Mikas 1:13 - Fanawbuid tagsibaliwas Fakayabian

¹³ Am fag ngay tagbanwan sis furuan Lakis, fasayangi sa ay ngay kabayu ay ngay faguyudan ay lagyui wan. Aroro nafaning wayam ngay taw Israel at nafakamulun mauri, ay taw Siun nafaning yangay ayu nafakamulun at mauri.

Mikas 1:13 ပူးပေါင်းရင်းမြစ်များ

Fakasigadan 19:17

Ay nu siwas day furuan, Yawi glong te, “Tarungi tua, lag am gdama sa ay guyan ay lag am gtungkud dewa nday kaduge am sisad datag. Tarungi sas buksul laman diam kabul.”

1 Fun 14:16

Ay Yawi ban gfabayan ngay taw Israel nu gababawan sat ngay fawayan aroro siginans Erubuam at ngay asalanan at nafae asalanan ngay taw Israel.”

1 Fun 16:31

Saman ya nu gfaning Erubuam, Nebat at baguama, at ugali, kanya andadwa ya sas Esebel, Etbaal at baguina. Etbaal talun Sidun at fun. Siginan ginanya, Akab gseg ay gfauseganan Baal.

1 Fun 4:28

Ay kanya fagayu gfon yangay sas fun Sulumun ngay barli ay nagbiluganan laman famaug at ngay kabayu. Ay gbuba kafag ngay famaug sat fagfafangonan.

2 Fun 14:19

Tibak taw Erusalem kaylat gfabul anya. Nu katanya, kanya nalagyu sas furuan Lakis, dewa katanya, kanya fagayu nasugu ngay taw laman nangguyan anya ay nafabul.

2 Fun 18:17

Ay gina Asirya at fun sis furuan Lakis, kanya nasugu at fun tagfawayan, ay tagfangguna ngay fagsuguan, ay tagfangguna ngay tagfawayan, anggan ngayuk tagfawayan sas fun Esekyas sis furuan Erusalem. Ay gina kanya fagayu ndasug sis day Erusalem, anragang si sik fagfamiluganan sis buid fag fagfungsuan mamam, sa sangaba dalan tagsas tagbakbak at gamasun.

2 Fun 8:18

Kanya nafaning Israel at ngay fun at ugali, kata Akab fag talanan at nafakamulun, aroro kanya nabubay Akab at baguina. Euram nafakamulun at mauri sis Yawi at daga salubangan.

2 Krunika 11:9

Aduraim, Lakis, Aseka,

2 Krunika 32:9

Ay gina fun Senakerib ay at ngay tagfawayan maligung furuan Lakis, kanya nasugu at ngay tagfangguna sas Erusalem laman nanlong at kinfasludan sas fun Esekyas ay sa sangay taw sanya.

Ub 39:10

Ay o mafasiuk ro wo, ay magbilug laman nangali am fagtanuman?

Nu Galin 32:21

Ay Muisis nalong sas Arun te, “Nataw tuy fag ngay taw at nafakamulun sa emu am fagnafabayanun anya fagayu nu gasalanan?”

Isayas 10:31

Ngay taw Madmena nalagyu wan, ay ngay taw Gebim nasuksuan wan.

Isayas 36:2

Ay gina Asirya at fun sis furuan Lakis, kanya nasugu at fun tagfawayan anggan ngayuk tagfawayan sas fun Esekyas sis furuan Erusalem. Ay gina kanya fagayu ndasug sis day Erusalem, anragang si sik fagfamiluganan sis buid fag fagfungsuan mamam, sa sangaba dalan tagsas tagbakbak at gamasun.

Isayas 37:8

Ay fun tagfawayan nu nadungug te, Asirya at fun nalao wan siginans furuan Lakis ay gfawayan sis Libna, kanya nalao sanya.

Eremyas 3:8

Nafasaruayan kwan ay naiyan siginan angku ngay taw Israel, aroro kanya fagayu gfanugtug siginan nu gseg tibak fagsegan. Dewa katanya, nalag au te, takamabo fag ngay taw Uda wa nlimu ku nafakamulun, abat ngate, kanya fagayu gfanugtug yangay.

Eremyas 34:7

Ginanya Babilunya at fun ay at ngay tagfawayan nafawayan wan furuan Erusalem, ay Lakis ay Aseka. Nafawayan kanya fag ngay furuan aroro kanya way lang at sawad fag ngay furuan at ke ngay dingding alad.

Eremyas 4:29

Ngay tagbanwan si sangay furuan nalagyu aroro kalimu nu nadungug ngay tagakabayuan ay at ke ngay godun nu garingang. Tiba nalagyu sasad araw, ay tiba naulul sa sangay fungsu. Ay kanya fagayu naubun at ngay furuan ay we gbanwan ya.

Esekyel 23:11

“Uliba dewa nalag at kinfasludan sat kaka, kanya gfataglayun yangay nu gfakamulun at mauri, aksvn yap tua at kaka at nafakamulun.

Mikas 1:5

Takatanya ban fagayu umfasludan aroro ngay taw Israel ay ngay taw Uda at ngay asalanan. Ay ngay taw Samarya nafaylat ngay taw Israel laman gasalanan. Ay ngay taw Erusalem nafamatangan ngay taw Uda laman gseg tibak fagsegan.

Uswe 10:3

Nu katanya, fun Aduni-Sedek nafabuba sik rirukan sas Kebrun at fun Uam, ay Armut at fun Piram, ay Lakis at fun Afya, ay sas Eglun at fun Debir te,

Uswe 15:39

Lakis, Buskat, Eglun,

At Nafasure 2:14

Dewa katanya, e fakauriun kway ayu. Am tiba nafaning wayam Balaam at foyungan. Kanya nafoyung sas Balak nu setain nu gfaylatan ngay taw Israel laman kon ngay fanggalangun at nafon sat yud matuyan fag ngay fagsegan, ay at nanfanugtug ay at kamatugtug. Siginan takatanya, ngay taw Israel anke asalanan.

At Nafasure 2:20

Dewa katanya, e fakauriun kway ayu. Wam nasalag Esebel fag mangena takamaningan te, sia wan Dius at taglong. Siginan at foyungan kanya gtaban ku ngay fagsuguan laman nanfanugtug ay namatugtug, ay kon at nafon fag ngay fanggalangun sat yud matuyan fag ngay fagsegan.