Mateu 22:3 - Fanawbuid tagsibaliwas Fakayabian

³ Ay kafag fun nasugu at ngay fagsuguan, laman nantaban sanya ebi ataw at nagewan fag ngay taw. Ay kafag ngay taw wa kaylat sanya.

Mateu 22:3 ပူးပေါင်းရင်းမြစ်များ

Alubad. 68:11

Fun Dius nafadasug at suguan, ay ngayu at nafadungug kafag barita:

Isayas 30:15

Yawi tam Fun, Israel at Dius at yud e Malong, nalong te, “Afolii sa angku ay manabayani, aroro namalangfe kwa fia ayu. Lag am gaduanun; afanudi wa sa angku, aroro namabitsug kwa fia ayu. Dewa katanya, kamayud wayam.

Eremyas 25:4

Ay dewa Yawi gsugu gugat sa ayu at ngay fagsuguan fag ngay taglong, wam kasalag ay wam gdungugan.

Eremyas 35:15

siginan ku ngay taglong. Ay ku ngay fagsuguan fag ngay taglong dewa glong gugat ayu te, “Ubuni wan ay ngay ugali at mauri, ay tubusi wan ay famanwanun, ay lag gseg ya sa tibak fagsegan, laman ban gbanwan tuam gugat si ku nafon sa ayu fag daga,” wam gafanud ay gfaning angku.

Usea 11:2

Dewa katanya, dewa au gfataglayun guro ngay taw Israel, kaugat way nu kayayu angku. Kanya fagayu gfon fanggalangun ay girug ngay famaebebanglu sat fagsegan Baal.

Usea 11:7

Ku ngay taw namatangan nangayayu angku, nu katanya, dewa kanya fagayu masadi nangakbang sa angku, kwa ban ggubuk ya anya.

Sefanias 1:7

Maragangani si ku daga salubangan, aroro munakbang wan ku nafalganan fag menit nu namaurianan au. Nafalganan kwan laman namabul ku ngay taw kata sik fagbaugun fag fanggalangun. Ay katsi, nauro au ku nafili fag ngay tagfawayan laman namawayan talun Uda.

Mateu 21:34

Ay at ngay rawvg nu gakalesanun wan, tagagbilug nasugu tiba at fagsuguan sa sangay tagalaga at tanuman laman namul at afud.

Mateu 23:37

“Erusalem, Erusalem, o wan tagfana gang ay tagfabul Dius at nasugu sa emu fag ngay taglong. Ngayu ginan koma namaful fagayu am taw, kata sik fanginan nu gfaful at ngay riangan sat daga fakfak ay wo kaylat.

Mateu 3:2

“Ubuni ay ngay asalanan, aroro munakbang wan Dius sas banwa nu gfagtainan taw.”

Mateu 9:15

Ay Isus nabalus anya fagayu te, “O sik bagu kadadwa fag mangama gina gfadgaloan at ngay fagadgalangan, o ginanya ro at ngay fagadgalangan kabalu? Duan. Ay sa ban tibak menit e gtaban wan kafag mangama, ay ginanya ya ban at ngay iba nu e buknga nu yud gfangon laman gdarangin.

Lukas 13:34

“Erusalem, Erusalem, o wan tagfana gang ay tagfabul Dius at nasugu sa emu fag ngay taglong. Ngayu ginan koma namaful fagayu am taw, kata sik fanginan nu gfaful at ngay riangan sat daga fakfak, ay wo kaylat.

Lukas 15:28

“Ay at kaka fag baguama kadotama ay wa kaylat gsakbo. Nu katanya, at mama naduksun ay nafalukmeanan te, ‘Baguama, sakboi wan.’

Lukas 19:27

Nusnga sinu fag taw takauri nu gfunan au, tabani stie ay gfabul au si ku salubangan.’ ”

Uan 5:40

Dewa katanya, wam kaylat nangakbang sa angku laman mul am leleg at yud e fakatabuan kabavn.

Fakamulun 13:45

Ay ngay taw Udyu nu nalag te, ngayuk taw at kinful, kanya fagayu galabian. Ay kanya wa gfadiuganan Pablu, ay sarokta nalong ya sik ngay mauri.

Ruma 10:21

Dewa katanya, katatuy way at longan sabaliwa ngay taw Israel te, “Fagngabak menit guro au sa sik takamabo ay sa sik takamaogatun fag furuan.”

Ebreu 12:25

Nu katanya, am madiriani tua laman diam kauri gdungugan tagfoyung ayu. Ebi fag ngay taw at yud kaylat gdungugan Muisis at foyungan, wa nasaruy faurianan. Ay kaugat waban itam nu yud tam kalangfe nu dway tam kaylat gdungugan tagsiginans banwa fag foyungan.

Ebreu 9:15

Ay sit bagu fag nasadian, tam Fun Isus wan tagwabilug Dius sat nafili fag ngay taw. Aroro siginan at nabulanan, kanya nafalyam wan ngay taw at fakamaboun sa taguna fag nasadian. Nu katanya, Dius at nafili fag ngay taw mul tua ban at nafatuyanan fag famonun at yud e fakatabuan.

At Nafasure 22:17

At Masine fag Falad ay Tupa Riangan at bubay glong te, “Gewan.” Ay fagayu at nadungug tuy at masine nu glong yangay te, “Gewan.” Ay nusnga sinu takadanum, akbangi, ay nusnga sinu takaylat, buli at yud e famayad fag mamam tagfon leleg.

1 Samwel 9:13

Nasud yay ro am anya gina yud nasakbo sas Dius at bale sa tangabat fag buknga laman nanfangon. At maful sanya fag ngay taw ya mafangon yakmay kanya andasug, aroro kanya yay ro tagfadante kafag ngay taw at fanggalangun. Nu katanya, undaudi wan, gina yay mayamag.”