Mateu 26:18 - Fanawbuid tagsibaliwas Fakayabian

¹⁸ Ay Isus nabalus te, “Loi wan sas furuan ay rvbvyi ku nalong ayu ebi fag taw. Ay longi anya te, ‘Tam Takamoyung glong sa emu te, Munakbang wan Dius at nafalganan sa angku fag buknga. Kaylat au gyafun sim bale gasfuan ku ngay tagadal, gina fagmafulun sabaliwa Tagbarita nu Glangfe.’ ”

Mateu 26:18 ပူးပေါင်းရင်းမြစ်များ

Mateu 21:3

Ay gina am gluas, sik taw nu e nasalag way ayu, longi anya te, ‘Tam Fun kaylat.’ Ay kanya ro fag taw gfabayan way lang nu gtaban am kafag duak asnu.”

Mateu 23:10

Ay lag am kaylat ay iba nu glong sa ayu te, ‘Em Fun,’ aroro ay Fun sadi way, au tua Dius at nafili fag Fun.

Mateu 23:8

“Ay am, lag am kaylat ay iba nu glong sa ayu te, ‘Takamoyung.’ Sadi yakman ay Takamoyung. Aroro fagayu am duksayan am.

Mateu 26:19

Ay at ngay tagadal nafaning Isus at longan, ay nafatama sanya at yafun sabaliwas fagmafulun.

Mateu 26:2

“Nasaful wam te, nu nlangfe duak menit, umdasug ban fagmafulun sabaliwas Tagbarita nu Glangfe. Ay ginanya, e gfoyung ban angku, Taw at Baguama, sa tibak taw laman gtuktuk angku sas fasulungan kayu.”

Mateu 26:49

Ay arodi vtv Udas nanangakbang sas Isus ay nalong te, “Masine fag yabi, Takamoyung!” ay nayuk Isus at fingi.

Markus 5:35

Ay gina Isus garingang, sik ngay taw andasug siginan Ayru at bale ay nalong te, “Anbul wan am baguina. Lag gfasalag ya tam takamoyung.”

Lukas 22:53

Kayu menit si koma gugat Dius at bale magamut ayu, ay wam nagamat angku. Dewa katanya, katsi ya ay buknga gina fagmadulumun tagfunan.”

Uan 11:28

Ay Marta nu nalong takatanya, noli wan, ay nanguro at faduksay Maria, ay ginas sa anya te, “Andasug wan tam Takamoyung, guro emu.”

Uan 12:23

Ay Isus gbalus anya te, “Andasug wan at buknga laman gfasure Taw at Baguama at fagmasineun.

Uan 13:1

Nu munakbang wan taw Udyu at fagmafulun sabaliwa Tagbarita nu Glangfe, Isus saful wa te, andasug wan at buknga nu gubun ste swa daga laman kafoli wan sat Mama. Kanya maksvn nu kesug at ngay tagadal, ay gfalag sa anya te, kafanud nya nu kesug.

Uan 17:1

Isus nu nafoyung wan takatanya, natangda sas banwa ay nalong te, “Mama, andasug wan at buknga. Fauseganani angku, am Baguama, laman namauseganan kyangay emu.

Uan 20:16

Ay Isus nalong te, “Maria.” Ay kanya nasalubang ay nalong sas Ebreu fag fangaringang te, “Rabuni!” (At masuad te, Takamoyung.)

Uan 7:30

Ay kafag ngay taw gananggamatun anya. Dewa katanya, we mananggamat anya aroro ya ndasug at kasakan fag buknga.

Uan 7:6

Isus gbalus te, “Ya ndasug at kasakan fia ku buknga, ay nu sa ayu masine way dewa snga ginain.

Uan 7:8

Am yakman lang tagsas fagmafulun. Au, kwa sanya aroro bunya katsi fag buknga at kasakan sa angku.”