Mateu 5:3 - Fanawbuid tagsibaliwas Fakayabian

³ “Mauseganan ngay taw at yud e kwa tagsarig tua Dius, aroro Dius gfagtainan tua anya.

Mateu 5:3 ပူးပေါင်းရင်းမြစ်များ

2 Krunika 33:12

Ay kanya gina gidapan, nafamababaun ay nafainfanyuan sat Dius Yawi, at ngay mangaguyang yangay at Dius.

2 Krunika 33:19

Ay marirukan si sangay taglong at fagrirukan, Manase at darangin, ay Yawi at famalus anya, ay fagayu at asalanan ay nu kamabo Yawi. Ay marirukan yangay sanya nu inda nu kawat ngay fagnansegan, ngay turuk fagtoglagan Asera fag fagsegan, ay tiba yak fagsegan, gina kanya yud nafamababaun sas Dius.

2 Krunika 33:23

Ay kanya wa nafaning at mama at nafamababaun sas Yawi. Sarokta kanya nafamut yay at asalanan.

2 Krunika 34:27

Nadungug au am darangin ay nu kamababaun o sa ku daga salubangan, gina o nadungug ku longan sabaliwa tuy fag furuan ay ngay tagbanwan ste. Ay ginanya nagirat o am lanbung ay nawayway si ku daga salubangan laman gfalag o te, kabalu o. Nu katanya, au, Yawi, glong au te,

2 Krunika 7:14

ay ku nauro fag ngay taw nu kamababaun tua, ay gdarangin, ay kakbang tua sa angku, ay gubun tua at ngay fakamulun at mauri, gdungug au anya siginans banwa ay gfalyam au at ngay fagmauriun, ay gdog kyay ban gfayu at gutluan siginan at daga.

Ub 42:6

Nu katanya, kapla au aroro sa ku ngay nalong sabaliwa emu, ay katsi gubun kwan ku asalanan siginan nu nanmalunggung au sasad dafug ay sas wa lukbu.”

Alubad. 1:1

Mauseganan tua sik taw nu ddi gbanwan kata tagasalanan fag taw at foyungan, ay nu ddi gfaning tagfakamulun at mauri, ay nu ddi galo ngay taw tagfalingun Yawi.

Alubad. 112:1

Segi Yawi! Mauseganan sik taw tagsuyu tua Yawi, ay taguseganan gfaning at ngay suguan.

Alubad. 128:1

Mauseganan tua ngay taw tagsuyu Yawi, ay tagbanwan kata at balyawvtan.

Alubad. 146:5

Dewa katanya, mauseganan tua sik taw at taggubuk nu Akub tua at fagsegan fag Dius, ay at fagsegun nu siginan tuas Yawi,

Alubad. 2:12

Fababauni sas Dius at nafili fag fun aroro nu dway am gfakamulun takatanya, kanya kadotama ay masakit gfauri ayu. Dewa katanya, mauseganan tua fagayu taw tagsarirung sis Yawi.

Alubad. 34:18

Yawi munakbang tua sa sangay taw at kinmomuy at amatanganan, ay gfalangfe tua at yud e fagsegun ya.

Alubad. 41:1

Mauseganan sik taw nu ggubuk tua ngay taw at yud e kwa. Nu nke fagidapun, Yawi ggubuk yangay anya.

Alubad. 51:17

At matuyan fag fanggalangun laman sa emu, sik amatanganan takamababaun. Ay di o gaiyan am nafauri fag taw at naubun tua at ngay asalanan.

Alubad. 84:12

Yawi at Mabalyanan, mauseganan sik taw tagafanud sa emu.

Fangatulun 16:19

Gtungud yay nu masine nu mabanwan nu masuyu tua, ay magamut at maidap fag ngay taw, nu gamut ngay taw takamatungudun ay gfafudan at ngay nafangkamul.

Fangatulun 29:23

Sik taw takamatungudun gfae fakaplaun anya, dewa katanya, sik taw takamababaun gfae fagusegananun tua at sadili.

Fangatulun 8:32

Nu katanya, ku ngay sisian, dungugani fia angku, mauseganan tua nusnga sinu tagfaning ku ngay foyungan.

Isayas 30:18

Dewa katanya, Yawi mafanyan nu nangakbang am sa anya laman kafanyu ayu. Kanya mafalganan namalag ayu at fakafanyun. Aroro Yawi wan at matuyan fag Dius, ay fagayu tagafanud sa anya mauseganan.

Isayas 57:15

Ay Tiba Tungud fag Dius at yud e malong ay tagleleg kabavn, glong yay fia te, “Gbanwan au sa tangabat ay yud e malong fag buknga, dewa katanya, gbanwan kyangay maful si sangay taw takamababaun ay at naubun at asalanan, laman gfabitsug au anya fagayu.

Isayas 61:1

Tam Fun Yawi at Falad si tua angku aroro kanya nafili angku laman namoyung at masine fag barita sat yud e kwa. Kanya nasugu angku laman namasun at yud e fagsegun ya, ay laman namoyung sat natabanan fag ngay taw ay sat maubungan fag ngay taw te, e fagmanabayanun wan.

Isayas 66:2

O nunda bunwa au at nawat fagayu? “Au Yawi, glong au te, Guseganan au ngay taw takamababaun, tagubun at ngay asalanan, ay tagfaning tua ku ngay longan.

Mikas 6:8

Mikas gbalus te, “Yawi nafoyung wan sa antam at masine. Katatuy at fakaylatun tam fakamulun: Fakamuluni at matuyan, afanyui tam ngay iba, ay ugalii famababauni sas Dius.”

Mateu 11:25

Ay ginanya, Isus glong te, “Mama, o wan banwa ay fagdaul daga at Fun. Fadi fadi nafasuksuk tuo ku foyungan at masuad sa sangay taw at mamatanganan ay anggan sat ke ngay fagsafulun, ay nafasure tuo ku foyungan at masuad sa takata sik ngay sisian fag taw.

Mateu 11:6

Sik taw mauseganan tua nu ddi gaduanun sa angku.”

Mateu 13:16

Dewa katanya, am, mauseganan tuam, aroro glag tuam ay gdungug.

Mateu 19:14

Ay Isus nalong te, “Fabayani wan kafag ngay sisian, lag am gsalag nu kakbang sa angku. Aroro takata kanya fag ngay sisian katap ban sas Dius at fagfagtainanan.”

Mateu 24:46

Mauseganan kafag fagsuguan, gina at tagfayafun kadasug, nu gfakamulun tua fia at fakamulun.

Mateu 25:34

“Ay arodi au, ay Fun, glong au sa tagsi ku siun te, ‘Ku Mama nafon ayu fagmasineun. Gewan, agbilugi at fagfagtainanan at nafalganan sa ayu siginan ebi fagdaul daga at fakasigadan.

Mateu 3:2

“Ubuni ay ngay asalanan, aroro munakbang wan Dius sas banwa nu gfagtainan taw.”

Mateu 8:11

Glong au ayu te, ngayu bank taw umdasug siginans fakamenitan ay siginans fakayabian ay malunggung gfangon gasfuan Abrayam, Isak ay Akub gina ban Dius gfagtainan.

Markus 10:14

Ay Isus nu nasaful, nagras at ngay tagadal te, “Fabayani wan kafag ngay sisian nu kakbang sa angku. Lag am gsalag, aroro takata kanya fag ngay sisian katap ban sas Dius at fagfagtainanan.

Lukas 11:28

Ay Isus nalong te, “Kaugat yay nu mauseganan tagdungugan Dius at Longan ay gfaning.”

Lukas 18:14

Ay Isus glong yay fia te, “Gfoyung au ayu te, kanya fag taw gina guli, Dius natap anya kata sik taw at yud e asalanan, ay duan kafag taw Fariseu. Aroro nusnga sinu nu kamatungudun way, abandi ban e gfababa anya, ay kanya nu kamababaun tua, abandi ban e gfabat anya.”

Lukas 22:29

Ay nu setain ku Mama nu gfalganan sa angku sik ngay taw ku fagfagtainanan, anggan ban au gfon au sa ayu fagmabalyananun gfunan.

Lukas 22:30

Gfasfuan ban am angku gfangon ay ginum si ku fagfagtainanan fag fagfangonan. Ay malunggung ban am sas fanfun fag ngay faglunggungan laman ban namagtainan am Israel at ngay kasugfunanan fag labi dua.

Lukas 4:18

“Dius at Falad si wa angku, aroro Dius nafili angku laman namoyung au at Masine fag Barita sa sangay taw at yud e kwa. Kanya nasugu angku laman namoyung au sat maubungan te, e gfalfas ban ayu, ay laman namoyung au sas taw at yud glag te, glag ban am; ay laman namalfas au at ngay taginkidapan,

Uan 20:29

Ay Isus nalong anya te, “O gafanud wo aroro nalag wo angku? Mauseganan sik taw tagafanud tua deyud nalag angku.”

Deuterunumyu 8:2

Amatangani nu setain Yawi nu gufud ayu gina am glao sis talun at yud e taw kaduge ufatk safuluk banwa. Kanya nafakamulun sa ayu takatanya laman kamababaun tuam ay namaskud ayu te, o gfaning tua ban am fia at suguan ay duan.

Santiagu 1:10

Ay at maramraman fag tagafanud, masine nu guseganan te, Dius nafababa anya. At matuyan, at maramraman fag taw kalyam way kata sik makmak.

Santiagu 1:12

Mauseganan sik taw tagagwanta dewa ngayu at famaskud sa anya, aroro nu ntabu nu gafaskudan, mul sik famonun, leleg at yud e fakatabuan, Dius at nafatuyanan sas fagayu takesug anya.

Santiagu 2:5

Ku fakesugun ku ngay faduksay, dungugani. Tam Dius nafili at yud e kwa ste swa daga, laman maramraman sas fagafanudun, ay laman kanya gfagtainan anya fagayu. Katanya at fatuyanan sas nusnga sinu takesug anya.

At Nafasure 19:9

Ay kafag tagbarita nalong sa angku te, “Riruki takatatuy: Mauseganan at nagewanan sas Tupa Riangan at fakadadwaan.” Ay nalong yay fia te, “Dius nalong takatanya, ay matuyan at ngay longan.”

At Nafasure 22:14

“Mauseganan tagbakbak gugat at ngay lanbung, aroro gfasakbo ban anya sas furuan daul ay nangon tagfon leleg fag fun kayu at rawvg.

At Nafasure 3:17

Glong am te, ‘Maramraman ami, ay ngayu em fagagbilugun nusnge wain, ay wami e fagayudanun ya.’ Ay dewa katanya wam nasaful te, gafalingunan way am ay afanyuan, ay wam e kwa, ay wam glag, ay malulasan way am.