Mateu 18:3 - Fanawbuid tagsibaliwas Fakayabian

³ Ay Isus nabalus te, “Matuyan nu glong au ayu te, nu dway am natubus ay ugali ay umkata ngay sisian, wa ban am manangatap sas Dius at fagfagtainanan.

Mateu 18:3 ပူးပေါင်းရင်းမြစ်များ

Alubad. 131:2

Nu katanya, manabayan kwan ay masun, kata sik ngenge at yud gsusu ya ay at nangasalili yay gugat sat mina.

Isayas 6:10

Ay nalong yangay te, “Fatugasi wan kafag ngay taw at amatanganan. Fayudi wa gdungug ay fayudi glag anya fagayu, laman ban wa gdungug ya, ay wa glag ya, ay wa gtogdungug ya. Namakamulun o takatanya laman ban kanya fagayu wa kafoli sa angku ay laman wa kafia ya.”

Mateu 13:15

Aroro kafag ngay taw kamaogatun way, ay wa kaylat gdungugan, ay gtipan way. Kafag ngay taw yaman katanya, glag tua ban, ay gdungug, ay gtogdungug ay kafoli sa angku, ay gfafia kban anya fagayu.’

Mateu 18:2

Ay Isus nagewan sik sisian sirut ay nafalindug sit ngay tagadal at wabilug.

Mateu 18:4

Nusnga sinu takamababaun katatuy fag sisian, kanya wan tagtungud sis Dius at fagfagtainanan.

Mateu 19:14

Ay Isus nalong te, “Fabayani wan kafag ngay sisian, lag am gsalag nu kakbang sa angku. Aroro takata kanya fag ngay sisian katap ban sas Dius at fagfagtainanan.”

Mateu 19:23

Ay Isus nalong sat ngay tagadal te, “Matuyan nu glong au ayu te, maidap tua sik maramraman fag taw nu manangatap sas Dius at fagfagtainanan.

Mateu 5:18

Matuyan nu glong au ayu te, dewa ban banwa ay daga ankamin, nusdi sik afud sirut Muisis at Faugali wa myud e tungkul yakmay ban umfasludan fagayu.

Mateu 5:20

Aroro gfoyung kwa ayu te, ay fagmatuyanun nu dyakmay tumungud ngay tagfoyung Muisis at Faugali ay ngay taw Fariseu at fagmatuyanun, wa ban am umful sas Dius at fagfagtainanan.

Mateu 6:16

“Ay gina am yud gfangon laman gdarangin, ay mata dangay mafabaluanan kata ngay takamaningan. Aroro takamaningan wa nafasineun at mata laman namasaful sat iba te, wa gfangon ginanya fag buknga. Matuyan nu glong au ayu te, kanya fag taw nabul wan at fagnamulun ma ban.

Mateu 6:2

“Ay nu katanya, gina o gfon sat yud e kwa, lag o gfasaful sam iba kata ngay takamaningan at fakamulun gina si sangay bale fakafulan ay gina si sangaba dalan laman tibak taw sumeg anya. Matuyan nu glong au ayu te, kanya fag taw nabul wan at fagnamulun ma ban.

Mateu 6:5

“Ay nu gdarangin o, lag gfaning takamaningan nu gdarangin. Aroro kanya at fakaylatun nu gdarangin namalindug dewa sis bale fakafulan ay dewa sasad sagbatan dalan, laman fagayu taw glag anya. Matuyan nu glong au ayu te, kanya fag ngay taw nabul wan at fagnamulun ma ban.

Markus 4:12

Laman kanya fag ngay taw, ‘dewa gdama, wa glag, aroro nu natogdungug di, kanya ban fag ngay taw umfoli sa angku, ay namalyam au at ngay asalanan.’ ”

Lukas 13:24

“Ugatani sakboi sa talay fag sakbawan. Amatangani, glong au sa ayu te, ngayu oma tagyasakboun sanya fag sakbawan, dewa katanya wa masakbo.

Lukas 22:32

Dewa katanya, nadarangin kwa emu, laman am fagafanudun wa kamomuy. Ay nu nfoli wo sa angku, faksvni anggan am ngay faduksay.”

Uan 1:51

Ay kanya nalong sa sangay taw te, “Matuyan nu glong au ayu te, lumag ban am banwa nu maluangan, ay Dius at ngay tagbarita nu gulul ay gtustus sa angku, Taw at Baguama.”

Uan 3:3

Isus gbalus te, “Matuyan nu glong au emu te, sik taw nu dway nadog ansalug, kanya ban wa mful sas Dius at fagfagtainanan.”

Uan 3:5

Isus gbalus te, “Matuyan nu glong au emu te, sik taw nu dway ansalug sas mamam ay sat Masine fag Falad, kanya ban wa manangatap sas Dius at fagfagtainanan.

Fakamulun 14:22

ay nafaksvn ngay tagafanud at ngay amatanganan, ay nalong te, “Banwani matuyan sa ay fagafanudun.” Ay nalong yangay te, “Dumalan tam ngayuk fagidapun laman Dius gfagtainan tua ban antam.”

Fakamulun 28:27

Aroro tuy fag ngay taw we amatanganan, ay kauri gdungug, ay at mata gtipan way. Satu ro nu dyaman katanya, kafag ngay taw glag tua ban ay gdungug tua ban ay gtogdungug tua ban, ay kafoli sa angku ay namafia kban anya fagayu.’ ”

Fakamulun 3:19

Nu katanya, ubuni ay ngay asalanan ay afolii sas Dius, laman kanya gfalyam ay ngay asalanan, ay gfon ayu buknga laman manabayan tuam,

1 Kurintu 14:20

Ku ngay faduksay, dangay kata sik sisian ay amatanganan. Ay nu sabaliwas fagmauriun, ay amatanganan fakatai way sik sisian at bagu kasalug, ay nu sabaliwa fagmatogdungugun ay amatanganan fakatai tua sik mafagtainan at amatanganan.

1 Pedru 2:2

Kata sik ngenge takaylat susu bilug at yud e suglat, am, aylati yangay fanfalad fag susu bilug, laman kagurang am sa ay fakalangfean.

2 Pedru 1:11

Nu katanya, Isus, tam Fun ay tam Tagfalangfe, namaful ayu sat fagfagtainanan yud e fakatabuan ban kabavn.