Mateu 11:3 - Fanawbuid tagsibaliwas Fakayabian

³ laman nanginto sas Isus te, “O o wan ebi at foyungan tagakadasugun? Ay o mannga gfanya yay ban mi?”

Mateu 11:3 ပူးပေါင်းရင်းမြစ်များ

Fakasigadan 12:3

Gfadante kban sas nusnga sinu at nafadante tua emu, ay gfaurianan kban fagayu at nafaurianan emu. Ay siginan emu gfadante kban fagayu talun at taw.”

Fakasigadan 3:15

O wo ban ay kafag mangena gawayan ban am gugat. Ay anggan ban am ngay kasugfunanan ay kafag mangena at kasugfunanan gawayan gugat. Ay kanya ban nanrufa am alfuyu ay kagat ban o at sungkulan.”

Fakasigadan 49:10

Ay gfunan tua ban o gugat, ay siginan tua ban gugat am kasugfunanan tagfunan. Nu katanya, tiba bank talun at ngay taw gfon tua ban sa emu famayad, ay kanya ban fagayu gfaning tua gugat emu.

Alubad. 118:26

Yawi ban nangus ggubuk tua at nasugu takadasug, ay gfauseganan ban mi anya sis Yawi at bale.

Isayas 7:14

Nu katanya, tam Fun Dius namasure ban sa ayu sik fakatoglagan: sik baguina ban gfafion ay namasalug sik munama, ay gfangayan ban anya te, Emanuel.

Usea 3:5

Nu katanya, ngay taw Israel ban gdog yay kafoli sat Dius Yawi ay sat fun Dabid. Ay kabavn ban kanya fagayu kamababaun nangakbang sas Yawi aroro kanya matuyan tua sa anya fagayu.

Ubadyas 1:21

Ngay taw at nafalangfe ngay taw Israel nangundaud sas Buksul Siun laman namagtainan Isaw at fagagbilugun fag ngay buksul. Au Yawi tagfagtainan ban kabavn.”

Mikas 5:2

Yawi nalong te, “Betleem Efrata, dewa o sik talay way fag furuan sis talun Uda, siginan ban emu, sik taw at namakamulun sa angku laman at namangguna taw Israel. Aroro at ngay mangaguyang sik takadungug siginan ebi.”

Agay 2:7

ay anggan fagayu talun, ay kanya ban fag ngay talun at taw namuba at ngay ramraman sa ku bale. Ay umkapnu ban sa ku bale nusnge wain at mafanud.

Sakaryas 9:9

Yawi nalong te, “Ngay taw Siun useganani tua, ay am fag ngay taw Erusalem uroi sik fagusegananun, aroro ay fun kadasug wan. Kanya gfakamulun at matuyan ay Dius ggubuk tua anya. Kanya kamababaun tua, ay kadasug gsakayan sis riangan asnu.

Malakyas 3:1

Dungugani, Yawi at Mabalyanan glong te, “Namadasug kban ku fagsuguan laman namalganan ku dalan. Sanya ginan, ay fagfanyaun fag Fun umdasug wan sat bale. Kadasug ban ku fagsuguan at namafasludan ku nasadian.”

Malakyas 4:2

Dewa katanya, am tagsuyu angku, gfalangfe ktua ban ayu kata menit at yamag nu bagu kasure tagfon fagmafianun. Ay gtudtulbuan ban am guseganan kata sik ngay riangan baka at nalfas siginans fagubungan.

Tap 24:17

Nalag au si ku taginfan at yud yay anfasludan. Sik fun ban tagsiginans Akub at kasugfunanan namagtainan sas Israel. Ay kanya ban gfamin ngay taw Muab ay Set at ngay kasugfunanan fagayu.

Mateu 11:10

Kanya wan Dius at nafoyung sit Rirukan ebi te, ‘Gsugu kban ku fagsuguan laman at nangguna emu. Ay kanya ban namalganan am dalan.’

Mateu 11:4

Ay Isus gbalus Uan at ngay tagadal te, “Loi wan ay foyungi sas Uan ay nadungug ay ay nalag.

Mateu 21:5

“Longi sas furuan Erusalem at ngay taw te, ‘Damai, ay Fun kadasug wan sa ayu. Kanya kamababaun tua, ay gsakay si sik asnu, ay kafag asnu sik riangan yay.’ ”

Mateu 21:9

Ay ngay taw tagsit fagunan ay tagsit faguyanan guro te, “Fadi fadi, O fun Dabid at kasugfunanan! Segi takadasug sas Dius at fagmabalyananun! Fadi fadi, segi Tiba Tungud fag Dius!”

Markus 11:9

Ay ngay taw tagsit fagunan ay tagsit faguyanan guro te, “Fadi fadi, segi takadasug sas Dius at fagmabalyananun!

Lukas 19:38

Ay nalong te, “Mauseganan takadasug fag Fun sas Dius at ngayan! E fagmanabayanun sis banwa. Segi Dius sis banwa!”

Uan 11:27

Marta gbalus te, “Sabv, ku Fun. Gafanud au te, o wan Dius at nafili fag Fun, Dius at Baguama, at fatuyanan te, takadasug ban ste swa daga.”

Uan 12:13

Ay kafag ngay taw nanamul sik ngay don taya maragbuk laman namablang Isus, ay nauro te, “Fauseganani Dius! ‘Mauseganan takadasug sas Dius at fagmabalyananun.’ Ay mauseganan taw Israel at Fun.”

Uan 16:14

Kanya ban namauseganan angku, aroro siginan angku at foyungan ayu.

Uan 4:21

Isus gbalus anya te, “Fagmangena, afanudi sa angku. Kadasug ban tibak menit, bundi ste fag buksul ay sis Erusalem nu gseg am tam Mama.

Uan 6:14

Ay kafag ngay taw nu nalag Isus at madulo fag fakamulun, nalong te, “Matuyan tuy wa ngaro fia at fatuyanan fag taglong takadasug ban ste swa daga.”

Uan 7:31

Ay ngayuk taw nafanud sa anya, ay glong te, “Sia wan Dius at nafili fag Fun, aroro nusnga sinu we mafakamulun tagtungud tua at nafakamulun fag ngay madulo.”

Ebreu 10:37

“Aroro wa glugo ya, kadasug wan tagakadasugun.”