Malakyas 4:3 - Fanawbuid tagsibaliwas Fakayabian

³ Gina kban gfafasludan takatanya fagayu, gfabul ban am fagayu taw at mauri kata nu gsiad am lukbu.

Malakyas 4:3 ပူးပေါင်းရင်းမြစ်များ

Fakasigadan 3:15

O wo ban ay kafag mangena gawayan ban am gugat. Ay anggan ban am ngay kasugfunanan ay kafag mangena at kasugfunanan gawayan gugat. Ay kanya ban nanrufa am alfuyu ay kagat ban o at sungkulan.”

2 Samwel 22:39

Nabasing au ku ngay fawayan, ay kanya fagayu anrunguy, ay anbul si ku daga salubangan.

2 Samwel 22:43

Narufa au anya fagayu kata lukbu. Ay naukas au anya fagayu nusnga nday kata sik ngay nakaurian.

Alubad. 147:6

Yawi ggubuk fagayu tagafalingunan, ay kanya gfataygilid at mauri fag ngay taw laman gfaurianan.

Alubad. 49:14

Kanya fagayu at fagnangadasugan sa ways fagfolian. Ay fakabulun wan tagtabanan anya fagayu sanya sfagfolian, kata sik tagalaga tupa nu gfangguna. Ay umdasug ban sik balabag, at matuyan fag ngay taw gfangguna kafag ngay taw. Kanya fagayu wa si ya at ngay mesa bale, abat ngate, at ngay bilug kadan wan sis fagfolian.

Alubad. 91:13

Ay makatu ban o gsiad ngay liun ay ngay dot, ay marufa ban o kanya fagayu.

Isayas 25:10

Matuyan wan Yawi gumubuk wa fia ste fag Buksul Siun, ay dewa katanya, namaurianan waban ngay taw Muab. Yawi ban nansiad Muab kata sik nagutan sas fagukasan ifut.

Isayas 26:6

Ay at yud e kwa ebi ay tagafalingunan nansiad wan.

Takabalu 1:15

Fun Dius naiyan ku ngay tagfawayan siginan ku daga salubangan. Ay kanya nafaful ku ngay fawayan laman namabul ku ngay tagfawayan at mabaguama. Fun Dius nafamin ngay taw Uda kata nu gturis ubas at rawvg sis fagturisan.

Esekyel 28:18

Nafasuya o am fagnansegan fag ngay furuan, aroro ngayu am asalanan ay am nafamuag gina o gfabangsi. Nu katanya, si sangay taw at daga salubangan tagdama emu, nairug kwan am talun ay ankirug o ay ankata dafug.

Daniel 7:18

Dewa katanya, Tiba Tungud fag Dius ban namon sat ngay taw yud e malong fag fagmabalyananun laman ban gfunan kabavn.’

Daniel 7:27

Sanya ginan, Tiba Tungud fag Dius namon sat ngay taw at yud e malong fag fagmabalyananun laman gfunan sas fagayu fagfagtainanan sas fagdaul daga. Ay at fagfagtainanan ban we fakatabuan, ay fagayu ban tagfangguna gseg ay gfaning anya.

Mikas 5:8

Dewa katanya, kanya ban fagayu gfae fagmauriun yangay sa sangay talun, ay madot ban kata sik liun nu nangagat ngay mela sasad araw, ay ngay tupa sis fagfafangonan. Ay liun nu e fagnangagatun way, gtulbu ay gyukfu ay wa gfalfas ya.

Mikas 7:10

Ay tam ngay fawayan ban nu nalag takatanya, umkapla. Aroro ebi kanya fagayu nafalingun antam, glong te, ‘Dada wan ay Dius Yawi?’ Ay kadasug ban sik buknga, lumag tam kanya fagayu nu gafaurianan. Ay kanya ban fagayu umkata ngay lifak sa sangaba dalan ngay taw at fagsiadun.”

Sakaryas 10:5

Kanya fagayu gadgaloan kata ngay tagfawayan at mabitsug tagbabo at ngay fawayan ay gsiad kata lifak si sangaba dalan. Kanya fagayu makatu gfawayan aroro galo au anya, ay namabo ngay tagakabayuan.

Malakyas 3:17

Yawi at Mabalyanan nalong sa sangay tagafanud te, “Gina kban gfaurianan fag menit, gagbilug kban ayu, ay gtuyan au te, am wan ku ngay taw. Kwa gfaurianan ayu, kata sik mama nu yud gfaurianan at ngay sisian tagfaning anya.

Ruma 16:20

Dius takamon fagmanabayanun munakbang wan nu gfasa ay daga darafa ay fawayan Satanas. Sumawa nangus fia ayu tam Fun Isus at fagmagalangun.

At Nafasure 11:15

Ay at fafituk tagbarita nu nauyup at budyung, e nadungug au sik ngay aringang ayu daul siginans banwa te, “Fagmafagtainanun ste swa daga siwa tam Fun ay si tam Fun Isus. Kanya ban gfagtainan kabavn.”

At Nafasure 14:20

Ay naturis kafag ngay rawvg sis day furuan. Ay taguk nafamilugan siginans fagturisan at kabasadan sadik dufa, ay at kayayuan nu gfamilugan tuluk sandank libuk sangbada.