Mateu 2:1 - Fanawbuid tagsibaliwas Fakayabian

¹ Isus ansalug sis furuan Betleem sis talun Udea, gina Erudes gfunan. Ay abandi, sik ngay mamatanganan fag taw siginans fakamenitan fag talun andasug sas furuan Erusalem ay ginto te,

Mateu 2:1 ပူးပေါင်းရင်းမြစ်များ

Fakasigadan 10:30

Ay at fagbanwanan siginans talun Mesa sitsigons Sefar sat buid baliwa sas fakamenitan.

Fakasigadan 41:8

Ay balabag di, Igiptu at fun at amatanganan wa manabayan aroro siginan at nataginfan. Ay kanya nafauro fagayu taw tagsaful gfasure at ngay madulo ay ngay taw at ke fagsafulun sis talun Igiptu, dewa katanya, we nafafayamag at taginfan at masuad. Ay kanya nafoyung yangay at taginfan sa sangay taw, dewa katanya, wa yangay mafafayamag at taginfan at masuad.

Fakasigadan 49:10

Ay gfunan tua ban o gugat, ay siginan tua ban gugat am kasugfunanan tagfunan. Nu katanya, tiba bank talun at ngay taw gfon tua ban sa emu famayad, ay kanya ban fagayu gfaning tua gugat emu.

1 Fun 4:30

At fagmamatanganun gtungud tua sas fagayu taw tagsis fakamenitan ay at ke fagsafulun fag ngay taw sis talun Igiptu.

1 Krunika 2:51

ay Salma, Betleem at mama, ay Karef, Bet-Gader at mama.

Ub 1:3

Ay e fituk libuk tupa ay e tuluk libuk kamelyu ay e limak sandank dadwa baka, ay e limak sandank asnu tina ay ngayu at fagsuguan, ay kanya wan at maramraman sas fakamenitan baliwa fag talun.

Isayas 11:10

Ginanya ban fag menit, kafag fun tagsiginans Dabid at kasugfunanan umkata sik famasaful fag ramit sa sangay talun at ngay taw, laman fagayu taw umful sa anya, ay at fagbanwanan fag talun umsik takadungug.

Mikas 5:2

Yawi nalong te, “Betleem Efrata, dewa o sik talay way fag furuan sis talun Uda, siginan ban emu, sik taw at namakamulun sa angku laman at namangguna taw Israel. Aroro at ngay mangaguyang sik takadungug siginan ebi.”

Mateu 1:25

Ay Use ya gfataladan Maria yakmay ansalug at fagfafionun fag munama. Ay nu nsalug wan, Use nafangayan anya te, Isus.

Mateu 2:16

Ay fun Erudes nu nasaful te, kanya fag ngay mamatanganan fag taw nadaya way mangaro anya, kanya maksvn nu kadotama. Ay kanya nasugu laman namabul fagayu munama siginan bagu kasalug sitsigon duak banwa sis furuan Betleem ay anggan sit ligung fag ngay talun gfaning kafag ngay mamatanganan at nafoyung te, kadugenya kafag galeme nu kasure.

Mateu 2:19

Ay fun Erudes nu nbul wan, tam Fun at tagbarita gdog yay ansure sas Use sit taginfan gina sis Igiptu, ay glong anya te,

Mateu 2:3

Ay fun Erudes nu nadungug katanya, gafanawa, ay anggan fagayu taw sis furuan Erusalem gafanawa yangay.

Mateu 2:5

Ay kafag ngay taw Udyu gbalus anya te, “Sis furuan Betleem sis talun Udea. Aroro katatuy Dius at taglong ebi at rirukan te,

Mateu 2:7

Ay fun Erudes gsuksuk nafaful kafag mamatanganan fag ngay taw ay ginto te, “Ginain wan nu nsure ay nalag fag galeme?”

Lukas 1:5

Gina Erudes gfunan sis talun Udea, e sik tagfon fanggalangun at ngayan Sakaryas. Kanya kataip yangay sa sik ngay tagfon fanggalangun tagsis Abyas fag gaban. Sakaryas at bubay, Elisabet, kanya siginan yangay Arun at kasugfunanan.

Lukas 2:11

Aroro katsi ay Tagfalangfe ansalug wan sis fun Dabid at furuan, ay kanya tam Fun, Dius at nafili.

Lukas 2:15

Kafag ngay tagbarita nu nfoli wan sas banwa, kafag ngay tagalaga glodlongan te, “Bastam, glo watam sas furuan Betleem, laman nanlag at kinfasludan, tam Fun at nafoyung antam.”

Uan 7:42

O nunda at marirukan sis Dius at Longan wa glong te, Dius at nafili fag Fun siginan ban fun Dabid at kasugfunanan, ay siginans Betleem, Dabid at furuan?”

Tagfangguna 17:7

E sik baguama siginans Lebi at kasugfunanan gbanwan sis Betleem sis Uda.