Mateu 7:7 - Fanawbuid tagsibaliwas Fakayabian

⁷ “Eti, ay gfon ro sa ayu. Rvbvyi, ay lumag am. Atuki, ay gluang ro laman sa ayu.

Mateu 7:7 ပူးပေါင်းရင်းမြစ်များ

Fakasigadan 26:32

Ay ginanya yangay fag menit, Isak at ngay fagsuguan andasug yangay sanya ay nafoyung anya te, at naali fag bubun e mamam.

1 Fun 3:5

Ay nu nyabi wan, Yawi ansure sa anya siginan sik taginfan ay nalong anya te, “Eti nusnga setaw ay gfon kro sa emu.”

Alubad. 10:17

Yawi, gdungug o ngay tagafalingunan at darangin. Ay gfabitsug yangay o at ngay amatanganan.

Alubad. 10:4

Ay aroro kanya fagayu kamatungudun, wa kaylat nangakbang sas Yawi, ay wa gamatangan ya sa baliwas Dius.

Alubad. 119:12

Yawi, gseg au emu! Foyungi angku am ngay foyungan.

Alubad. 27:8

Yawi, nalong o te, “Rvbvyi angku,” nu katanya sa ku amatanganan grvbvy au gugat emu.

Alubad. 34:4

Nadarangin au sas Yawi, ay nabalus tua angku. Ay nafalangfe angku siginan ku ngay fakalimuun.

Alubad. 37:4

Useganani sas Yawi, ay kanya gfon emu am fakaylatun.

Alubad. 50:15

Gina am sis buknga fagidapun, darangini sa angku, ay gfalangfe au ayu, ay gfauseganan am angku.”

Alubad. 69:32

Ngay taw at yud e kwa nu nalag takatanya, guseganan. Ay fagayu takakbang sas Dius, guseganan yangay.

Alubad. 70:4

Ay dewa katanya, fagayu nangus takakbang sa emu, guseganan tua aroro sa emu. Ay fagayu takaylat am famalangfe, guro tua nangus gugat te, “Dius mabalyanan tua!”

Alubad. 86:5

Fun Dius, kabavn matuyan tuo. Ay mafalganan yangay o gfalyam ngay taw at asalanan, ay mafangesug tuo sas fagayu taget sa emu gubuk.

Fangatulun 8:17

Kesug au fagayu takesug angku, ay fagayu tagrvbvy angku lumag angku.

Sulumun at Alubad 3:2

Nu katanya, anfulo au, laman nanrvbvy anya, ay anfagdaul kwan furuan daul, anggan sa sangay dalan, ay sa sangay fagaweanan, dewa katanya, kwa nalag.

Isayas 30:19

Ngay taw Siun tagbanwan sis furuan Erusalem, wa ban am gdog ya gwayway! Yawi kafanyu tua ban ayu nu get tuam gubuk sa anya. Ay gina nadungug ay darangin gbalus wa fia.

Eremyas 33:3

“Darangini sa angku ay gbalus au emu, ay namoyung au sa emu nusnga setaw at madulo ay at masuksuk am fagyudun yay saful.

Amus 5:4

Nu katanya, ngay taw Israel akbangi sa angku, laman ban gleleg tuam.

Mateu 18:19

“Ay glong kyangay ayu te, duak taw ste swa daga nu gdiuganan tua get sa ku Mama, ku Mama sas banwa gfon anya at fagetun.

Mateu 21:22

Ay nusnge wain ay fagetun gina am gdarangin, gfon wa fia ayu, nu e fagafanudun tuam.”

Mateu 6:33

Abat ngate am gafanawa, ugatani yakman te, setain Dius nu gfagtainan fia ayu, ay ugatani nu gfaning am at fakaylatun, ay Dius gfon ban sa ayu fagayu ay fagayudanun.

Mateu 7:11

Dewa am sik ngay mauri fag taw, saful tuam gfon at masine sa ay sisian, ay ay Mama sas banwa gtungud yay nu gsaful gfon at masine sas nusnga sinu taget sa anya.

Mateu 7:8

Aroro fagayu taget mul waban fia. Ay fagayu tagrvbvy lumag tua ban fia. Ay fagayu takatuk e lumuang waban fia laman sa anya.

Markus 11:24

Nu katanya, glong au ayu te, nusnge wain ay fagetun gina am gdarangin, afanudi te, umfasludan fia, ay sumawa fia ayu.

Lukas 13:25

“Ay kanya fag tagagbilug bale nu nlindug ay nu nadingding wan at sakbawan, am si way am slod bale, ay katuk am sis sakbawan ay guro te, ‘Em Fun, luangi, fasakboi emi.’ Ay kanya gbalus ayu te, ‘Kwa toglag ayu ay kwa saful te, daginan am.’

Lukas 18:1

Isus nafansulitan sat ngay tagadal sabaliwa sik faydayuanan, laman kanya fagayu wa kamomuy ay wa kalufuy gdarangin.

Uan 15:16

Bunwam at nafili angku, nu bunway nafili au ayu laman glo am ay grawvg am, ay laman ay rawvg gbanwan kabavn. Ay ku Mama namon ayu nusnge wain ay fagetun sa ku ngayan.

Uan 15:7

Nu gbanwan tuam si angku, ay ku ngay longan gbanwan si ayu, eti nusnge wain ay fakaylatun, ay gfon kwa fia ayu.

Uan 4:10

Isus gbalus anya te, “Nu nasaful di o te, nataw Dius at fagnamonun sas taw, ay sinu taget sa emu mamam, malgau ro o way taget sa anya ay gfon ro emu tagfon leleg fag mamam.”

Ruma 2:7

Ay Dius ban gfon leleg at yud e fakatabuan, sa sangay taw tagfakamulun tua gugat at masine, laman grvbvy fagmasineun, ay famauseganan, ay fagyudun kabul.

Ruma 3:11

We taw saful at matuyan, ay we gugatan grvbvy Dius.

Ebreu 11:6

Sik taw at yud e fagafanudun wa mafauseganan Dius. Nusnga sinu at nangakbang sas Dius masine nu gafanud tua te, e Dius tagleleg ay tagfon at masine sas fagayu tagrvbvy anya.

Santiagu 5:15

Ay sik tagdarangin, nu gafanud tua, umfia at ke fakasaitun, ay tam Fun gfabitsug anya ay gfalyam at asalanan.

1 Uan 3:22

Ay mabul tua tam tam fagetun sas Dius, aroro gfaning tua tam at ngay suguan ay gfakamulun tua tam nusnga setaw tagfauseganan anya.