Mikas 1:1 - Fanawbuid tagsibaliwas Fakayabian

¹ Katatuy Yawi at longan sabaliwas Samarya ay Erusalem at nafoyung sas Mikas fag taw Mureset ebi gina Utam, ay Akas, ay Esekyas gtudtubusan gfunan sis talun Uda. Mikas nalong te,

Mikas 1:1 ပူးပေါင်းရင်းမြစ်များ

2 Fun 15:32

Gina sis faduak banwa Peka, Remalya at baguama nu gfunan sis Israel, Utam, Usya at baguama gfasigad gfunan sis Uda.

2 Fun 15:5

Yawi nafadasug sa anya sik maksvn fag fakasaitun sit balat ay kanya anbul. Kanya gbanwan gsadilian si sik bale, ay at baguama Utam tagfangguna fun at bale, ay sa sangay taw Uda.

2 Fun 16:1

Gina sis falabi fituk banwa Peka, Remalya at baguama nu gfunan sis Israel, Akas, Utam at baguama gfasigad gfunan sis Uda.

2 Fun 18:1

Gina sis fatuluk banwa Usea, Ela at baguama, nu gfunan sis Israel, Esekyas, Akas at baguama, gfasigad gfunan sis talun Uda.

2 Krunika 28:1

Akas gina gfasigad gfunan, at banwa duak safulu. Ay kanya gbanwan sis Erusalem, ay nu gfunan labi unumk banwa. Ay kanya nafakamulun at mauri sis Yawi at daga salubangan, ay wa nafaning at mangaguyang Dabid at nafakamulun.

2 Krunika 29:1

Esekyas at banwa duak safulu e lima gina gfasigad gfunan. Ay kanya nabanwan sis Erusalem, ay nu gfunan duak safulu e siamk banwa. At mina Abya, Sakaryas at baguina.

Isayas 1:1

Tuy fag fafil gfayamag sabaliwas Dius at nafalag fag taginfan sas Isayas, Amus at baguama, sabaliwas Uda ay Erusalem ebi gina Usya, Utam, Akas ay Esekyas gtudtubusan gfunan sis Uda.

Isayas 1:2

“Au, Yawi, glong au te, am tagsis banwa ay tagsis daga, dungugani! Nalaga au ay nafagurang ku ngay sisian fag ngay taw Israel, dewa katanya, kanya fagayu kamabo way angku.

Isayas 7:1

Gina Akas gfunan sis Uda, Resin, talun Sirya at fun, ay Peka, Israel at fun, nalao sas furuan Erusalem gadgaloan at ngay tagfawayan. Ay dewa katanya, kanya fagayu wa nakatu gbabo. (Akas, Utam at baguama ay Usya at fufu, ay Peka, Remalya at baguama.)

Eremyas 26:18

“Ebi gina Esekyas gfunan sis talun Uda, Mikas, tagsiginans Mureset, nalong Yawi at longan laman sa sangay taw Uda. Kanya nalong te, ‘Yawi at Mabalyanan nanrasras wan Siun, Erusalem fag furuan daul. Ay kafag furuan ban umkata sik fagtanuman at malian, ay sik fagfungsuan at kinkiklas fag ngay bale, ay at fagfalindugan Yawi at bale fag buksul umkata sik araw.’

Usea 1:1

Katatuy Yawi at foyungan sas Usea, Beeri at baguama, gina Usya, Utam, Akas ay Esekyas, gtudtubusan gfunan sis Uda, kaduge Erubuam, Yuas at baguama, gfunan sis Israel.

Usea 4:15

Ngay taw Israel, dewa am natalyuyan angku kata sik mangena takamatugtug, lag am gfataip ngay taw Uda. Ay am fag ngay taw Uda, lag am glao sas Gilgal ay sas Bet-Aben laman nanseg angku, ay lag am glong ku ngayan gina am gfatuyanan.

Usea 8:14

Ngay taw Israel nalyam at takawat. Ngay taw Israel ay ngay taw Uda nawat at ngay bale ayu daul, ay at mogat fag ngay furuan ayu daul. Dewa katanya, nangirug kban kafag ngay furuan ay anggan at mogat fag ngay afud.”

Amus 1:1

Katatuy Amus at foyungan sabaliwas Israel. Amus sik taw Tekwa ay sik tagalaga tupa. Ay Dius nafasure sa anya at madulo, ay ginanya, dua yak banwa ay nauig sanya fag daga. Ginanya, Usya at fun sis Uda, ay Erubuam, Yuas at baguama, at fun sis Israel.

Amus 6:1

Afanyuan am ngay tagfangguna sis Siun ay sis Samarya, aroro ay fakaylatun nu gbanwan am fagmabayanun way lang. Ay nu gamatangan am ay sadili, sik takadungug am fag ngay taw ay sik tagtungud sa tibak talun, ay sa wa ayu ay ngay taw nu nangakbang.

Mikas 1:5

Takatanya ban fagayu umfasludan aroro ngay taw Israel ay ngay taw Uda at ngay asalanan. Ay ngay taw Samarya nafaylat ngay taw Israel laman gasalanan. Ay ngay taw Erusalem nafamatangan ngay taw Uda laman gseg tibak fagsegan.

Mikas 3:9

Am fag ngay tagfangguna sis Israel ay sis Uda, dungugani! Wam gfafasludan fagmatuyanun ay wam gfae masuad at matuyan.

Abakuk 1:1

Katatuy Yawi at foyungan sas Abakuk fag taglong.

2 Pedru 1:21

Aroro Dius at ngay taglong at foyungan bundi siginan at ngay sadili amatanganan, nu bunway siginan tua at Masine fag Falad at gubuk laman kanya fagayu mafamoyung Dius at longan.