Mateu 3:2 - Fanawbuid tagsibaliwas Fakayabian

² “Ubuni ay ngay asalanan, aroro munakbang wan Dius sas banwa nu gfagtainan taw.”

Mateu 3:2 ပူးပေါင်းရင်းမြစ်များ

1 Fun 8:47

ay kanya ban fagayu nu nafabali tua at amatanganan, ay nu naubun tua at asalanan ay nafainfanyuan glong sa emu te, ‘Anke asalanan ami ay nafakamulun ami at mauri,’

Ub 39:12

Ay o gseg o te, manamaful ay manangaut am gutluan sam fagruyusan?

Ub 42:6

Nu katanya, kapla au aroro sa ku ngay nalong sabaliwa emu, ay katsi gubun kwan ku asalanan siginan nu nanmalunggung au sasad dafug ay sas wa lukbu.”

Esekyel 33:11

Nanlong o sanya fag ngay taw te, ‘Au, Fun Dius Yawi gfatuyanan au te, kafanud nu gleleg au, kwa guseganan at mauri fag ngay taw nu kabul. Ku fakaylatun, kafag ngay taw nu gubun tua at ngay ugali at mauri laman gleleg tua. Nu katanya, ngay taw Israel, ubuni wan ay ugali at mauri. O nunda kaylat am kabul?’

Daniel 2:44

“Gina ban kanya fag ngay fun gfunan, Dius namalindug sik fagfagtainanan at yud e fakatabuan aroro Dius si tuas banwa. Kafag fagfagtainanan ban wa gababawan nu bunway namamin yay ban tibak fagfagtainanan ay kanya ban sanya tua gugat.

Mateu 10:7

Ay foyungi te, ‘Munakbang wan Dius nu gfagtainan taw.’

Mateu 11:20

Ay arodi Isus nagras sanya fag ngay furuan at ngay taw, aroro dewa ngayu at nafakamulun at madulo sanya, kafag ngay taw wa naubun at ngay asalanan.

Mateu 12:41

Ay ebi fag ngay taw Ninibe gdog yangay ban gleleg gasfuan ayu gina ban fanginsafulan asalanan fag menit, ay glong ban te, mauri am. Aroro ngay taw Ninibe naubun tua at ngay asalanan gina nadungug Unas at foyungan. Ay amatangani, at kindasug katsi gtungud yays Unas, ay dewa katanya, wam gubun ay ngay asalanan.

Mateu 13:11

Ay Isus nabalus te, “Aroro Dius kaylat nu sumaful am at ngay masuksuk sabaliwa nu gfagtainan, ay sa anya fagayu, duan.

Mateu 13:24

Ay Isus gdog yay nafoyung sik faydayuanan te, “Dius nu gfagtainan kata sik taw at nanananum at masine fag bvtang sat gamasun.

Mateu 13:31

Ay Isus gdog yay nafoyung sik faydayuanan te, “Dius at fagfagtainanan kata yangay sik rigrig burarad sik taw at narigrig sit gamasun.

Mateu 13:33

Ay Isus nafoyung yay fia sadi yak faydayuanan te, “Dius nu gfagtainan kata sik famabia tinapay sik mangena at nafasuglat sas fangawat tinapay masuadan sit tagbia fag fagsuadan. Ay arodi fagayu at nafasuglat anbia.”

Mateu 13:47

“Ay sadi ya ku faydayuanan. Dius nu gfagtainan kata sik fanggamat albon. Ngay tagfangalbon naukas at fanggamat albon sasad lino ay nagamat nusnge wain fag albon.

Mateu 13:52

Ay Isus nalong yay fia te, “Nu katanya, fagayu at nadal Dius at Longan ay at kinsik tagadal sas Dius at fagfagtainanan, kanya kata sik tagagbilug bale at nafasure siginan at fagfungsuan at bagu ay at taglugo fag ramraman.”

Mateu 18:23

“Nu katanya, Dius nu gfagtainan kata yangay sik fun nu kaylat at ngay fagsuguan nu gbayad sa anya at ngay bedan.

Mateu 20:1

Ay Isus nalong yangay te, “Dius nu gfagtainan kata yangay sik tagagbilug tanuman wat ubas. Ay tagagbilug mayabas nu nanrvbvy sik ngay taw at namakamulun sat tanuman.

Mateu 22:2

“Dius nu gfagtainan kata sik fun nu gfalganan sik ngay fakonun laman sat baguama at fangadadwa.

Mateu 23:13

“Ida, am fag ngay tagfoyung Muisis at Faugali ay am fag ngay taw Fariseu, ngay takamaningan wayam! Gsalag am fagayu taw laman ban wa manangatap sas Dius at fagfagtainanan. Ay anggan ban am, wam manangatap, aroro gsalag am takaylat nangatap.

Mateu 25:1

“Dius nu gfagtainan kata yangay safuluk baguina mesa e salung ay naduksun laman namablang at nangadadwa fag mangama.

Mateu 25:14

“Dius nu gfagtainan kata yangay sik taw at ke algan glao sa tangayayu fag talun. Ay kanya nafaful at ngay fagsuguan ay nafatigwanan sa anya at ngay ramraman.

Mateu 4:17

Siginan ginanya fag menit, Isus gfasigad gfoyung te, “Ubuni ay ngay asalanan, aroro munakbang wan Dius sas banwa nu gfagtainan taw.”

Mateu 4:23

Ay Isus nalo sas fagdaul talun Galilea laman namoyung sanya fag ngay bale fakafulan at masine fag barita sabaliwa Dius nu gfagtainan. Ay Isus nafafia fagayu taw, nusnge wain kafag ngay taw at fakasaitun.

Mateu 5:10

Mauseganan ngay taw nu e gfauri anya dewa masine at fakamulun, aroro Dius gfagtainan tua anya.

Mateu 5:3

“Mauseganan ngay taw at yud e kwa tagsarig tua Dius, aroro Dius gfagtainan tua anya.

Mateu 6:10

ay masine nu gfagtainan tuo ngay taw. Ay nusnga setaw am algan, masine nu umfasludan ste swa daga kata nu nfasludan sas banwa.

Mateu 6:33

Abat ngate am gafanawa, ugatani yakman te, setain Dius nu gfagtainan fia ayu, ay ugatani nu gfaning am at fakaylatun, ay Dius gfon ban sa ayu fagayu ay fagayudanun.

Markus 1:15

Ay Isus nalong te, “Siginan katsi fag menit, munakbang wan Dius nu gfagtainan taw. Ubuni ay ngay asalanan ay afanudi sat Masine fag Barita.”

Markus 1:4

Ay Uan Tagfasurung andasug sas talun at yud e taw ay kamoyung sa sangay taw te, “Foyungi ay ubuni ay ngay asalanan ay asurungi sasad mamam, laman Dius gfalyam ay ngay asalanan.”

Markus 6:12

Ay fag labi duak tagadal nalo wan ay namoyung sa sangay taw te, “Ubuni ay ngay asalanan.”

Lukas 1:16

Ay kanya ban namafoli ngayuk taw Israel sat Fun Dius,

Lukas 11:20

Ku fagmabalyananun gaiyan mauri fag ngay falad nu siginan tua Dius at fagmabalyananun, at masuad, Dius at Fagfagtainanan andasug si ayu.

Lukas 13:3

Glong au ayu te, duan. Ay fagayu am, nu dway am naubun ay ngay asalanan, anggan am e fakatabuan yangay ban am kata kafag ngay taw.

Lukas 13:5

Glong au ayu te, duan. Ay fagayu am nu dway am naubun ay ngay asalanan, anggan am e fakatabuan yangay ban am kata kafag ngay taw.”

Lukas 15:10

Glong au ayu te, katanya yangay Dius at ngay tagbarita nu guseganan, sik tagasalanan nu naubun tua at ngay asalanan.”

Lukas 15:7

Glong au ayu te, katanya yangay sik tagasalanan nu naubun at ngay asalanan, e guseganan ban sas banwa gtungud yay nu guseganan sa sik masine fag ngay taw at yud e fagubunun at asalanan.

Lukas 16:30

“Ay at maramraman fag taw nalong te, ‘Duan, fagtainan, malgau ro sik taw at nadog naleleg nu ndasug sa ku ngay faduksay, tiba ginan ro kanya fagayu gubun yay at ngay asalanan.’

Lukas 21:31

Katanya yangay nu lumag ban am ku longan aro nu kafasludan, sumaful wam te, munakbang wan Dius nu gfagtainan.

Lukas 24:47

Ay siginan ban at ngayan e gfoyung sas fagayu taw, taguna sas Erusalem ay anggan sas fagdaul daga at taw te, fagayu taw nu naubun tua at ngay asalanan, Dius gfalyam wan at ngay asalanan.

Lukas 6:20

Isus nadama at ngay tagadal ay nalong te, “Mauseganan tuam, am fag ngay taw at yud e kwa, aroro Dius gfagtainan ayu.

Lukas 9:2

Ay Isus nasugu at labi dua laman namoyung sabaliwas Dius nu gfagtainan, ay nu gfafia at ke ngay fakasaitun.

Fakamulun 11:18

Ay kanya fagayu nu nadungug takatanya, namaragangan ay gseg Dius. Ay nalong te, “Nu katanya, Dius nafon sik buknga sas yud Udyu fag ngay taw laman gubun at ngay asalanan, ay laman magbilug yangay leleg at yud e fakatabuan.”

Fakamulun 17:30

Ebi taguna fag ngay buknga Dius wa nasalag taw at fagyudun e fagsafulun. Ay katsi Dius nasugu sas fagayu taw te, Ubuni wan ay ngay asalanan.

Fakamulun 2:38

Ay Pedru nabalus te, “Ubuni ay ngay asalanan ay asurungi sa tam Fun Isus at ngayan, laman sik fakatoglagan te, nalyam wan ay ngay asalanan ay magbilug am at Masine fag Falad Dius at fon sa ayu.

Fakamulun 20:21

Ay nafoyung au sas taw Udyu ay sas taw Gresya sabaliwa nu gubun at ngay asalanan ay nu gfaning Dius, ay nu gafanud sa tam Fun Isus.

Fakamulun 26:20

Nafoyung au taguna sis Damasku ay sanya ginan sas Erusalem ay sas fagdaul talun Udea ay anggan sas yud Udyu fag ngay taw. Nafoyung au laman sanya fag ngay taw gubun tua at asalanan ay kafoli sas Dius ay gfatuyan siginan at ngay fakamulun te, naubun wan at asalanan.

Fakamulun 3:19

Nu katanya, ubuni ay ngay asalanan ay afolii sas Dius, laman kanya gfalyam ay ngay asalanan, ay gfon ayu buknga laman manabayan tuam,

2 Kurintu. 7:10

Aroro siginans Dius fag fakabaluun kanya gtaban tua ayu laman gubun am ay asalanan, ay gfosuk ayu sas fakalangfean, ay di e kafayud takatanya fag fakabaluun. Dewa katanya, siginans fagdaul daga fag fakabaluun gtaban way antam sas fakabulun.

Kulusas 1:13

Ay kanya nafalangfe antam siginans fagmadulumun at fagmabalyananun ay nafalin antam sat fakesugun at Baguama at fagfagtainanan.

2 Timuteu 2:25

Ay masine kanya famafanyuani tua nu gfakamatoan tagfabadbaboan anya, bangaran ban takatanya fag balyawvtan Dius gfon yay sanya fag ngay taw sik buknga laman gubun at ngay asalanan, ay sumaful yay at matuyan.

Ebreu 6:1

Nu katanya, tam fagadalun sabaliwa tam Fun Isus, diwan ya taguna fag foyungan, nu bunway tagfaksvn tua tam fagafanudun. Lag tam gdog gadal sabaliwa nu gubun tam tam ngay nafakamulun at mauri tagfadasug antam sas fakabulun, ay sa baliwa nu setain nu gafanud tam sas Dius, ay sabaliwa nu gfasurung, ay sabaliwa nu e gfoli at daluap sas taw at alfuyu, ay sabaliwa at ngay kinbul nu gdog gleleg ay sabaliwa at yud e fakatabuan fag faurianan. Nu katanya yay gugat tam fagadalun, kata nu gdog tam nanturuk.

2 Pedru 3:9

Tam Fun di gfaduge nu gfafasludan at fatuyanan, kata tibak taw at namatangan. Nu bunway kanya kamanyan ay gfon yay buknga sas fagayu taw laman gubun at ngay asalanan, aroro wa kaylat nusnga sinu nu gafaurianan.

At Nafasure 2:21

Nafon koma anya sik buknga laman gubun ay gtalyuyan at ugali at mauri, ay kanya wa kaylat gubun.

At Nafasure 2:5

Amatangani ay kamomuyan katsi. Ubuni wan ay talyuyani ay ngay fakamulun at mauri, aroro nu dway ban am nafakamulun takatanya, kadasug au sa ayu ay namul kwan tagsi ayu fag fagfatungkudan salung.