Mateu 5:4 - Fanawbuid tagsibaliwas Fakayabian

⁴ Mauseganan ngay taw takabalu, aroro kanya gbul ban Dius at nafatuyanan.

Mateu 5:4 ပူးပေါင်းရင်းမြစ်များ

Isayas 12:1

Ginanya ban fag menit, galubad am te, “Yawi, guseganan au sa emu, aroro ebi, dewa o ndotama angku, katsi duan ya. Ay gfasun tuo angku.

Isayas 25:8

Yawi tam Fun namalyam waban fakabulun ay rumarus wan fagayu taw at liasun. Ay namalyam waban sas fagdaul daga at ngay taw at fakaplaun. Umfasludan waban fia takatanya aroro Yawi wan at ke longan.

Isayas 30:19

Ngay taw Siun tagbanwan sis furuan Erusalem, wa ban am gdog ya gwayway! Yawi kafanyu tua ban ayu nu get tuam gubuk sa anya. Ay gina nadungug ay darangin gbalus wa fia.

Isayas 35:10

Kanya ban fagayu kafoli sas Siun galubadan. Ay nalyam wan at fakabaluun ay at fagwaywayun, ay natubus at yud e gfasud fag fagusegananun ay fagfanagsagun.

Isayas 57:18

Nasaful kwan kanya fag ngay taw at ugali, dewa katanya, gfalyam kyay, ay galo au ay gfasun ngay takabalu.

Isayas 66:10

Fagayu am takesug Erusalem useganani ay segi gasfuan anya,

Isayas 66:2

O nunda bunwa au at nawat fagayu? “Au Yawi, glong au te, Guseganan au ngay taw takamababaun, tagubun at ngay asalanan, ay tagfaning tua ku ngay longan.

Esekyel 7:16

Ay fagayu ban at yud anbul lumagyu sa sangay buksul, ay gwayway kata labikung nu guni, aroro sat ngay asalanan.

Esekyel 9:4

ay nalong sa anya te, “Sa o swabilug furuan Erusalem ay rvbvyi ngay taw takabalu sat nafakamulun at maksvn nu mauri sit furuan. Ay nanriruk o sanya fag ngay taw at dangasan laman sit famatoglag.”

Sakaryas 12:10

“Namon au sas Dabid at kasugfunanan ay sa sangay taw Erusalem sik mafangesug ay at mafandarangin fag falad. Kanya fagayu gdama angku at naurus, ay kata sik fagtainan gwayway at sisian tagsesadi nu nbul.

Lukas 16:25

“Abrayam nabalus sat maramraman fag taw te, ‘Sama, amatangani gina am gleleg, o manabayan tuo, ay Lasaru gidapan way. Katsi sia masun tua ay o man tagidapan.

Lukas 6:21

“Mauseganan tuam, am fag ngay taw takalunus, aroro e gfapsug ban ayu. “Mauseganan tuam, am fag ngay taw tagwayway, aroro kase tua ban am.

Lukas 6:25

“Ida am, fag ngay taw at mapsug gugat, aroro kalunus way ban am. “Ida am, fag ngay taw tagfanagsag gugat, aroro kabalu ban am ay gwayway.

Lukas 7:38

ay kanya malindug sis Isus at day guyuy, sit day darafa ay gwayway. Ay at liasun nafabasa Isus at darafa, ay at fangarus at buk wan, ay nayuk, ay sanya ginan nafatayuk at buba fag famaebebanglu.

Lukas 7:50

Ay Isus nalong sa kafag mangena te, “Am fagafanudun nafalangfe emu. Loi wan, manabayan tua ro wo.”

Santiagu 1:12

Mauseganan sik taw tagagwanta dewa ngayu at famaskud sa anya, aroro nu ntabu nu gafaskudan, mul sik famonun, leleg at yud e fakatabuan, Dius at nafatuyanan sas fagayu takesug anya.

At Nafasure 21:4

‘Ay ginanya ban Dius garus kafag ngay taw at liasun. Ay wa ban e fakabulun ya, ay we fakabaluun ya,’ ay we fagwaywayun ya, ay we fakasaitun ya, aroro nalyam wan at dan fagayu nusnge wain.”