Mateu 2:2 - Fanawbuid tagsibaliwas Fakayabian

² “Dada manga at kinsalug fag ngay taw Udyu at fun? Aroro nalag ami kafag fun at galeme gina ami sis fakamenitan fag talun. Ay katsi, andasug ami stie laman nanseg anya.”

Mateu 2:2 ပူးပေါင်းရင်းမြစ်များ

Alubad. 2:6

Ay Dius nalong te, “Nafalunggung kwan ku nafili fag fun sat yud e malong fag Buksul Siun.”

Alubad. 45:11

Fun naylat emu aroro masine o. Kanya ban am fun, ay suyui ban gugat anya.

Isayas 60:3

Ngay talun at ngay taw ay at ngay fun umkakbang ban sa emu.

Eremyas 23:5

Yawi glong yangay te, “Sik menit ban nanfili au sik fun at matuyan tagsiginans Dabid at kasugfunanan. Kanya ban e fagsafulun sabaliwa nu gfunan, ay namae fagmatuyanun ste fag talun.

Eremyas 30:9

Kanya ban fagayu nu gfakamulun sa tua angku, aroro au, ay Dius Yawi, nanfili au sik fun siginans Dabid at kasugfunanan laman at nanfunan anya fagayu.

Sakaryas 9:9

Yawi nalong te, “Ngay taw Siun useganani tua, ay am fag ngay taw Erusalem uroi sik fagusegananun, aroro ay fun kadasug wan. Kanya gfakamulun at matuyan ay Dius ggubuk tua anya. Kanya kamababaun tua, ay kadasug gsakayan sis riangan asnu.

Tap 24:17

Nalag au si ku taginfan at yud yay anfasludan. Sik fun ban tagsiginans Akub at kasugfunanan namagtainan sas Israel. Ay kanya ban gfamin ngay taw Muab ay Set at ngay kasugfunanan fagayu.

Mateu 2:3

Ay fun Erudes nu nadungug katanya, gafanawa, ay anggan fagayu taw sis furuan Erusalem gafanawa yangay.

Mateu 21:5

“Longi sas furuan Erusalem at ngay taw te, ‘Damai, ay Fun kadasug wan sa ayu. Kanya kamababaun tua, ay gsakay si sik asnu, ay kafag asnu sik riangan yay.’ ”

Mateu 27:11

Ay Isus malindug sis fun Pilatu at daga salubangan, ay Pilatu nainto anya te, “O o wan taw Udyu at Fun?” Ay Isus gbalus anya te, “O wan at nalong takatanya.”

Lukas 19:38

Ay nalong te, “Mauseganan takadasug fag Fun sas Dius at ngayan! E fagmanabayanun sis banwa. Segi Dius sis banwa!”

Lukas 2:11

Aroro katsi ay Tagfalangfe ansalug wan sis fun Dabid at furuan, ay kanya tam Fun, Dius at nafili.

Lukas 23:3

Ay Pilatu nainto sas Isus te, “O o wan taw Udyu at fun?” Ay Isus nabalus anya te, “O wan at nalong takatanya.”

Lukas 23:38

E sik rirukan sis Isus at tungud alfuyu te, Tuy ngay Taw Udyu at Fun.

Uan 1:49

Ay Natanael nafoyung te, “Takamoyung, o wan Dius at Baguama. O wan Israel at Fun.”

Uan 12:13

Ay kafag ngay taw nanamul sik ngay don taya maragbuk laman namablang Isus, ay nauro te, “Fauseganani Dius! ‘Mauseganan takadasug sas Dius at fagmabalyananun.’ Ay mauseganan taw Israel at Fun.”

Uan 18:37

Ay Pilatu nalong anya te, “Nu katanya, sik fun o?” Ay Isus nabalus te, “O wan at nalong te, sik fun au. Kanya wan ku faginsalugun ay ku fagindasugun ste swa daga, laman namoyung au at matuyan. Nusnga sinu fag taw takaylat fagmatuyanun, kanya wan tagdungugan ku aringang.”

Uan 19:19

Pilatu nafariruk sik rirukan ay nafadafut sis fasulungan kayu. Katatuy kafag rirukan: Isus fag Taw Nasaret, ngay Taw Udyu at Fun.

Uan 20:28

Ay Tumas nalong te, “Ku Fun ay ku Dius.”

Uan 5:23

laman fagayu taw gseg angku, at Baguama, kata nu gseg ku Mama. Nusnga sinu at yud gseg angku, at Baguama, wa yangay gseg ku Mama, at nasugu angku.

Uan 9:38

Kafag mangama gbalus te, “Ku Fun, sabv, gafanud au.” Ay kanya gtudan sas Isus at daga salubangan.

Ebreu 1:6

Ay dewa katanya, gina Dius gsugu at Baguama fag sesadi ste swa daga, kanya nalong te, “Masine Dius at tagbarita fagayu nu gseg tua ban anya.”

At Nafasure 22:16

“Au wan Isus at nasugu ku tagbarita laman gfatuyan sa ayu sa sangay furuan. Au wan Dabid at sugfun, ay at masulo fag tagurabas.”