Mateu 10:8 - Fanawbuid tagsibaliwas Fakayabian

⁸ Ay fafiai at ke ngay fakasaitun, ay falelegi at ngay kinbul, ay fafiai at ngay tagabangbang, ay anggan aiyani ngay mauri fag falad siginans taw. Fakamuluni takatanya ay lag am get famayad, aroro anke fagmabalyananun am yud e famayad.

Mateu 10:8 ပူးပေါင်းရင်းမြစ်များ

Isayas 55:1

Yawi glong te, “Iste wan mamam! Fagayu am takadanum akbangi! Dewa am at yud e famayad, akbangi ay inumi! Gewan wan, buli fanginum ay susu bilug!

Tap 18:7

Dewa katanya, am way lang fag talamean tagfakamulun laman sik ngay tagfon fanggalangun. O way lang tagfakamulun ngay fakamulun sas fagirugan ay sat Mafasamanan Fia fag Suluk. Ay fakamulun wan ku fon ayu. Fabuli nusnga sinu tagfakamulun takatanya nu bunway sik tagfon fanggalangun.”

Mateu 10:1

Ay Isus nafaful at tagadal fag labi dua, ay nafae fagmabalyananun anya fagayu laman mafaiyan mauri fag ngay falad ay laman mafafia fagayu taw nusnge wain at fakasaitun.

Mateu 10:7

Ay foyungi te, ‘Munakbang wan Dius nu gfagtainan taw.’

Mateu 10:9

Ay lag am gbuba salapi nusdi alay sirut say fagsuadan.

Markus 16:18

Ay kanya ban fagayu dewa nated sik ule, ay dewa nainum at maganga, di gaganga. Ay nu nafatayuk ban at daluap sa sangay ke fakasaitun, kafia.”

Lukas 10:9

Fafiai at ke fakasaitun sanya fag furuan, ay foyungi sa kafag ngay taw te, ‘Munakbang wan Dius nu gfagtainan ayu.’

Fakamulun 3:6

Ay Pedru nalong te, “Kwe salapi, dewa katanya, e fon kro sa emu. Sa tam Fun Isus at ngayan, tagsiginans Nasaret, glong au emu te, malindugi ay loi.”

Fakamulun 4:30

Ay falugdei am take laman siginan am fagmabalyananun ay siginans Isus, am fagsuguan at yud e malong, mafafia ami at ke ngay fakasaitun ay mafafakamulun at madulo ay at mabalyanan fag ngay fakamulun.”