Mateu 5:9 - Fanawbuid tagsibaliwas Fakayabian

⁹ Mauseganan ngay taw nu mafafalukmeanan tua tiba, aroro kanya ban fagayu kangayan te, Dius at ngay sisian.

Mateu 5:9 ပူးပေါင်းရင်းမြစ်များ

1 Krunika 12:17

Ay Dabid naduksun laman namablang kanya fagayu ay nalong te, “Ay fagnasteun nu nanggubuk tuam angku ay laman ku ngay fagadgalangan am, kaylat kway nu galo am emi. Dewa katanya, ay fagnasteun nu namon wayam angku sa ku ngay fawayan dewa au yud e asalanan, nangus tam ngay mangaguyang at Dius lumag ay algan ay gfaurianan ayu.”

Alubad. 120:6

Ngaduge wan nu gbanwan au si sangay taw at yud kaylat fagmanabayanun.

Alubad. 34:12

Nusnga sinu takaylat at manabayan ay tangaduge fag leleg,

Mateu 5:45

laman umtuyan te, am wan ay Mama tagsis banwa at ngay sisian. Aroro Dius gfasure menit sat mauri fag taw ay sat masine fag taw. Ay gfarak sat matuyan fag taw ay sat yud matuyan fag taw.

Mateu 5:48

Lag am e malong, kata ay Mama sas banwa nu yud e malong.

Lukas 20:36

Ay kanya ban fagayu wa kabul ya, aroro kanya kata Dius at ngay tagbarita. Ay kanya fagayu Dius at ngay sisian, aroro gdog yay ban gleleg.

Lukas 6:35

“Esugi tagfawayan ayu, ay fakamuluni sa anya at masine, ay faulbusi tua sa anya ay lag gfanya ya at fantubus. Nu katanya tua ban ay fakamulun gbia tua ban ay fagnamulun sas banwa, ay kangayan ban am te, Tiba Tungud fag Dius at ngay sisian. Aroro Dius kafanyu yangay dewa sa sangay taw mauri ay at yud ggubuk at iba.

Fakamulun 7:26

Ay balabag di, Muisis nalag duak taw Israel nu gawayan. Ay kanya nananwabilug duama ay glong te, ‘Ku ngay faduksay, wain ay fagawayanun, ay gsud way am taw Israel?’

Ruma 12:18

Manabayani tua sas fagayu taw kafanud ay fagmakatuun.

Ruma 8:14

At Masine fag Falad at nataban fag ngay taw, kanya wan Dius at ngay sisian.

Ruma 8:16

At Masine fag Falad gfadiuganan tagsi antam fag falad te, itam wan Dius at ngay sisian.

Ruma 8:19

Fagayu at awatan maksvn nu gfanya Dius nu gfasure at ngay sisian.

1 Kurintu 6:6

Ay am fag ngay tagafanud nu namasine am ay ngay fagidapun, sa way at yud gafanud.

2 Kurintu. 13:11

Ku ngay faduksay, ste way tsigon ku rirukan. Ugatani tua fia sat matuyan. Ay aloi kata em suguan ayu. Masadii tua ay amatanganan, ay banwani manabayan. Nu katanya tua, Dius at fakesugun ay fagmanabayanun si tua gugat ayu.

2 Kurintu. 5:20

Fakatanyaun ami wan tam Fun Isus at ngay fagsuguan, ay Dius wan tagaringang sa ayu siginan emi. Aroro sa tam Fun Isus glong ami ayu te, asadii wan sas Dius.

Galasya 5:22

Dewa katanya, katatuy tua takalag si sik taw at leleganan siginan at Masine fag Falad at gubuk: kanya mafangesug tua, ay guseganan, ay manabayan, ay magwanta, ay mafangafanyu, ay e fagmasineun, ay mafamaning,

Efesu 4:1

Au sik maubungan aroro siginan nu gfaning au tam Fun, maksvn nu glong au ayu te, ugalii tua at masine kata Dius at ngay nauro.

Filipus 4:2

Am fag duena Eudya ay Sintiki, get au sa ayu te, asadii wan aroro duksay am sa tam Fun.

Kulusas 3:13

Maluayani tua, ay fadfalyamani nu e fakauriun way am sas galay at sadi, aroro Fun nafalyam tua ay ngay asalanan.

Ebreu 12:14

Ugatani ugalii manabayan sis fagayu taw at daga salubangan, ay dangay e malong, aroro nusnga sinu fag taw wa ban lumag tam Fun nu e malong way.