Mateu 13:52 - Fanawbuid tagsibaliwas Fakayabian

⁵² Ay Isus nalong yay fia te, “Nu katanya, fagayu at nadal Dius at Longan ay at kinsik tagadal sas Dius at fagfagtainanan, kanya kata sik tagagbilug bale at nafasure siginan at fagfungsuan at bagu ay at taglugo fag ramraman.”

Mateu 13:52 ပူးပေါင်းရင်းမြစ်များ

Esra 7:10

Dius nagubuk anya aroro kanya nafalganan tua fia at sadili sabaliwa nu gamatangan ay nu gfafasludan Yawi at foyungan, ay nu gfoyung at ngay faugali ay at ngay suguan sa sangay taw Israel.

Esra 7:21

Au fun Artaserses gsugu au sas fagayu tagalaga ramraman tagsis afud talun sis Eufrates at fakayabian baliwa te, foni sas Esra fag tagfon fanggalangun ay fag tagfoyung Dius at ngay suguan, nusnga setaw at fagetun.

Fangatulun 11:30

At matuyan fag taw magubuk tua at ngay iba, laman gfadugdug at leleg. Ay sik taw tagfalangfe ngayuk taw, e fagsafulun tua.

Fangatulun 15:7

At ke fagsafulun fag taw, gfafagdaul tua at fagsafulun, dewa katanya, at yud mamatanganan fag taw, wa mafakamulun takatanya.

Fangatulun 18:4

At ke fagsafulun fag taw at aringang gfae fagsafulun tibak taw, kata sik liskung nu gfamilugan.

Sulumun at Alubad 7:13

Sanya ro gayuk o sik famafafion fag tanum. Ay munakbang si ta sakbawan at mafilian fag ngay rawvg taguna ay taguyan. Aroro kafag ngay rawvg ku nafalganan fia laman sa emu, ku fakesugun fag mangama.

Mateu 12:35

Sik masine fag taw at longan masine tua, aroro at amatanganan masine. Ay sik mauri fag taw mauri way at longan, aroro at amatanganan mauri.

Mateu 13:51

Ay sanya ginan Isus ginto te, “O nasaful wam fagayu ku faydayuanan at masuad?” Ay at ngay tagadal gbalus te, “Sabv.”

Mateu 13:53

Nu ntabu wan nu gfoyung kafag ngay faydayuanan, Isus nalo wan sanya ginan.

Mateu 23:34

Nu katanya, sumugu kban sa ayu sik ngay taglong, ay sik ngay mamatanganan, ay sik ngay takamoyung. Ay tiba ban gfabul am, ay tiba ban tumuktuk am sas fasulungan kayu, ay tiba ban gfalang am sa ay ngay bale fakafulan, ay tiba ban gfafalo am sa sangay furuan laman namauri am anya.

Mateu 28:19

Loi wan ay faetagadali angku sas fagayu talun at ngay taw. Fasurungi anya fagayu sa tam Mama at ngayan ay at Baguama at ngayan ay at Masine fag Falad at ngayan.

Lukas 11:49

Nu katanya, siginans Dius at fagsafulun, nalong te, ‘Sumugu au ku ngay taglong ay ku ngay nasugu sa sangay taw Udyu. Kanya ban gfabul kafag ngay taglong tiba, ay tiba ban gfauri.’

Uan 13:34

Gfoyung au ayu sik bagu fag suguan te, edkesugani. Kata nu kesug au ayu, edkesugani yangay.

2 Kurintu. 6:10

Maksvn nu kabalu ami, ay dewa katanya, guseganan tuami gugat. Dewa mi kata at yud e kwa, gfaramraman tuami ngayuk taw. Ay dewa mi kata at yud e fagagbilugun, e kwa tuami fagayu nusnge wain.

Efesu 3:4

Ay siginan nu gtap am tuy ku rirukan, umyamag am nu setain ku nayamagan sabaliwa at algan at masuksukan sabaliwa tam Fun Isus.

Efesu 3:8

Ay sas fagayu taw Dius at nafili, au wan at yud e tungkul. Dewa katanya, Dius nafon angku at fagmasineun gfayamag sas yud Udyu fag ngay taw sabaliwa tam Fun Isus at fagmasineun yud e gfasud,

Kulusas 1:7

Nasaful am takatanya siginans Epafras, em fakesugun em faudgufudan, ay tam Fun Isus at fagsuguan at matuyan, ay em kaungbus tagsibo ayu.

Kulusas 3:16

Fabanwani fia tam Fun Isus at longan si ay ngay amatanganan. Ay fadfamatangani sas galay am at sadi ay fodfoyungani sas fagdaul ay fagsafulun. Ay alubadi siginans Dius at Longan fag ngay alubad, ay siginan ay ngay fafil fag ngay alubad, ay siginan ay amatanganan fag ngay alubad, ke fagusegananun sas Dius.

1 Timuteu 3:6

Ay at masine kanya nu glugo wan nu gafanud, aroro kanya nu bagu yay gafanud, mafamatungudun ay manfaurianan kata at kinfasludan sas Satanas.

Titu 1:9

At masine kanya nu maksvn tua fia nu gamatangan sat matuyan fag foyungan kata at nadungug, laman mafaksvn at ngay iba at fagafanudun ay gfasaful sa takauri at matuyan te, kanya gsalan.