Mateu 5:8 - Fanawbuid tagsibaliwas Fakayabian

⁸ Mauseganan ngay taw at ngay amatanganan nu sa tua gugat at masine, aroro kanya lumag ban Dius.

Mateu 5:8 ပူးပေါင်းရင်းမြစ်များ

Fakasigadan 32:30

Ay Akub nafangayan sanya te, Penyel ay nalong te, “Nalag au Dius at kamatan ay dewa katanya, gleleg kyay.”

2 Samwel 22:27

Malukme tuo sat matuyan fag ngay taw, ay kadotama o at yud matuyan fag taw.

Alubad. 15:2

Ay Yawi gbalus te, “Ngay taw at manangakbang sa angku e ngay ugali takatatuy: Gugali at masine, ay glong at matuyan siginan at amatanganan at masine,

Alubad. 18:26

Malukme tuo sat matuyan fag ngay taw, ay kadotama o at yud matuyan fag taw.

Alubad. 24:4

Tagugali at masine, ay tagamatangan tua at matuyan, ay at yud gseg tibak fagsegan, ay at yud gfatuyanan laman kamuagan.

Alubad. 51:10

Dius, foni angku at matuyan fag amatanganan, ay fafolii ku fagmatuyanun.

Alubad. 51:6

Am fakaylatun sa angku sik matuyan fag amatanganan, nu katanya, fae fagsafuluni angku.

Alubad. 73:1

Dius kafanyu tua taw Israel, kaugat wan at matuyan fag ngay taw.

Fangatulun 22:11

Sik taw nu matuyan tua at amatanganan ay malukme nu gfakamatoan, takatanya tua fag taw sik fun at fagadgalangan.

Fakamulun 15:9

Dius nu gdama yud Udyu ay antam fag ngay taw Udyu, gsud way, aroro Dius nafasine yangay yud Udyu at ngay amatanganan gina kanya fagayu anke fagafanudun.

1 Kurintu 13:12

Aroro katsi nu glag tam, malikbug yay, kata yay nu nadama tam sa sik salaming, ay nu ndasug ban sik menit fagayu nusnga setaw mayamag tua sa antam. Ay katsi tam fagsafulun ya kasakan, dewa katanya nu ndasug ban sik menit, Dius gfasaful ban sa antam fagayu nusnga setaw.

2 Kurintu. 7:1

Ku fakesugun ku ngay faduksay, aroro Dius nafatuyanan tua sa antam takatanya fagayu, ubuni wan nusnge wain tagfasuya tam bilug ay tam falad. Ay kabavn ugatani tua ugalii yud e malong ay suyui Dius.

Titu 1:15

Sa sik taw at ke masine fag amatanganan, fagayu nusnge wain masine tua. Dewa katanya, sat mauri ay at yud gafanud fag taw, fagayu nusnge wain we masine, aroro at amatanganan mauri way,

Ebreu 10:22

Nu katanya, masinei tua tam amatanganan nu kakbang tam sas Dius aroro tam ngay basad ansine wan, ay tam ngay bilug anfegus wan, kata nu nfegus tam sat malyo fag mamam.

Ebreu 12:14

Ugatani ugalii manabayan sis fagayu taw at daga salubangan, ay dangay e malong, aroro nusnga sinu fag taw wa ban lumag tam Fun nu e malong way.

Ebreu 9:14

Tam Fun Isus at taguk gtungud tua nu nafafasine tam amatanganan ay tam basad laman gtalyuyan watam at yud e tungkul fag fakamulun, ay gfaning tua tam tagleleg fag Dius. Tam Fun Isus di e malong, ay nafon at sadili sas Dius siginan at Masine fag Falad at yud e fakatabuan.

Santiagu 3:17

Fagsafulun tagsiginans Dius: taguna, di e malong, ay manabayan tua, ay malukme, ay mafamaning, ay mafangafanyu ay masine, ay di e fagfili, ay di kamuag.

Santiagu 4:8

Akbangi sas Dius, ay Dius nangakbang yangay ayu. Am fag ngay tagasalanan, fegusi ay daluap. Ay anggan am fag ngay tagawabilugan, fasinei ay amatanganan.

1 Pedru 1:22

Siginan nu gfaning am at matuyan, katsi masine tuam ay kedkesugan laman sik ngay tagfaduksayan. Nu katanya, faksvni ay famafanudi fia nu kedkesugan am.

At Nafasure 22:4

Ay kanya ban fagayu lumag at mata, ay marirukan ban sit ngay dangasan Dius at ngayan.