talun.’ ”

Amus 8:10

Ay abat ngate ban am guseganan ginam maful, gwayway way ban am, ay abat ngate ban am guseganan galubad, kabalu wayam. Ay namalanbungan kban ayu saku, ay gsugu au ayu te, ufoi ay ngay buk, laman gfalag am ay fakabaluun, kata sik ngay fagtainan tagwayway aroro at sisian tagsesadi anbul. Ay dewa katanya, amaidap yap ban taguyan fag faurianan.”

Deuterunumyu 28:41

Umke ngay sisian oma ban am, dewa katanya, wa ban e si ayu, aroro e gtaban way ban anya fagayu.