Mateu 11:4 - Fanawbuid tagsibaliwas Fakayabian

⁴ Ay Isus gbalus Uan at ngay tagadal te, “Loi wan ay foyungi sas Uan ay nadungug ay ay nalag.

Mateu 11:4 ပူးပေါင်းရင်းမြစ်များ

Mateu 11:3

laman nanginto sas Isus te, “O o wan ebi at foyungan tagakadasugun? Ay o mannga gfanya yay ban mi?”

Mateu 11:5

Ngay taw yud glag ebi, katsi glag tua, ay ngay yud malao, katsi malao tua, ay ngay tagabangbang katsi anfia tua, ay ngay yud gdungug, katsi gdungug tua, ay ngay kinbul nadog tua naleleg, ay ngay yud e kwa, katsi e nafadungug tua at Masine fag Barita sa anya fagayu.

Mateu 15:30

Ay ngayuk taw nanangakbang sa anya, ay nataban sa anya at yud malao, ay at yud mafalelegan at take ay at bitis, ay at yud glag, ay at yud maringang, ay e tiba yay, ay nafataygilidan anya fagayu sas Isus at salubangan. Ay Isus nafafia kanya fagayu.

Mateu 21:14

Ay arodi ngay taw yud glag ay yud malo nanangakbang sas Isus gina sis Dius at bale, ay Isus nafafia anya fagayu.

Mateu 8:3

Ay Isus nafalugde at take ay nated kafag taw at ke fakasaitun ay nalong te, “Sabv, kaylat au nu kafia o.” Ay arodi vtv kafag taw at bangbang anfia wan.

Uan 14:11

Afanudi ku longan te, si au ku Mama ay ku Mama si yangay angku. Nu dway am gafanud katanya, afanudi siginan ay nalag at madulo fag ngay fakamulun.

Uan 5:36

Ay dewa katanya e tagfatuyan sabaliwa angku, gtungud yay Uan. Ku Mama nafafakamulun sa angku fag fakamulun, kanya way ku fakamulun, ay kanya wan tagfatuyan te, ku Mama at nasugu angku.