Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Mateu 3:7 - Fanawbuid tagsibaliwas Fakayabian

7 Ay Uan nu nalag te, ngayuk taw Fariseu ay taw Saduseu takadasug laman namasurung, kanya nalong anya fagayu te, “Am, kata way am tagfandaya fag ngay ule at maganga! Sinu at nafararang ayu te, lagyui siginan takadasug ban fag faurianan?

အခန်းကိုကြည့်ပါ။ ကော်ပီ




Mateu 3:7
49 ပူးပေါင်းရင်းမြစ်များ  

O wo ban ay kafag mangena gawayan ban am gugat. Ay anggan ban am ngay kasugfunanan ay kafag mangena at kasugfunanan gawayan gugat. Ay kanya ban nanrufa am alfuyu ay kagat ban o at sungkulan.”


Sik taw mauri guseganan ngay taw at yud gfaning Yawi at faugali, dewa katanya, tagfaning at faugali, di gfadiuganan anya.


Ay ngay algan at mauri kata sik ule at iklug at ke ganga, nusnga sinu at naon umbul. Ay kata yangay sik baginawa at bale, yud masine fangawat lanbung, nu katanya, we masuad ay ngay algan at mauri. Mauri way ay ngay fakamulun ay kamaidapan wayam.


Lagyui wan siginans Babilunya! Falangfei ay sadili! Wa masine nu kabul am aroro sa sangay taw Babilunya at ngay asalanan. Buknga wan laman namasud au talun Babilunya kata at ngay nafakamulun.


Ay nainto au sas Yawi te, “Sinu ro ku fagnamararangan? Ay sinu yaro takaylat gdungugan angku? Ay kanya fag ngay taw nataup wan at ngay talinga laman wa gdungug angku. Ay kanya fagayu maksvn nu kauri am longan, ay wa kaylat gdungugan.


Ay ngay taw Fariseu nu nadungug kafag ngay taw at longan, nabalus te, “At fagmabalyananun gaiyan mauri fag ngay falad siginan way Lango at Fun, kanya mauri way fag ngay falad at fun.”


Kata wayam sik ngay ule at ke ganga! Ay fagyudun mafafoyung at masine, aroro mauri am. Aroro sik taw glong nusnga setaw tagsit amatanganan.


Ay Isus at ngay tagadal ankakbang ay nainto anya te, “O saful wo te, ngay taw Fariseu ankuri nu nadungug am nalong?”


Abandi ngay taw Fariseu ay ngay Saduseu nanangakbang sas Isus laman namaskud anya. Kanya fagayu get sa anya laman gfasure sik mabalyanan fag fakamulun tagfatoglag te, Dius at nasugu anya.


Ay Isus nalong anya te, “Dirii ay mataganani taw Fariseu ay Saduseu at famabia tinapay.”


Ay ngay taw Fariseu maful ay gkamatoan sit dayu sabaliwa nu namae asalanan Isus sit longan.


Ay arodi sik ngay taw Saduseu ankakbang sas Isus. Kafag ngay taw gfoyung gugat te, ngay taw ban wa gdog ya gleleg.


Ngay taw Fariseu anful nu nadungug te, Isus nababo taw Saduseu sit aringang.


“Kata wayam tagfandaya fag ngay ule at maganga! Wa ban am masaruy faurianan sa ayu sas afuy daul.


Aroro gfoyung kwa ayu te, ay fagmatuyanun nu dyakmay tumungud ngay tagfoyung Muisis at Faugali ay ngay taw Fariseu at fagmatuyanun, wa ban am umful sas Dius at fagfagtainanan.


Sanya ginan, ngay fun tagfon fanggalangun nasugu tibak taw Fariseu ay Erudes at fagsuguan tiba laman namae asalanan Isus sit longan.


Ay sik ngay taw Saduseu andasug sas Isus. Ngay taw Saduseu gfoyung te, ngay taw ban at kinbul wa gdog ya gleleg. Ay kanya nainto sas Isus te,


Ay Isus nalong sat ngay tagadal te, “Dirii ay mataganani taw Fariseu ay Erudes at famabia tinapay.”


Ay ngay taw Fariseu nu nadungug Isus at nalong, kanya fagayu nafalingun anya aroro kanya fagayu kesug salapi.


Ay kafag taw Fariseu namalindug ay gdarangin sat amatanganan te, ‘Fadi fadi ku Dius, aroro kwa gfaning tibak taw tagfangkamul ay at yud matuyan at fakamulun, ay tagfanugtug, ay kdi kata in fag tagbul famayad laman sas fun.


Ay ngay taw Fariseu ay tagfoyung Muisis at Faugali kauri Dius at algan sa anya fagayu, aroro ebi kafag ngay taw wa kaylat Uan nu gfasurung anya.


Ay mama ang way Satanas. Ay kaylat am gfakamulun ay mama at fakaylatun. Siginan ngays fakasigadan kanya takamabul way, ay wa kaylat sat matuyan, ay nusdi sik alay we si anya at matuyan. Kanya kamuag gfaning at ugali, aroro kanya takamuag ay sia wan fun fakamuagun.


Tibak taw Fariseu at malindug sanya nadungug ay ginto Isus te, “O am longan at masuad te, wami yangay glag?”


Ay tibak taw Fariseu tagafanud anlindug ay nalong te, “At yud Udyu fag ngay taw masine nu e fakatoglagan yangay ay nu gfaning Muisis at Faugali.”


Nu katanya, mataganani, ay amatangani te, kaduge tuluk banwa gfoyung kwa gugat ayu, at kaksvnan gwayway au kayu menit ay yabi.


Kanya fagayu nu glong di at matuyan, kanya wan tagfatuyan nu kaylat di gfoyung te, sik taw Fariseu au. Ngay taw Fariseu sik gaban at maksvn nu gfaning em faugali.


Nu katanya, fun tagfon fanggalangun ay at ngay ufud fag ngay taw Saduseu, maksvn nu galabian.


Dius nafasure at dotama siginans banwa laman gfaurianan fagayu takauri anya ay tagfakamulun at mauri ay tagfayud e masuad fagmatuyanun, siginan at fagmauriun.


Nu katanya, dakngani antap watam kata nu yud tam e asalanan siginans Isus at taguk at kinbusbus, matuyan umlangfe ban tam siginans Dius at fandotaman.


ay gfanya am at Baguama Isus, kanya at nafadog nafaleleg, nu kafoli siginans banwa. Ay kanya tagfalangfe ban antam sa takadasug fag faurianan.


Aroro Nui gafanud tua sas Dius, kanya nafaning tua Dius at Longan sabaliwa takadasug ban at yud yay nalag. Nui nawat sik sakayan lino laman talmanugangan umlangfe. Ay siginan Nui at fagafanudun, Dius nafadasug faurianan sas fagayu taw, dewa katanya, aroro Nui e fagafanudun tua, Dius natap tua anya kata nu yud e asalanan.


Dius di gbadbalian ay di kamuag sabaliwa at fatuyanan ay at famatuyan fag longan. Nu katanya, itam katsi tagsarig sa anya e fagbakvdun tua tam ay e fagsegun te, gfafasludan ban at fatuyanan.


Kata tuy tam fagsafulan te, sinu Dius at ngay sisian ay sinu Satanas at ngay sisian: nusnga sinu at yud gfakamulun at masine, ay at yud kesug at faduksay, kanya bunwa Dius at sisian.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ