Mateu 10:2 - Fanawbuid tagsibaliwas Fakayabian

² Ay Isus at labi duak nasugu at ngay ngayan: taguna Simun, at sadi at ngayan Pedru, ay at arian Andres, ay Santiagu ay at arian Uan, Sebedeu at baguama fagdua,

Mateu 10:2 ပူးပေါင်းရင်းမြစ်များ

Mateu 17:1

Ay nu nlangfe unumk menit, Isus nataban Pedru ay anggan Santiagu ay Uan fag duksay, ay naundaud sa sik buksul ngabat yud e taw.

Mateu 20:20

Ay arodi Sebedeu at mangena nanangakbang sas Isus gadgaloan at baguama fagdua, ay natudan sas Isus at salubangan aroro e fagetun sa anya.

Mateu 26:37

Ay Isus nataban Pedru ay Sebedeu at baguama fagdua. Ay Isus gfasigad kabalu ay maksvn nu gidapan sit amatanganan.

Mateu 4:18

Ay gina Isus glo sis tigyangan Lino Galilea, kanya nalag sik duksay Simun, tiba at ngayan Pedru, ay anggan at arian Andres nu gukas at fanggamat albon sasad lino, aroro kafag duksay tagfangalbon.

Mateu 4:21

Gina Isus gtaglayun glao sanya ginan, kanya nalag yangay fia sik duksay, Santiagu ay Uan, Sebedeu at baguama fagdua. Kafag duksay ay anggan at mama Sebedeu sisad sakayan lino gina gsimat at ngay fanggamat albon. Ay Isus nagewan duksay.

Markus 1:29

Isus ay at ngay ufud nu naduksun siginans bale fakafulan, nataglayun sas Simun ay Andres at bale. Ay Santiagu ay Uan galo anya.

Markus 13:3

Gina Isus malunggung sis Buksul Ulibu sis aturunan Dius at bale, ay gina yud sanya tibak taw, Pedru, Santiagu, Uan ay Andres ginto sas Isus te,

Markus 6:30

Isus at ngay nasugu anfoli sa anya ay gfoyung sa anya fagayu at nafakamulun ay at foyungan.

Lukas 11:49

Nu katanya, siginans Dius at fagsafulun, nalong te, ‘Sumugu au ku ngay taglong ay ku ngay nasugu sa sangay taw Udyu. Kanya ban gfabul kafag ngay taglong tiba, ay tiba ban gfauri.’

Lukas 22:14

Nu ndasug wan at fanyafunan fag buknga, Isus malunggung sis fagfangonan magamut at ngay nasugu.

Lukas 22:8

Ay Isus nasugu Pedru ay Uan te, “Loi wan ay namalganan am tam yafun sabaliwa Tagbarita nu Glangfe.”

Lukas 5:10

Ay anggan Sebedeu at baguama fagdua, Santiagu ay Uan, andulo yangay. Kafag duksay, Simun at ibama. Ay Isus nalong sas Simun te, “Lag kadulo, siginan ban katsi bunwa albon ya am fagnanggamatun, ngay taw tua.”

Lukas 9:10

Isus at ngay nasugu nu nfoli wan, nafoyung sas Isus at ngay nafakamulun. Isus nataban anya fagayu ay nalo sa sik furuan at ngayan Betsaida. Isus we nataban sas day at ngay nasugu.

Uan 12:22

Felipe nalo sas Andres ay nafasaful kafag ngay taw at fagetun, ay duama nalo sas Isus ay nafasaful yangay takatanya.

Uan 13:23

Isus at fakesugun fag tagadal masarare si anya.

Uan 20:2

Nu katanya, kanya natarung sas Simun Pedru ay sas Isus at fakesugun fag tagadal, ay gfoyung anya te, “E nabul wan tam Fun siginans fagfolian, ay wami nasaful te, dada nu gbuba.”

Uan 21:2

Simun Pedru ay Tumas at ngayan yangay te, Tagasfuan nu Kasalug, ay Natanael fag taw Kana sis talun Galilea, ay Sebedeu at ngay baguama, ay dua yak tagadal, kanya fagayu gadgaloan.

Uan 21:20

Ay Pedru anbiling ay nalag Isus at fakesugun fag tagadal nu galo anya, kanya at nasarare sis Isus ebi gina gyafun ay at nainto te, “Em Fun, sinu ban at namoyung emu sat mauri fag ngay taw?”

Uan 21:24

Au wan kafag tagadal at nafoyung ay at nariruk takatanya. Ay fagayu taw nasaful te, matuyan ku foyungan.

Uan 6:67

Ay Isus ginto sat labi dua te, “O kaylat yangay am gubun angku?”

Uan 6:70

Ay Isus nalong te, “Nafili au ayu labi dua, dewa katanya, at sadi si ayu sik mauri way fag falad.”

Uan 6:71

At fagfatungulan fia Udas Iskariute, Simun at baguama. Udas, Isus at tagadal at sadi, ay kanya ban at namoyung Isus sat mauri fag ngay taw.

Uan 6:8

Ay at tagadal, Andres, Simun Pedru at faduksay, glong te,

Fakamulun 1:13

Ay kanya fagayu nu ndasug sas Erusalem, nasakbo sat fagtaglayunan fag bale sat tungud fag suluk. Kafag ngay nasugu at ngay ngayan: Pedru, Uan, Santiagu, Andres, Felipe, Tumas, Bartulume, Mateu, Santiagu Alfeu at baguama, Simun Maseganama ay Udas Santiagu at baguama.

Fakamulun 1:26

Sanya ginan, kanya fagayu nafafidfilian, ay at nafili, Matias. Kanya at kinfamut sat labi sadik nasugu.

Fakamulun 12:2

Ay kanya nasugu at ngay fagsuguan laman namabul Santiagu, Uan at faduksay.

Fakamulun 3:1

Sik menit, gina sis fatulu sfafun, Pedru ay Uan nalao sas Dius at bale laman nandarangin, aroro ginanya fandaranginan.

1 Kurintu 15:7

Ay kanya nsure yangay sas Santiagu ay anggan sas fagayu at nasugu.

Efesu 4:11

Ay kanya nafili tibak taw sik ngay nasugu, ay sik ngay tagfasaful Dius at ngay longan, ay tagbuba at Masine fag Barita, ay takamoyung ay tiba tagfoyung sis bale fakafulan.

Ebreu 3:1

Ku ngay faduksay sas fagafanudun, ay sik ngay nafili yangay kata angku laman at nangaful sas banwa, masine nu gamatangan tuam gugat sa tam Isus, kanya sik nasugu laman tam Tiba Tungud fag Tagfon Fanggalangun sa tam fagafanudun.

1 Pedru 1:1

Au, Pedru, Isus tam Fun at nasugu. Griruk au sa ayu, Dius at ngay nafili at narapyagan ay tagbanwan sis Puntu ay sis Galasya ay sis Kapadusya, ay sis Asya, ay sis Bitinya fag ngay talun.

2 Pedru 1:1

Au, Simun Pedru, tam Fun Isus at nasugu ay at fagsuguan. Griruk au sa ayu at ngay nabul at mafanud fag fagafanudun kata emi, aroro sa tam Dius ay Tagfalangfe, Isus tam Fun, at fagmatuyanun.

2 Uan 1:1

Au sik fagtainan sa sangay tagafanud, griruk au sa emu, Dius at nafili fag mangena ay anggan sam ngay sisian. Matuyan kesug au ayu, ay anggan fagayu at nasaful at matuyan kesug yangay ayu.

3 Uan 1:1

Au sik fagtainan sa sangay tagafanud, griruk au sa emu, ku fakesugun ku faduksay Gayu. Kesug au emu aroro si tua ta sfagmatuyanun.

At Nafasure 1:1

Katatuy Dius at foyungan sa tam Fun Isus, ay nasugu at tagbarita laman gfoyung yangay sat fagsuguan Uan. Katatuy fag foyungan at algan laman namasaful sas Dius at ngay fagsuguan sabaliwa tagakafasludanun wan.

At Nafasure 1:9

Au, Uan, ay faduksay ay faudgufudan sa sangay fagidapun ay sas Dius at Fagfagtainanan, ay sas fagagwantanun aroro masadi tam sas Isus. E nagamat angku ay nataban sas furu Patmus fag talun aroro gfoyung au Dius at longan ay at matuyan, Isus at nafasure sa angku.

At Nafasure 18:20

Useganani am tagsis banwa aroro at kindasug sa anya. Useganani, am Dius at ngay taw, ay at ngay nasugu, ay at ngay taglong, aroro Dius nafaurianan wa anya aroro sat nafakamulun sa ayu at mauri.’ ”

At Nafasure 22:8

Au wan Uan. Nadungug au ay nalag takatanya fagayu. Ay nu nadungug au ay nu nalag au, namalub au laman gseg tagbarita at nafalag sa angku takatanya fagayu.