Mateu 1:1 - Fanawbuid tagsibaliwas Fakayabian

¹ Katatuy Isus tam Fun at ngay mangaguyang nu gdaddagan. Kanya Dabid ay Abrayam at kasugfunanan.

Mateu 1:1 ပူးပေါင်းရင်းမြစ်များ

Fakasigadan 22:18

Ay siginan ban am ngay kasugfunanan ggubuk kban fagayu talun at taw sas fagdaul daga, aroro nafaning tuo angku.’ ”

Galasya 3:16

Dius nafatuyanan sas Abrayam ay sat ngay kasugfunanan. Nu gfatuyanan, wa nalong te, “sa ban am ngay kasugfunanan,” at masuad, ngayu, nu bunway, nalong way te, “sa ban am kasugfunanan,” at masuad, sadi way. At fagfatungulan tam Fun Isus wan.

Ruma 1:3

At Masine fag Barita sabaliwa at Baguama, Isus tam Fun. Nu sabaliwa kanya nu nsik taw, kanya siginans fun Dabid at kasugfunanan. Ay sabaliwa at fagmasineun sas fanfalad, nafangayan anya te, Dius at Baguama at mabalyanan siginan nu gdog gleleg.

At Nafasure 22:16

“Au wan Isus at nasugu ku tagbarita laman gfatuyan sa ayu sa sangay furuan. Au wan Dabid at sugfun, ay at masulo fag tagurabas.”

Alubad. 132:11

Ebi nafatuyanan o sas Dabid te, “Gfalganan kban gugat siginan am kasugfunanan, tagtubus emu laman sik fun. Ay matuyan gfafasludan ban o takatanya, ay di ban o kalyam.”

Eremyas 23:5

Yawi glong yangay te, “Sik menit ban nanfili au sik fun at matuyan tagsiginans Dabid at kasugfunanan. Kanya ban e fagsafulun sabaliwa nu gfunan, ay namae fagmatuyanun ste fag talun.

Isayas 11:1

Dabid at kasugfunanan kata sik nagtudan kayu at natandug. Ay umdasug ban sik fun siginan Dabid at kasugfunanan.

Uan 7:42

O nunda at marirukan sis Dius at Longan wa glong te, Dius at nafili fag Fun siginan ban fun Dabid at kasugfunanan, ay siginans Betleem, Dabid at furuan?”

Fakasigadan 12:3

Gfadante kban sas nusnga sinu at nafadante tua emu, ay gfaurianan kban fagayu at nafaurianan emu. Ay siginan emu gfadante kban fagayu talun at taw.”

Fakamulun 2:30

Dabid sik taglong ay nasaful Dius at fatuyanan te, at sadi ban at kasugfunanan umsik fun kata anya.

Mateu 1:18

Katatuy Isus, Dius at nafili fag Fun nu kasalug. At mina ban Maria, Use at bubay ban. Ay gina kafag dua yud an-gamut, Maria nasaful te, gfafion wan siginan at Masine fag Falad.

Isayas 53:8

E nagamat anya ay nafaurianan ay nafabul. Ay nusdi sadi wa nafamafanud, kanya anbul yud e kasugfunanan, ay nagwantan nadalan tam fagnandalanun ma fag faurianan.

Ruma 9:5

Dius nafili ngay taw Israel at ngay mangaguyang, ay sanya ginan yangay Dius at nafili fag Fun gina sia sik taw. Dius wan at mabalyanan sas fagayu, segi anya kabavn ban. Anud.

Ruma 4:13

Dius at fatuyanan sas Abrayam ay sat ngay kasugfunanan te, magbilug ban fagdaul daga, kanya bunwa siginan at nafaningan Muisis at Faugali, nu bunway antap tua te, kata nu yud e asalanan aroro siginan at fagafanudun.

Mateu 15:22

Ay arodi sik mangena siginans talun Kanaan andasug sanya ay maksvn nu get te, “Ku Fun, fun Dabid at kasugfunanan, afanyui angku. Aroro sik mauri fag falad maksvn nu gfaidapan ku baguina.”

Mateu 9:27

Ay kaduge Isus glo sanya ginan, duak taw yud glag galo anya. Ay kafag duama nauro te, “Fun Dabid at kasugfunanan, afanyui emi.”

Eremyas 33:26

ay katanya tua ban gugat ku nasadian sas Akub ay sa ku fagsuguan Dabid at ngay kasugfunanan. Nanfili kban siginans Dabid at kasugfunanan laman at nanfunan sas Abrayam, Isak, ay Akub at ngay kasugfunanan. Ay kafanyu kban anya fagayu ay gfafoli sat fagbanwanan siginan at fagatabananan.”

Fakasigadan 2:4

Katanya at fansulitan sabaliwa Dius nu kawat banwa ay fagdaul daga. Gina Yawi nawat fagdaul daga ay banwa,

Mateu 3:16

Ay Isus nu nsurung wan, ay nu nlakwi siginan sad lino, banwa anluang ay Isus nalag Dius at Masine fag Falad nu kadaga kata sik labikung, ay naafun sa anya.

Sakaryas 12:8

Ginanya ban fag menit, Yawi galaga ngay taw Erusalem, dewa at mamomuy umbitsug kata Dabid. Dabid at ngay kasugfunanan umke fagmabalyananun kata Dius, ay umkata Yawi at tagbarita tagfangguna anya fagayu.

Amus 9:11

Umdasug ban sik menit gdog au namalindug Dabid at fagfagtainanan kata sik bale famoy at kinkiklas. Namasine kban kata ebi nu masine,

Fakasigadan 5:1

Katatuy at rirukan sabaliwa Adan talanan. (Dius gina nangawat taw, nawat kata anya.

Alubad. 89:36

Kabavn ban siginan tua gugat at kasugfunanan at nanfunan sas Israel, ay nu gfunan ban di gbadbalian kata menit.

Alubad. 89:3

Yawi nalong te, “Nawat au sik nasadian sa ku fagsuguan Dabid, ku nafili fag fun. Ay nafatuyanan au sa anya te,

Mateu 1:2

Abrayam at baguama, Isak, ay at fufu, Akub, ay at fufu tud, Uda fag duksayan.

Lukas 1:33

Ay kanya ban gfagtainan Akub at ngay kasugfunanan, ay wa ban e fakatabuan nu gfagtainan.”

1 Timuteu 2:5

Aroro sadi way tam Dius ay sadi way tam tagwabilug sa anya, we tiba nu bunway tam Fun Isus, kanya sik taw fia.

2 Timuteu 2:8

Amatangi tam Fun Isus; kanya nadog yay naleleg, ay siginans fun Dabid at kasugfunanan. Kanya wan ku fagfoyungun sa sangay taw.