Mateu 7:1 - Fanawbuid tagsibaliwas Fakayabian

¹ “Lag gamatangan sabaliwa ay iba te, mauri at fakamulun, laman ban Dius di gfoyung te, mauri yangay ay fakamulun.

Mateu 7:1 ပူးပေါင်းရင်းမြစ်များ

Isayas 66:5

Fagayu am tagfaning Yawi at longan, dungugani at ngay foyungan: “Aroro matuyan tuam sa angku, ay ngay iba ankuri ay naiyan ayu. Kanya fagayu gfalingun glong te, ‘Yawi nangus gfalag wan sa ayu at fagmabalyananun laman lumag ami nu guseganan am!’ Kanya ban fagayu umkapla way.

Mateu 7:2

Aroro nusnga setaw ay amatanganan at mauri sabaliwa ay iba, katanya yangay ban at foyungan sabaliwa ayu. Ay nusnga se aksvn nu gfaurianan am ay iba, katanya yangay nu gafaurianan am.

Mateu 7:5

Takamaningan wayo fag taw. Buli yap taguna kafag balse sim mata, ay nu nabul tuo, malyo tua ro nu gdama o, ay mabul wo am faduksay at namata.

Lukas 6:37

“Lag gamatangan sabaliwa ay iba te, mauri at fakamulun, laman ban Dius di gfoyung te, mauri yangay ay fakamulun. Ay lag am glong te, ‘Dius nangus gfaurianan wan kafag ngay taw tagfakamulun at mauri,’ laman ban Dius wa gfaurianan ayu. Falyami tua ay iba at asalanan sa ayu, laman ban Dius gfalyam yangay ay asalanan.

Lukas 6:41

“Wain am faglongun sam faduksay te, ‘Gamata o,’ ay emu ngap am namata sik balse tua daul?

Uan 8:7

Gina kafag ngay taw gfataglayun ginto sas Isus, Isus namalindug ay glong te, “Nusnga sinu si ayu at yud e asalanan, kanya taguna gfana.”

Santiagu 3:1

Ku ngay faduksay, lag am ngayu takaylat nangasik takamoyung aroro nasaful wam te, Dius ban nu ginsaful emi fag ngay takamoyung, aksvn yap tua nu ginsaful tibak taw at asalanan.