Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Mateu 6:2 - Fanawbuid tagsibaliwas Fakayabian

2 “Ay nu katanya, gina o gfon sat yud e kwa, lag o gfasaful sam iba kata ngay takamaningan at fakamulun gina si sangay bale fakafulan ay gina si sangaba dalan laman tibak taw sumeg anya. Matuyan nu glong au ayu te, kanya fag taw nabul wan at fagnamulun ma ban.

အခန်းကိုကြည့်ပါ။ ကော်ပီ




Mateu 6:2
56 ပူးပေါင်းရင်းမြစ်များ  

“Ay nu gdarangin o, lag gfaning takamaningan nu gdarangin. Aroro kanya at fakaylatun nu gdarangin namalindug dewa sis bale fakafulan ay dewa sasad sagbatan dalan, laman fagayu taw glag anya. Matuyan nu glong au ayu te, kanya fag ngay taw nabul wan at fagnamulun ma ban.


“Ay gina am yud gfangon laman gdarangin, ay mata dangay mafabaluanan kata ngay takamaningan. Aroro takamaningan wa nafasineun at mata laman namasaful sat iba te, wa gfangon ginanya fag buknga. Matuyan nu glong au ayu te, kanya fag taw nabul wan at fagnamulun ma ban.


“Bundi ngay taw at famauseganan ku fagrvbvyun


Ay lag tam kalyam gfakamulun at masine ay ggubuk tam iba aroro kanya wan tam Dius at fagusegananun fag fanggalangun.


“Mataganani tua ngay tagfoyung Muisis at Faugali. Kanya fagayu e lanbung at mafilian nusnga nday nu glao, ay gina sis wabilug furuan, kaylat ngay taw nu gseg anya. Ay galay nasas bale fakafulan ay e ngay fagmafulun, kanya fagayu at fakaylatun sa tua at masine fag ngay faglunggungan,


Nusnga sinu tagfoyung nu siginan way at sadili foyungan, kanya gfauseganan way at sadili. Ay dewa katanya, nusnga sinu tagfoyung nu gfauseganan tua sat nasugu anya, kanya wan at matuyan ay at yud e asalanan.


Nu sik tagfoyung o, famoyungi Dius at longan. Ay nu sik taggubuk o, agbilugi nu ggubuk o Dius at nafon emu fag fagmabitsugun, laman gfauseganan o anya sas fagayu am fakamulun siginans Isus tam Fun. Siwa anya fagmasineun ay fagmabalyananun kabavn ban. Anud.


At mauri fag ngay taw mafanbedan ay wa gbayad ya, dewa katanya, at matuyan fag ngay taw e fakafanyun tua, ay kamon tua sat ngay iba.


Tagfangkamul lag gfangkamul ya, nu bunway fakamuluni tua nusnga setaw at masine laman mafagubuk ngay tagayudan.


Ay kanya fag tulu nalong sa emi te, lag gfabayan ngay yud e kwa, ay katanya wa fia ku fakaylatun ku fagnamakamulunun.


Ay Kurnelyu nadama ay anlimu maksvn, ay nabalus te, “Nataw ku Fun?” Ay kafag tagbarita nalong anya te, “Dius nadungug am darangin ay guseganan am fakamulun nu ggubuk o at ke ngay fagidapun.


Uyupi ay ngay budyung laman sik famararang sa ku ngay taw, aroro at ngay fawayan namawayan anya fagayu kasakit sik bio, aroro ku ngay taw wa nafae masuad em nasadian ay wa nafaning ku ngay foyungan.


Ay foyungi yangay anya te, fakamuluni tua at masine, ay aramramani sat masine fag fakamulun, ay famoni tua ay gubuki ay kaiban.


Ay nu sik tagfaksvn tibak taw at amatanganan, faksvni wa fia. Ay nu sik takamon, famoni sas fagdaul tam fagmakatuun. Ay nu sik funan, ugatani fia funani. Ay nu sik takafanyu, afanyui fia useganani.


“Ay nu nlangfe ngayuk banwa, anfoli au sas Erusalem laman namosuk fanggubukun sa ku ngay kaiban tagidapan ay laman namon fanggalangun sas Dius.


Ay kanya nalong sa angku te, ‘Dius nadungug am darangin ay kaylat am fakamulun nu ggubuk o ngay tagidapan.


Kurnelyu fag talanan gsuyu tua ay gseg Dius. Ay kanya nagubuk ngayuk taw Udyu at ke fagidapun, ay mafandarangin tua.


Ay sis furuan Upa, e sik mangena gafanud yangay, at ngayan Tabita. (Sas Griegu, at ngayan Durkas, at masuad te, Bian.) Kabavn kanya mafanggubuk, kaugat wan sat yud e kwa.


Ay tibak tagadal namatangan te, Isus nasugu Udas laman namul at ngay fagayudanun si ban sfagmafulun, ay mannga namon sat yud e kwa, aroro Udas wan tagalaga at salapi.


Ay famauseganan nu sa way lang ay iba, tain ro nu gafanud am, wayam grvbvy famauseganan tagsiginan at matuyan fag sadik Dius?


Ay wain ro am fagnalongun sam faduksay te, ‘Faduksay, au wan tagbul am namata,’ ay wo glag kafag balse sim mata. Takamaningan wayo fag taw. Buli yap taguna kafag balse sim mata, ay nu nabul tuo, malyo tua ro nu gdama o, ay mabul wo am faduksay at namata.


Ay galay nasas bale fakafulan ay e ngay fagmafulun, kanya fagayu at fakaylatun sa tua at masine fag ngay faglunggungan,


Ngayuk taw taglong te, matuyan ami, dewa katanya, sinu nunda si anya at matuyan?


Nu ggubuk tuo at maidap fag taw, kata nu nafaulbus o sas Yawi, ay Yawi ban gfafoli sa emu.


Kanya kamon tua sat yud e kwa, ay at fagmatuyanun ban kamatang tua gugat. Ay at fagmakatuun ban kafamut yay, laman e gfauseganan.


Ku faduksay, anggan au guseganan kyangay ay ansun, aroro siginan nu kesug o, nafae fagmanabayanun tuo anya fagayu.


Ay wami narvbvy famaylatan siginan ayu ay dewa ndaginan fag ngay taw.


Nu katanya, kafag ngay tagafanud nafalganan at fanggubukun sa sangay tagafanud sis talun Udea. Ay galay at sadi nafon kaksvn at fagmakatuun.


Ay tam Fun nabalus te, “Am fag ngay takamaningan, fagayu am gluas way am ay baka ay ay kabayu siginans fagfangonan, dewa sis Famiangalay fag Menit, laman nantaban sas fagfainuman, o kin.


Sik ngay takamaningan am! Nasaful oma am at fakasafulan sa tam daga ay tam kiwang, ay wain ay fagyudun saful katsi fag ngay menit at masuad?


Falaoi ay ramraman ay foni at nagbulan sa sangay taw at yud e kwa. Katanya nu gbul am sik fagsuadan ramraman at yud karasras, ay anggan at yud e fakatabuan fag ramraman sas banwa. Aroro we madasug sanya ngay tagfangkamul, ay we fatung at manamin ay ramraman.


“Ida, am fag ngay taw Fariseu, aroro ay fakaylatun at masine fag ngay faglunggungan sa sangay bale fakafulan, ay gina am sis wabilug furuan, kaylat am ngay taw nu gseg ayu.


Foni tua sat yud e kwa laman masine tua fagayu tagsi ayu.


“Ida am, fag ngay taw at maramraman, aroro nabul wam ay fakasunan.


Ay Isus glong te, “Matuyan Isayas at foyungan ebi sabaliwa ayu fag ngay takamaningan. Katatuy at marirukan sis Dius at Longan, ‘Tuy fag ngay taw, nu gseg angku si way lang at aringang, dewa katanya at amatanganan ngayayu way siginan angku.


ay namaurianan anya maksvn, ay namalo sa sangay takamaningan. Ay kanya ban gwayway gugat sanya ay gfaringgit at bagang.


Ay gina e ngay fagmafulun, at fakaylatun sa tua at masine fag ngay faglunggungan, ay anggan sa sangay bale fakafulan.


Ay Isus saful way kafag ngay taw at algan mauri, ay glong te, “Sik ngay takamaningan wayam! Wain ay fagfaskudun angku?


Ay gina sbalabag glong am te, ‘Karak way ro siring newa banwa dewa gmangalay, madulum way sat ligung.’ Nasaful wam at fakatoglagan sis banwa ay dewa katanya wam saful fakatoglagan sabaliwa takadasug ban fag ngay menit.


Sik takamaningan wayam! Matuyan Isayas at foyungan ebi sabaliwa ayu te,


Foni fakonun sas fagayu takalunus, fasakboi sa ay ngay bale at yud e kwa, foni lanbung sat yud e lanbung, ay gubuki ay ngay kalongan.


Nu katanya, tam Fun wa kaylat ngay taw Israel at ngay baguama, ay wa kafanyu at ngay yud e fagtainan ay ngay fagbubayun. Kanya fagayu mauri way ay wa gfaning Dius, ay mapla way at ngay longan. Dewa katanya, Yawi at dotama ya nalyam, ay mafalganan yay namaurianan anya fagayu.


Am salapi fasai tua tagsaman saman fag famaloun, aroro wo saful nusnga setaw takadasug fag ngay mauri stes fagdaul daga.


Saul gbalus te, “Nasalan au! Ay dewa katanya, gfainfanyuan au get sa emu te, fauseganani yap angku sis salubangan ngay fagtainan ay ku ngay taw siginan nu galo o angku laman nanseg Yawi am Dius.”


Takamaningan wayo fag taw. Buli yap taguna kafag balse sim mata, ay nu nabul tuo, malyo tua ro nu gdama o, ay mabul wo am faduksay at namata.


Matuyan nu glong au ayu te, dewa ban banwa ay daga ankamin, nusdi sik afud sirut Muisis at Faugali wa myud e tungkul yakmay ban umfasludan fagayu.


Gsugu kban anya fagayu laman namawayan ku fakadotamaun fag ngay taw at yud gfaning angku, ay laman nanrasras ay nansiad anya fagayu kata nu gsiad lifak sa sangaba dalan, ay namul yangay ban at ngay ramraman.”


Ay nu gfon am sat yud e kwa, lag gfasaful dewa sa ay fagadgalangan fia,


“Ay kafag ngay taw gfalagan way lang, laman ngay taw gdama anya. Kanya nafabia fagsuadan Dius at Longan sit alfuyu, ay nafaba at farangfangan sit fungfung lanbung.


Dewa ro au nafon fagayu ku ramraman, ay dewa ro au nafon wan ku bilug laman nangirug, nu dway ngap si angku fakesugun, we masuad sa angku.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ