Mateu 4:9 - Fanawbuid tagsibaliwas Fakayabian

⁹ Ay Satanas nalong yangay fia sas Isus te, “Gfon kban emu fagayu am nalag nu namalub tua ro wo laman gseg angku.”

Mateu 4:9 ပူးပေါင်းရင်းမြစ်များ

Alubad. 72:11

Ay kanya ban nangus fag ngay fun gfababaun tua sa anya. Ay fagayu ban nangus talun at taw gfaning tua anya.

Fangatulun 8:15

Siginan angku, ngay fun mafangguna tua, ay ngay tagfangguna saful tua kawat at kasakan fag ngay faugali.

Daniel 4:32

Gaiyan kwan emu siginan am fagfanggunaun fag ngay taw ay namabanwan au emu gadgaloan tagsis talun fag ngay mangilafang. Ay kata ban o ngay baka, kon bariri. Ay nu nlangfe ban fituk banwa, tumoglag ban o te, Tiba Tungud fag Dius e fagmabalyananun sa sangay taw at ngay fagfagtainanan, ay gfagbilug sas nusnga sinu.”

Mateu 26:15

ay nainto te, “Nataw ban ay fon angku nu nafoyung ktua ban Isus sa ayu?” Ay kafag ngay taw nafon anya tuluk safuluk salapi.

Mateu 4:10

Ay Isus gbalus te, “Loi wan, Satanas, lag ste ya, aroro anriruk wan sas Dius at Longan te, ‘Segi ay Fun ay Dius, ay sia yakman lang ay fagfaningan.’”

Uan 12:31

Katsi Dius ginsaful fagayu taw ste swa daga sabaliwa at nafakamulun. Ay katsi fagdaul daga at fun gaiyanan ban.

Uan 13:3

Isus nasaful wa te, at Mama nafon wa anya fagdaul at fagmabalyananun, ay nasaful yangay te, kanya siginans Dius ay kafoli sas Dius.

Uan 14:30

Kwa gfaaba ya ku nalong sa ayu, aroro ste swa daga at fun kadasug wan. Kanya we fagmabalyananun sa angku.

Uan 16:11

Ay namatuyan yangay ban anggan sabaliwas faurianan, aroro ste swa daga at fun anfaurianan wan.

2 Kurintu. 4:4

Kafag ngay taw wa gafanud, aroro Satanas, tagfunan fagdaul daga, nafalikbug kafag ngay taw at amatanganan laman kafag ngay taw wa nalag at Masine fag Barita at yamag sabaliwa tam Fun Isus at fagmabalyananun. Tam Fun Isus wan Dius at aninu.

1 Timuteu 3:6

Ay at masine kanya nu glugo wan nu gafanud, aroro kanya nu bagu yay gafanud, mafamatungudun ay manfaurianan kata at kinfasludan sas Satanas.

At Nafasure 19:10

Ay namalub au sit daga salubangan laman gseg anya, ay kanya nalong sa angku te, “Lagi, aroro sik fagsuguan kyangay kata emu ay kata kyangay tibak tagafanud tagfoyung sabaliwas Isus at foyungan. Dius tua am fagfausegananun.” Nusnga sinu tagfoyung sabaliwas Isus, gfoyung siginan at Masine fag Falad at fagmabalyananun.

At Nafasure 19:16

Sit lanbung ay sit balangbang marirukan sik ngayan te, Fagayu fun at Fun ay fagayu fagtainan at Fagtainan.