Mateu 10:3 - Fanawbuid tagsibaliwas Fakayabian

³ ay Felipe ay Bartulume, ay Tumas, ay Mateu, sik tagbul at famayad laman sas fun, ay Santiagu, Alfeu at baguama, ay Tadeu,

Mateu 10:3 ပူးပေါင်းရင်းမြစ်များ

Mateu 18:17

Ay sanya ginan nu dyay gdungugan emu, fasafuli sas Dius at ngay taw. Ay nu dyay gfaning kanya fag ngay taw, tuyani anya te, kanya kata way sik taw at yud natoglag Dius ay kata sik tagbul famayad laman sas fun.

Mateu 27:56

Sanya yangay Maria Magdalena, ay Maria, Santiagu ay Use at mina, ay Sebedeu at mangena.

Mateu 9:9

Ay Isus kaduge glao, nalag sik taw at ngayan Mateu nu malunggung sis bale fagfonan famayad sas fun. Ay Isus nalong anya te, “Aloi angku.” Ay Mateu anlindug ay nanangalo anya.

Markus 15:40

Ay ngayuk mangena tagdama sit dayu vtv. Sanya yangay Maria Magdalena, ay Maria, Santiagu ay Use at mina (kanya fag Santiagu ya kafagtainan at sadi fag Santiagu), ay sanya yangay Salume.

Markus 2:14

Ay arodi nu nalao wa, nalag Lebi, Alfeu at baguama nu malunggung sis bale fagfonan famayad sas fun. Ay Isus nalong anya te, “Aloi angku.” Ay Lebi anlindug ay nanangalo anya.

Markus 3:18

Ay Isus nafili yangay Andres ay Felipe ay Bartulume ay Mateu ay Tumas ay Santiagu, Alfeu at baguama, ay Tadeu, ay Simun Maseganama,

Lukas 18:10

“Ebi, duak taw gundaud laman nandarangin sas Dius at bale. At sadi sik taw Fariseu, ay at sadi sik tagbul famayad laman sas fun.

Lukas 18:11

Ay kafag taw Fariseu namalindug ay gdarangin sat amatanganan te, ‘Fadi fadi ku Dius, aroro kwa gfaning tibak taw tagfangkamul ay at yud matuyan at fakamulun, ay tagfanugtug, ay kdi kata in fag tagbul famayad laman sas fun.

Lukas 18:13

“Ay kafag tagbul famayad laman sas fun namalindug ngayayu siginan tibak taw ay wa gtangda, aroro kapla. Kanya grungan ay glong te, ‘Ku Dius, afanyui angku, aroro sik tagasalanan au.’ ”

Lukas 19:2

Ay sanya sik taw at ngayan Sakyu. Ay kanya sik tiba tungud fag tagfon famayad laman sas fun, ay kanya maramraman.

Lukas 5:27

Arodi, Isus nalo wan ay nalag Lebi, sik tagbul famayad laman sas fun. Kanya malunggung sis bale fagfonan famayad sas fun. Ay Isus nalong anya te, “Aloi angku.”

Uan 1:48

Natanael nainto anya te, “Tain nu gsaful o angku?” Isus gbalus te, “Siginan yay Felipe nu yud nauro emu, nalag kwa emu sis daga lanbung kayu.”

Uan 11:16

Tumas, at sadi at ngayan te, Tagasfuan, glong sat iba fag ngay tagadal te, “Bastam laman nangabul gasfuan anya.”

Uan 14:22

Ay Udas, bunwa Iskariute fag Udas, glong sas Isus te, “Em Fun, wain am fagsaun lang emi nu gfasure o am sadili, ay bunwa sas fagayu taw ste swa daga?”

Uan 14:5

Ay Tumas glong anya te, “Em Fun, wami saful am fagnangadasugan ban, tain ban nu saful ami dalan?”

Uan 14:9

Isus gbalus te, “Felipe, ngaduge wan nu galo au ayu. O nunda yo natoglag angku? At nalag angku nalag yangay ku Mama. Wain yay am fagnalongun te, ‘Falagi emi am Mama’?

Uan 21:2

Simun Pedru ay Tumas at ngayan yangay te, Tagasfuan nu Kasalug, ay Natanael fag taw Kana sis talun Galilea, ay Sebedeu at ngay baguama, ay dua yak tagadal, kanya fagayu gadgaloan.

Fakamulun 1:13

Ay kanya fagayu nu ndasug sas Erusalem, nasakbo sat fagtaglayunan fag bale sat tungud fag suluk. Kafag ngay nasugu at ngay ngayan: Pedru, Uan, Santiagu, Andres, Felipe, Tumas, Bartulume, Mateu, Santiagu Alfeu at baguama, Simun Maseganama ay Udas Santiagu at baguama.

Fakamulun 12:17

Ay Pedru gyafe te, lag am garingang. Ay arodi kanya gfoyung sa anya fagayu sabaliwa tam Fun at nafakamulun nu gfalfas anya siginans fagubungan. Ay gfataglayun yangay glong te, “Fasafuli yangay sas Santiagu ay sa tam ngay faduksay at kinfasludan sa angku.” Sanya ginan, Pedru nalo wan sa tibak furuan.

Fakamulun 15:13

Ay duama nu ntabu wan nu gfoyung, Santiagu nalong yangay sa sangay tagafanud te, “Ku ngay faduksay dungugani angku.”

Fakamulun 21:18

Balabag di, nanangalo ami Pablu laman nansibo Santiagu. Anggan ngay fagtainan bale fakafulan sis Erusalem sanya yangay.

Galasya 1:19

Ay kwe nalag sanya tibak nasugu, ku nalag Santiagu way lang, tam Fun at faduksay.

Galasya 2:9

Santiagu ay Pedru ay Uan at ngay kintoglag te, tagafanud at ngay fagtainan, nasaful wa te, Dius nafon yangay angku fagmakatuun laman kamoyung kyangay at Masine fag Barita. Nu katanya, kanya fag tulu naylat emi Bernabe laman at nanfamoyung yangay at Masine fag Barita. Ay nadiuganan ami te, ami Bernabe at nanfamoyung sas yud Udyu fag ngay taw, ay Santiagu ay Pedru ay Uan at nanfamoyung sa sangay taw Udyu.

Santiagu 1:1

Au, Santiagu, Dius ay tam Fun Isus at fagsuguan. Gfadasug au ku longan sas taw Israel at kasugfunanan fag labi dua at nasaruayan sas fagdaul daga.

Udas 1:1

Siginan angku, Udas, tam Fun Isus at fagsuguan, ay Santiagu at faduksay. Sas Dius at fakesugun fag ngay taw, ay tam Fun Isus at fagdiriun.