Mateu 28:2 - Fanawbuid tagsibaliwas Fakayabian

² Ay gina sanya, maksvn daga nu guigan. Ay tam Fun at tagbarita at sadi andasug siginans banwa, ay nafadaging faningding sakbawan fag gang daul, ay gmalunggung sanya.

Mateu 28:2 ပူးပေါင်းရင်းမြစ်များ

Fakamulun 16:26

Ay ginanya yay, anke fanguig maksvn, ay fagubungan at ngay fagfatungkudan turuk nauigan, ay at ngay sakbawan anluang masakit, ay at maubungan at ngay siuk, anluas wan.

1 Timuteu 3:16

Mayamag te, e nafasure at madulo sabaliwa tam fagafanudun: Kanya nsure, ay ansik taw fia. At Masine fag Falad nafatuyan sabaliwa anya, ay ngay tagbarita nalag anya. Sas fagayu talun e nafamoyung wan sabaliwa anya, ay ngayu tagafanud sa anya sas fagdaul daga, ay Dius nafabat anya sat fagmasineun.

Uan 20:1

Sis Linggu sbalabag gina yay madulum, Maria Magdalena nalao sas fagfolian, ay kanya nalag te, faningding fagfolian at sakbawan fag gang, andaging wan.

At Nafasure 11:19

Ay nu ntabu takatanya, Dius at bale sis banwa anluang, ay sad basad, anlag at Fagsuadan Nasadian. Ay ginanya maksvn nu glimbad ay nu glingsi ay nu gawang, ay maksvn yangay nu guig, ay nu karak yelu.

1 Pedru 1:12

Dius nafoyung sa kafag ngay taglong te, bunwa at ngay sadili at faggubukun nu bunway ayu tua at faggubukun. Ay katsi nadungug tuam kanya fag foyungan siginan at nafoyung ayu at Masine fag Barita. Kanya fagayu nafoyung sa ayu siginan at Masine fag Falad at fagmabalyananun, Dius at nasugu siginans banwa. Ngay tagbarita kaylat yangay nangasaful sabaliwa kafag ngay matuyan.

Mateu 27:60

ay nanamoli sat nafawat fag fagfolian at bagu, at falganan at fagnamolian ban anya. Ay arodi, nafadagingan sik gang daul sas sakbawan laman gdingding, ay nalo wan.

Mateu 27:66

Ay kanya fag ngay taw nalo wan ay nafaksvn kafag fagfolian siginan nu gdafut sik taru laman ngay taw kalimu tua gluang. Ay nasugu yangay sanya sik ngay tagfawayan laman gulit.

Fakamulun 5:19

Ay ginanya fag yabi tam Fun at tagbarita andasug ay naluang ubung dingding sakbawan ay nafaduksun ngay nasugu, ay glong te,