Mateu 5:5 - Fanawbuid tagsibaliwas Fakayabian

⁵ Mauseganan ngay takamababaun tua, aroro kanya gbul ban Dius at nafatuyanan.

Mateu 5:5 ပူးပေါင်းရင်းမြစ်များ

Alubad. 37:11

Dewa katanya, ngay taw ban takamababaun gbanwan tua gugat manabayan sis talun Israel ay e kwa tua nusnge wain.

Isayas 29:19

Ngay takamababaun ay ngay yud e kwa gdog ban guseganan sas Yawi, Israel at Dius at yud e Malong.

Santiagu 3:13

Sinu si ayu at ke fagsafulun ay at mamatanganan? Kanya, falagi sat ngay iba at fagsafulun siginan at matuyan fag fakamulun ay fakamababaunun.

Alubad. 149:4

Aroro Yawi guseganan tua at nafili fag ngay taw, ay kanya gfababo takamababaun.

Galasya 5:23

ay malukme, ay gfaragang at sadili. We suguan tagsalag takatanya fagayu.

Santiagu 1:21

Nu katanya, ubuni wan fagayu at mauri fag fakamulun ay fagayu at yud masine fag ugali. Ay famababauni tua nu gafanud am sas Dius at longan at nafon sa ayu, at kintanum sa ay ngay amatanganan, aroro kanya wan at mafalangfe ayu.

Alubad. 25:9

Galaga tuo takamababaun fag ngay taw laman gfakamulun tua at matuyan, ay gfoyung o sa anya fagayu am balyawvtan.

Tap 12:3

(Muisis, nu kamababaun gtungud tua fagayu taw sas fagdaul daga.)

Kulusas 3:12

Nu katanya, aroro am wan Dius at nafili ay at nafasaman ay at fakesugun, masine nu kedkesugan tuam fia, ay nu magalang am, ay nu kamababaun am, ay nu malukme am, ay nu mafangagwanta am.

Mateu 11:29

Folii sa ayu ku fantungud liug, ay faningi fagayu ku foyungan ayu, aroro mafanyan ktua ay malukme, ay gfafiangalay ayu.

Efesu 4:2

Am famababauni tua, ay malukmei tua ay magwantai tua, ay maluayani ay mafangesugi.

1 Pedru 3:15

Amatangi tua gugat tam Fun Isus ay fagfausegananun ay ay fagfaningun. Kabavn mafalganani nu gfayamag am sas nusnga sinu fag taw taginto sa ayu sabaliwa ay fagsegun.

Sefanias 2:3

Ay am takamababaun ay tagfaning Yawi at suguan, akbangi sa anya. Fataglayuni nu gfakamulun am at masine ay nu kamababaun am. Bangaran ban Yawi gdiri tua ayu ginanya fag menit.

Titu 3:2

Ay foyungi te, lag glong at mauri sas nusnga sinu, ay lag gbadbaboan, ay manabayani tua, ay malukmei fia sas fagayu taw.

Alubad. 37:22

Yawi at faggubukun fag ngay taw gbanwan tua gugat sis talun Israel. Dewa katanya, kanya gaiyan wan at nafauri fag ngay taw.

Alubad. 37:9

Yawi gaiyan at mauri fag ngay taw, dewa katanya, fagayu tagafanud sa anya gbanwan tua ban gugat ste fag talun.

1 Pedru 3:4

Nu bunway ay fagfasineun tagsi tua ay basad ay ugali at yud e fakatabuan fag fagmasineun. Malukmei tua ay masuyui. Katanya at matuyan sas Dius.

Isayas 11:4

Ay matuyan nu gfawabilugan sat yud e kwa ay ggubuk. Ay siginan at aringang, namaurianan fagdaul daga ay siginan at engasan kanya namabul at mauri fag ngay taw.

Alubad. 25:13

Laman ban ngay tagfaning emu namanwan manabayan, ay at ngay kasugfunanan ban gtaglayun gbanwan sis Israel fag talun.

1 Timuteu 6:11

Ay o, Dius at fagsuguan, masine nu gsaruy o takatanya fagayu. Ay kabavn rvbvyi fagmasineun, ay fagfaningun Dius, ay fagafanudun, ay fakesugun, ay fagagwantanun, ay fagmalukmeun.

Alubad. 69:32

Ngay taw at yud e kwa nu nalag takatanya, guseganan. Ay fagayu takakbang sas Dius, guseganan yangay.

Alubad. 37:29

Ay at matuyan fag ngay taw gagbilug tua ban gugat talun Israel, ay gbanwan sanya kabavn.

Alubad. 37:34

Afanudi sas Yawi, ay laoi sat dalan. Nu katanya tua, kanya guseganan tua ay gfabanwan ayu sas talun Israel. Ay lumag ban am nu gaiyan ngay taw mauri sanya ginan fag talun.

2 Timuteu 2:25

Ay masine kanya famafanyuani tua nu gfakamatoan tagfabadbaboan anya, bangaran ban takatanya fag balyawvtan Dius gfon yay sanya fag ngay taw sik buknga laman gubun at ngay asalanan, ay sumaful yay at matuyan.

Ruma 4:13

Dius at fatuyanan sas Abrayam ay sat ngay kasugfunanan te, magbilug ban fagdaul daga, kanya bunwa siginan at nafaningan Muisis at Faugali, nu bunway antap tua te, kata nu yud e asalanan aroro siginan at fagafanudun.

Alubad. 147:6

Yawi ggubuk fagayu tagafalingunan, ay kanya gfataygilid at mauri fag ngay taw laman gfaurianan.

Mateu 21:5

“Longi sas furuan Erusalem at ngay taw te, ‘Damai, ay Fun kadasug wan sa ayu. Kanya kamababaun tua, ay gsakay si sik asnu, ay kafag asnu sik riangan yay.’ ”

Isayas 60:21

Ay am ngay taw ban umsik matuyan tua, ay kanya ban fagayu gagbilug at talun kabavn. Kanya fagayu nafakata au sik tanum ku natanum laman gfalag au ku fagmasineun.

Isayas 61:1

Tam Fun Yawi at Falad si tua angku aroro kanya nafili angku laman namoyung at masine fag barita sat yud e kwa. Kanya nasugu angku laman namasun at yud e fagsegun ya, ay laman namoyung sat natabanan fag ngay taw ay sat maubungan fag ngay taw te, e fagmanabayanun wan.

Alubad. 22:26

Ngay taw nangus at yud e kwa gfangon tua ay kapsug. Ay fagayu nangus takakbang sa emu tanan tua nanseg emu. Ay kanya nangus fagayu kabavn gfauseganan tua emu.