Mateu 22:4 - Fanawbuid tagsibaliwas Fakayabian

⁴ Ay kafag fun nasugu yangay tibak fagsuguan te, ‘Longi sa ebi ku nagewan fag ngay taw te, Katsi wan. Nafalganan kwan ebi ku longan fag yafun. Nafilas kwan ku ngay baka ay ku ngay fagbaugun at mataglu. Wainyayam wan. Nafalganan kwan ngay fakonun laman sas fangadadwa.’

Mateu 22:4 ပူးပေါင်းရင်းမြစ်များ

Nemyas 9:17

Kanya fagayu wa nafaning am ngay longan, ay wa namatang am ngay nafakamulun at madulo. Kanya fagayu nafamaogatun, ay nafamabo siginan nu gfili at ngay tagfangguna laman gdog nangasik fagsuguan sas talun Igiptu. Dewa katanya, o wan Dius at mafalganan gfalyam ngay asalanan, at mafangafanyu, at yud gfangalyam, at yud masakit gfangadotama, ay at mafangesug. Nu katanya, di o nafabayan anya fagayu,

Alubad. 86:5

Fun Dius, kabavn matuyan tuo. Ay mafalganan yangay o gfalyam ngay taw at asalanan, ay mafangesug tuo sas fagayu taget sa emu gubuk.

Fangatulun 15:17

Amasine yap dewa svran lang at fakonun, tagfangon nu kedkesugan tua, dewa ngap sik yamas ay tagfangon nu gawayan way.

Sulumun at Alubad 5:1

Ku fakesugun fag baguina, ku mangena ban, ste kwan stanuman, gbul au ku ngay famaebebanglu. Ay ginum au deut, ay fanlangu ay baka at susu bilug. Am fagdua takedkesugan, em fagadgalangan, fangoni ay inumi! Nu kedkesugan am kata fanlangu. Nu katanya, fayui nu ginum am yakmay am ankapyan.

Mateu 21:36

Ay tagagbilug nasugu tiba yak fagsuguan ayu yap aro taw taguna. Ay katanya yangay at ngay tagalaga at fakamulun sanya fag ngay fagsuguan.

Mateu 22:5

“Ay kanya fag ngay taw wa kaylat gdungugan at fun at ngay fagsuguan at longan, ay gfaning way at mesa algan ay nalo wan. At sadi sa wat gamasun, ay at sadi sat famalaoun,

Mateu 22:8

“Ay arodi kafag fun nalong sat ngay fagsuguan te, ‘Nafalganan kwan ku longan fag yafun daul. Ay dewa katanya kwa gfasakbo ya ebi ku nagewan fag ngay taw.

Lukas 14:17

Ay nu gafangonun wan, kanya nasugu at fagsuguan sat faggewanun laman nanlong te, ‘Adasugi wan. Mafalganan wan fagayu.’ ”

Fakamulun 1:8

Ay baliwan, gina ban at Masine fag Falad andasug, gfon ban sa ayu fagmabalyananun. Ay namoyung ban am ay ngay nalag sa baliwa angku sas Erusalem ay sas fagdaul talun Udea ay sas talun Samarya ay anggan sas fagdaul daga.”

Fakamulun 13:46

Dewa katanya, Pablu ay Bernabe mabitsug nu gbalus te, “Sa way nangus ayu fag ngay taw Udyu taguna nu gfoyung Dius at longan. Dewa katanya, wam naylat, nu katanya, kanya wan tagfatuyan te, wam masine kae afud sas leleg at yud e fakatabuan, nu katanya, katsi glo wami sas yud Udyu fag ngay taw laman nanfamoyung.

Ruma 8:32

Kanya nu ddi nadgaragun gfon at Baguama sas fakabulun, ay nafon tua anya sa antam, o nunda ro wa gfon sa antam fagayu nusnge wain, gasfuan at Baguama?