Mateu 8:4 - Fanawbuid tagsibaliwas Fakayabian

⁴ Ay Isus nalong dayvm anya te, “Lag kamansulit sas nusdi sadik taw. Loi wan ay namalag o emu sas tagfon fanggalangun, ay foni sik fanggalangun kata ebi Muisis at longan, laman sik famasaful sa sangay taw te, anfia wo ay masine wo.”

Mateu 8:4 ပူးပေါင်းရင်းမြစ်များ

Isayas 42:21

Yawi kaylat gfalag te, at faugali mabalyanan ay masine, laman gfasaful sas fagayu taw te, kanya matuyan.

Mateu 10:18

Ay e tumaban yangay ban ayu sat ngay afud talun at ngay fun ay sat ngay fun, aroro gafanud am sa angku. Ay ginanya ban mafafamoyung am sabaliwa angku sa kafag ngay fun ay sas yud Udyu fag ngay taw.

Mateu 16:20

Ay arodi Isus maksvn nu glong sat ngay tagadal laman wa glong sas nusnga sinu sabaliwa anya te, sia wan Dius at nafili fag Fun.

Mateu 17:9

Ay gina Isus ay at tuluk tagadal gtagbung, Isus nalong anya te, “Lag yap gfoyung sa tibak taw ay nalag yakmay ban ku Mama nafadog nafaleleg angku, Taw at Baguama.”

Mateu 3:15

Ay Isus nabalus te, “Dewa, fasurungi wa angku. Aroro nu katanya tua, gfaning wata Dius at fakaylatun fagayu.” Ay Uan nafaning fia at longan.

Mateu 5:17

“Lag am gamatangan te, ku fagindasugun laman nanfae yud kway e tungkul Muisis at Faugali, ay anggan Dius at ngay taglong at longan. Duan. Ku fagindasugun laman namafasludan kway at Faugali.

Mateu 6:1

“Lag gfakamulun at masine, kanya nu ay famalagan way lang ay iba. Nu katanya way ay fakamulun, wa ban am e fagnamulun at masine siginan ay Mama sas banwa.”

Mateu 9:30

Ay kafag duama glag wan. Ay Isus maksvn nu gsalag duama laman wa gfasaful sas nusnga sinu.

Markus 13:9

“Mataganani ay sadili, aroro e tumaban ban ayu sas taw Udyu at ngay fagtainan ay e namalang ban ayu sa sangay bale fakafulan, ay nanalubang ban am ngay afud talun at ngay fun sirut ay sat ngay fun at daga salubangan aroro gafanud am sa angku. Ay ginanya ban mafafamoyung am sabaliwa angku.

Markus 3:12

Ay maksvn Isus nu gsalag sanya fag ngay mauri fag falad laman di kamarita sabaliwa anya.

Markus 5:43

Ay Isus maksvn nu gsalag sanya fag ngay taw te, “Lag gfoyung sa tibak taw.” Ay Isus nasugu laman namon sanya fag baguina sik fakonun.

Markus 6:11

Ay nusnga nday fag talun at ngay taw nu dway kaylat ayu, ay nu dway kaylat gdungugan ayu, nu glo am sanya ginan, fagfagi tagsi ay darafa fag lukbu, laman famasaful te, sanya fag ngay taw wa gfaning.”

Markus 7:36

Ay Isus maksvn nu glong sanya fag ngay taw laman wa kamarita sas nusnga sinu. Ay dewa Isus kaksvn nya nu glong, kaksvn way baliwa kafag ngay taw nu gfoyung.

Markus 8:30

Ay Isus maksvn nu glong sat ngay tagadal laman wa glong sas nusnga sinu sabaliwa anya.

Markus 9:9

Ay gina Isus ay at tuluk tagadal gtagbung siginans buksul, Isus nafataganan te, “Lag gfoyung ay ngay nalag nu dyakmay au, Taw at Baguama, nadog naleleg.”

Lukas 17:14

Ay Isus nu nalag, nalong te, “Loi wan ay namalag am ay ngay bilug sa sangay tagfon fanggalangun.” Ay gina kafag ngay tagabangbang glao, anfia wan, ay masine wan.

Lukas 21:13

Ay ginanya ban, mafafamoyung am sa kafag ngay taw sabaliwa angku.

Lukas 4:41

Ay Isus naiyan yangay at mauri fag ngay falad siginan ngayuk taw. Ay kafag ngay falad gina gduksun, guro sas Isus te, “O wan Dius at Baguama!” Dewa katanya, Isus nasalag laman wa garingang, aroro kafag ngay falad saful te, Isus, Dius at nafili fag Fun.

Lukas 5:14

Ay Isus maksvn nu glong anya te, “Lag kamansulit sas nusdi sadik taw. Loi wan ay namalag o emu sas tagfon fanggalangun, ay foni sik fanggalangun kata ebi Muisis at longan, laman sik famasaful sa sangay taw te, anfia wo ay masine wo.”

Lukas 8:56

Kafag baguina at fagtainan andulo ay Isus nalong te, “Lag gfoyung ay nalag nusdi sa sadik taw.”

Lukas 9:21

Ay Isus maksvn nu glong sa anya fagayu te, “Lag glong sas nusnga sinu fag taw.”

Uan 5:41

“Bundi ngay taw at famauseganan ku fagrvbvyun

Uan 7:18

Nusnga sinu tagfoyung nu siginan way at sadili foyungan, kanya gfauseganan way at sadili. Ay dewa katanya, nusnga sinu tagfoyung nu gfauseganan tua sat nasugu anya, kanya wan at matuyan ay at yud e asalanan.

Uan 8:50

Wa mafanud sa angku ngay taw at famauseganan angku. Ku Mama at fakaylatun nu e gfauseganan angku. Kanya tua tagfatuyan te, matuyan ku longan.