Mateu 15:9 - Fanawbuid tagsibaliwas Fakayabian

⁹ Nu katanya way we tungkul, dewa gseg angku, aroro at ngay foyungan siginan way ngay taw at longan.’ ”

Mateu 15:9 ပူးပေါင်းရင်းမြစ်များ

Alubad. 39:6

ay kata yangay sik aninu masakit kalyam. Ay gugatan way sas nusnge wain at yud e tungkul. Kanya gfungsu way at ngay ramraman, dewa katanya, nu nbul ban wa saful te, sinu ban at nangagbilug.

Alubad. 73:13

Ay nabakvd koma gugat ku fagmatuyanun. O nunda we masuad? Ay wain, ay nasaruy koma asalanan?

Nu Galin 20:7

Lag am glong ku ngayan nu dway e masuad. Aroro au ay Dius Yawi, namaurianan au nusnga sinu taglong ku ngayan sat yud e masuad.

Isayas 29:13

Ay tam Fun glong te, “Kafag ngay taw nu gseg angku ay nu gfauseganan angku sit bibig way lang, ay dewa katanya, at amatanganan ngayayu way angku. Ay nu gseg angku gfaning way taw at suguan.

Lebitiku 26:16

Nu katanya, katatuy ban ku fakamulun sa ayu: Sat maksvn fag fakalimuun umlipsik am, aroro gfadasug kban sa ayu fakasaitun at yud ya kafia, ay sik ragnat tagfadulum ay mata ay tagfamomuy ay bilug. Gtanum ban am, dewa katanya, wa ban am e gutluan, aroro ay ngay fawayan ban namawayan ayu ay gbul fagayu ay gutluan.

Lebitiku 26:20

Wa ban e fanambagun ay ngay nainlufuyan, aroro wa ban e rawvg ay ngay tanuman, ay wa yangay ban e rawvg ay natanum fag fun kayu.

Malakyas 3:14

Nalong am te, ‘We masuad tagfaning Dius. Nataw ban at fanambagun sa antam nu nafaning tam at ngay suguan? Ay nataw ban at fanambagun sa antam nu nafalag tam te, kabalu tam ay gubun tam ngay asalanan sis Yawi at Mabalyanan at daga salubangan?’

Mateu 15:10

Ay Isus nafaful sanya fag ngay taw ay nalong te, “Dungugani ay asafuli ku longan.

Markus 7:7

Nu katanya way we tungkul, dewa gseg angku, Aroro at foyungan, taw way at longan.’

1 Kurintu 15:2

Ay nu gbakvd tuam fia ku foyungan, umlangfe tua ban am, ay dewa katanya nu dway katanya we tungkul ay fagafanudun.

Deuterunumyu 12:32

Nu katanya, faningi tua ku ngay suguan ayu, ay lag am gfamut ay gbuin.

1 Timuteu 1:4

Fararangi sa kafag ngay taw te, lag gfangulan at buknga sat ngay talagtagan ay nu ginsaful sabaliwa at ngay mangaguyang at ngay ngayan. Takatanya at fungfung fagbadbaboanun way, ay wa magubuk nu gfafasludan Dius at algan tam nasaful siginans fagafanudun.

Titu 1:14

ay laman wa gfaning ya ngay taw Udyu at ngay mangaguyang at foyungan, ay tiba yak taw at nasaruy at matuyan at foyungan.

Ebreu 13:9

Lag am gatabanan sa tibak foyungan tagsaman ay nasaful. Masine nu gfaksvn tua tam tam ngay amatanganan siginans Dius at fagmagalangun, abat ngate tam gfaning ngay suguan sabaliwas fakonun. We tungkul nu gfaning tam takatanya fag ngay suguan.

Santiagu 2:20

Wo mamatanganan! O wo saful te, we tungkul fagafanudun nu dway e masine fag fakamulun?

At Nafasure 22:18

Au wan Uan, gfararang au sas nusnga sinu tagdungugan foyungan at marirukan ste fag fafil te, nusnga sinu at nafamut ste fag fafil at foyungan, Dius ban gfamut sanya fag taw at ngay faurianan at kinriruk ste fag fafil.

1 Samwel 25:21

Dabid glong te, “We tungkul tam naulit Nabal at ngay fagbaugun sis talun at yud e taw. Abat ngate at famangsi sa antam mauri way.