Mateu 20:2 - Fanawbuid tagsibaliwas Fakayabian

² Ay nu nalag wan, nadiuganan te, gfon at kasakan fag famayad sik menit at nainlufuyan. Ay kanya nasugu kafag ngay taw sat tanuman.

Mateu 20:2 ပူးပေါင်းရင်းမြစ်များ

1 Fun 18:12

Ay tain ro nu nalao au, ay ginanya ro Yawi at Falad nu nabuba wa emu sa ku yud fagsafulun fag talun? Ku tagfayafun ro Akab nu ndasug, nu dway ro e lagan ya emu, gfabul ro angku. Fagtainan, siginan nu masisian au gfaning ktua gugat Yawi.

2 Krunika 34:3

Ay gina sis fawaluk banwa nu gfunan, kaduge mamunama yay, kanya nafasigad kakbang sat mangaguyang Dabid at Dius. Ay gina sis falabi duak banwa nu gfunan, kanya nafasine Uda ay Erusalem siginan nu gfaiklas ngay fagnansegan sa tangabat fag ngay buknga, ay nu grufa ngay turuk fagtoglagan Asera fag fagsegan, ay nu grufa ngay fagsegan ay ngay tawtawan.

Takamoyung 12:1

Gina yay o masisian amatangi tua at nawat emu, ay gina yud andasug at maidap nu glong o te, “Wa manabayan ya nu gleleg au.”

Mateu 18:28

“Ay kanya fag fagsuguan nalo wan, ay kaduge glao, kanya nalag yangay sik fagsuguan at ke bedan sa anya. At bedan sik sandank salapi. Ay at nafabedan fag fagsuguan nagamat ay gfasnul anya ay glong te, ‘Bayadi wan am bedan!’

Mateu 20:1

Ay Isus nalong yangay te, “Dius nu gfagtainan kata yangay sik tagagbilug tanuman wat ubas. Ay tagagbilug mayabas nu nanrvbvy sik ngay taw at namakamulun sat tanuman.

Mateu 20:13

“Ay tagagbilug nabalus anya te, ‘Kwa nadaya emu. Ansadi wata fia te, kayu way nya ku famayad sa emu.

Mateu 20:3

“Ay gina sbalabag sfasiam, tagagbilug nalo yay fia ay nalag tibak taw at malindug yud e fakamulun, sis furuan at fagawean.

Mateu 20:9

“Ay at ngay kindasug gina sfafun sfalima ankakbang, ay nafon anya fagayu famayad sat nainlufuyan sik menit.

Mateu 22:19

Falagi angku salapi ay fon sas talun Ruma at fun.” Ay kanya fagayu nafon sik salapi.

Mateu 9:37

Ay Isus nalong sat ngay tagadal te, “Ngayu at faggutluun, ay gsadsadian way at nanggutlu.

Markus 12:15

O gfon tam o mannga deyud?” Ay Isus nasaful te, kanya fagayu kamaningan way, ay nabalus anya fagayu te, “Wain ay fagfaskudun angku? Fastei sik salapi, gdama au.”

Lukas 1:15

Aroro am baguama ban sik mabalyanan sa tam Fun at daga salubangan, ay kanya ban wa ginum fanlangu, ay siginan yay nu yud ansalug, at Masine fag Falad siwa anya.

Lukas 10:35

Ay balabagdi kafag taw Samarya nafon at ngay salapi sa tagalaga fagtaglayunan fag bale, ay nalong te, ‘Alagai fia anya, ay nu kurang yay ban ku nafon sa emu fag salapi, gfamut kyay ban gina au anfoli.’ ”

Lukas 20:24

“Falagi angku sik salapi. Sinu at ke aninu ay at ke ngayan at marirukan ste fag salapi?” Ay kafag ngay taw nabalus te, “Talun Ruma at fun.”

2 Timuteu 3:15

Siginan ngay nu masisian o, saful wo Dius at Longan, tagfae fagsafulun emu sabaliwas fakalangfean siginan am fagafanudun sa tam Fun Isus.

At Nafasure 6:6

Ay nadungug au kata sik aringang siginan sad wabilug ufatk tagleleg fag awatan, glong te, “Sadik fabudbungguan trigu fag fangawat tinapay ay mannga tuluk fabudbungguan barli fag fangawat tinapay, nu kabayad kafanud sik taw at nagbulan sik menit. Ay dewa katanya lag o gfasik masuya langis ay anggan fanlangu.”

1 Samwel 2:18

Ginanya, Samwel dewa sisian yay, gfakamulun wan sas Yawi. Kanya galanbungan at mafilian fag lanbung at mawatan siginan at masine fag ramit kata sik tagfon fanggalangun.

1 Samwel 2:26

Ay kaduge Samwel kagurang, Yawi ay anggan ngay taw guseganan tua anya.

1 Samwel 3:1

Gina Samwel sis Eli at bale laman gfakamulun sas Yawi, Yawi wa malayun ya nu namakamatoan ngay taw, ay wa yangay malayun ya nu e gtaginfan.

1 Samwel 3:21

Ay Yawi gfataglayun gugat kasure sas Samwel sis Silu, ay sanya nu gfakamatoan gugat.