Mateu 14:9 - Fanawbuid tagsibaliwas Fakayabian

⁹ Ay Erudes kabalu aroro sat nafafanud, ay at ngay betaw nadungug ay kanya nasugu laman namafasludan takatanya fag fagetun.

Mateu 14:9 ပူးပေါင်းရင်းမြစ်များ

Lukas 13:32

Ay Isus nabalus te, “Afolii wan ay nanlong am sanya fag idu talun te, ‘Dungugani, katsi ay anggan ban balabag gaiyan au at mauri fag ngay falad ay gfafia kyay ngay taw at fakasaitun, ay si bans fatuluk menit gfatabu kwan ku fakamulun.’

Markus 6:26

Ay fun Erudes maksvn nu kabalu aroro sat nafafanud, ay at ngay betaw nadungug, ay kanya wa mafabadbalian ya at longan.

Markus 6:20

aroro Erudes kalimu Uan, ay nasaful te, masine at ugali ay we asalanan. Ay kanya ggubuk Uan. Ay Erudes nu nadungug Uan at foyungan, galakayan at amatanganan. Dewa katanya, Erudes kaylat gdungugan.

Markus 6:14

Fun Erudes nadungug sabaliwas Isus at fakamulun, aroro Isus at ngayan andungug sas fagayu taw. Tibak taw glong te, “Kafag taw Uan Tagfasurung nadog yay gleleg. Aroro katanya mafafakamulun at ngay madulo.”

Mateu 14:5

Ay Erudes kaylat gfabul Uan, ay wa nafabul aroro kalimu ngay taw Udyu, aroro kafag ngay taw gafanud te, Uan, Dius at taglong at sadi.

Mateu 14:1

Ginanya, Erudes, talun Galilea at fun. Kanya nadungug sabaliwas Isus at nafakamulun.

Takamoyung 5:2

Lag gabanganan nu garingang o. Ay nu namatuyanan o sas Dius amatangani tua. Amatangani te, Dius si tuas banwa ay o ste way o sdaga. Nu katanya, dirii tua nu garingang o.

1 Samwel 28:10

Ay Saul nafatuyanan sanya fag mangena sas Yawi, tagleleg fag Dius te, “Di ban o gafaurianan dewa o nafakamulun takatanya.”

1 Samwel 25:22

Dius ban nangus gfaurianan angku balabag nu e nafasawad kway Nabal at ngay kalongan mangama.”

1 Samwel 14:28

Ay at sadi at tagfawayan nu nalag anya, nalong te, “Am mama nafatuyan sas fagayu taw te, katsi fag menit lag gfangon dewa ami mamomuy.”

1 Samwel 14:24

Ginanya fag menit, ngay taw Israel maksvn nu kalunus, aroro Saul nafatuyan sa anya fagayu te, “Gfauri kban nusnga sinu at naon fakonun yakmay kban nafasud ku ngay fawayan.” Nu katanya, kanya fagayu wa nafangon.

Tagfangguna 21:1

Ngay taw Israel gina sis Mispa, nafatuyanan te, wa ban gfafangindugan at ngay baguina sa sangay mangama tagsiginans Benamin at kasugfunanan.

Tagfangguna 11:39

Ay nu nlangfe duak magdanun, kanya anfoli sat mama. Ay Efta nafafasludan at fatuyanan sas Dius. Ay at baguina anbul yud batang kae indugan. Ste ginan nu kafasigad taw Israel at faugali,

Eremyas 44:25

Yawi at Mabalyanan, Israel at Dius, glong te, ‘Am fag ngay dadwa nafafasludan am ay fatuyanan sas fagsegan fag Mangena tagsis Banwa, siginan nu girug am ngay famaebebanglu ay nu gfon am ngay fanginum fag ngay fanggalangun. Agvd, fataglayuni ay fakamulun, ay fafasludani ay fatuyanan.

Mateu 14:8

Ay kata at mina at longan, kafag baguina nalong te, “Ku fakaylatun, fasai sik laman Uan Tagfasurung at alfuyu ay foni sa angku.”

Mateu 14:10

Ay arodi Erudes nasugu laman nanlifung Uan at liug sisad ubung,