Mateu 26:52 - Fanawbuid tagsibaliwas Fakayabian

⁵² Ay Isus nasalag anya te, “Lagi, fafolii wan am fiso, aroro nusnga sinu at nafabul siginan at fiso kabul yangay ban sas fiso.

Mateu 26:52 ပူးပေါင်းရင်းမြစ်များ

Fakasigadan 9:6

Ay nusnga sinu ban at nafabul at iba, at ngay iba yangay ban at namabul anya, aroro Dius nawat taw kata anya.

Alubad. 55:23

Dius, dewa katanya, gfatong o sa tangabasad fag alian ngay taw takamabul ay tagfandaya, gina yay mabaguama. Dewa katanya au, gafanud ktua sa emu.

Nu Galin 21:12

“Nusnga sinu at nafalang sik taw ay anbul, fabuli yangay anya.

Mateu 5:39

“Ay katsi glong au ayu te, lag gfasud ya dewa e nafauri ayu. Sik taw nu nafalang am siun fag fingi, fasalubangi am wala fag fingi.

Ruma 12:19

Ku ngay fakesugun, lag am gfasud tagfauri ayu, nu bunway fabayani wan Dius at namasud. Aroro katatuy at Rirukan te, “Tam Fun nalong te, ‘Au waban tagfasud, ay au waban tagfafoli.’ ”

1 Tesalunika 5:15

Ay lag am gfasud tagfakamulun sa ayu at mauri, nu bunway malukmei tua sas galay am at sadi, ay sas fagayu taw.

1 Pedru 3:9

Nu e nafakamulun sa ayu at mauri, lag am gfasud. Lag am gfalingun tagfalingun ayu, nu bunway darangini way te, Dius nangus gfon sa anya at masine, dakngani am wan at nafili laman namul at masine.

At Nafasure 13:10

Nusnga sinu at kinfalganan gatabanan, kanya ban gatabanan wa fia, ay nusnga sinu at kinfalganan nangabul sas fiso tagsumbalian at uyup, kanya ban kabul fia. Nu katanya, Dius at ngay taw, masine nu gagwantan tua gugat ay nu e fagafanudun tua gugat.

At Nafasure 16:6

Aroro kafag ngay taw nafabul am nafili fag ngay taw ay am ngay taglong, ay at ngay taguk ankugwag. Nu katanya, taguk yangay ban am famainum sa anya fagayu. Tuy at matuyan fag faurianan sanya fag ngay taw.”