Malakyas 4:2 - Fanawbuid tagsibaliwas Fakayabian

² Dewa katanya, am tagsuyu angku, gfalangfe ktua ban ayu kata menit at yamag nu bagu kasure tagfon fagmafianun. Ay gtudtulbuan ban am guseganan kata sik ngay riangan baka at nalfas siginans fagubungan.

Malakyas 4:2 ပူးပေါင်းရင်းမြစ်များ

2 Samwel 23:4

kanya kata tua menit at yamag nu kasure sis balabag at yud e gfarum, ay tagfariro ngay makmak.’

Alubad. 103:3

Kanya nafalyam tua fagayu ku asalanan, ay nafafia fagayu ku fakasaitun.

Alubad. 147:3

Kanya ban gfasun fagayu takabalu. Ay gsifig ngay taw at bangbang laman gfafia.

Alubad. 61:5

Aroro nadungug tuo ku ngay fatuyanan, ay nafon tuo sa angku ku fagnangagbilugun kata am ngay nafon sas fagayu takalimu emu.

Alubad. 67:1

Em Dius, afanyui ay foni emi nusnge wain. Ay falagi sa emi am fagmasineun,

Alubad. 84:11

Yawi em Dius, o wan em tagbalabag, ay em taggubuk, ay nafasik takadungug o emi, kata menit nu gyamag sa emi. Ay di o gsuksuk nusnge wain at masine sas fagayu tagugali at matuyan.

Alubad. 85:9

Anud, kanya mafalganan gugat gfalangfe fagayu tagsuyu anya, laman gfalag te, at fagmabalyananun si tua antam ay si tam talun.

Fangatulun 4:18

At matuyan fag taw at ugali, kata tua menit nu bagu kasure, ay kaduge kabat, kaugat yay nu gyamag.

Isayas 30:26

Ginanya ban, magdanun dumamlag kaksvn menit. Ay menit nu mayamag kafamut yay fitu ginan, kata nu nafasadi fituk menit at damlag sa sadik menit. Umfasludan ban takatanya gina Yawi gsifig ay gfafia at ngay taw at ngay fakarukan.

Isayas 35:6

Ay at yud malo fag ngay taw nanfanulbuan kata sik kambing talun at kaksvnan nu guseganan, ay at yud maringang nanguro tua aroro gfanagsag. Mamam ban gfamilugan tua sat matat fag talun, ay at ngay bulbug gfamilugan sa sangaba talun.

Isayas 49:6

Kanya nalong te, “Ku fagsuguan, namafoli o ku nafasawad fag ngay taw Israel, ay saman wa kanya, ngayu yay ban ku fagnamakamulunun sa emu. Namakata kban emu sik salung sas fagayu talun at taw laman fagayu taw sas fagdaul daga umlangfe.”

Isayas 50:10

Sinu am takalimu Yawi ay tagfaning at fagsuguan at ngay foyungan? At masine, afanudi tua sas Yawi dewa am sit madulum fag dalan at yud e yamag.

Isayas 53:5

At matuyan, siginan tam fakamaboun kanya anke fakarukan, ay kanya nafalangan aroro sa tam fagmauriun. At nadalan wan fag fagidapun at nafae fagmasineun antam, ay siginan at faginke fakarukan anfia tua tam.

Isayas 9:2

Ngay taw tagbanwan sisad fagmadulumun lumag ban sik maksvn fag fagmayamagun. Ay fagayu tagbanwan sanya gadamlagan.

Eremyas 17:14

Yawi, o way lang at mafafia ay at mafalangfe angku. Ay o way lang ku fagfausegananun.

Eremyas 30:17

Ay gfafia kban ay ngay bangbang, tibak taw dewa nalong te, nafabayan wan ay naiyan ayu fag ngay taw Erusalem. Au, Yawi, taglong tuy.”

Eremyas 33:6

“Dewa katanya, sik menit ban namadasug au fagmafianun stae fag furuan daul ay sat ngay tagbanwan. Ay kanya ban fag ngay taw nu gbanwan maramraman tua ay manabayan.

Esekyel 47:12

Ngayuk dalan kayu gtugbung ay grawvg gsumbalian kafag liskung. Ay at ngay don di kalangke ay at ngay rawvg di kamin. Galay magdanun grawvg tua, aroro mamam gfamilugan tua sa anya siginans Dius at bale. Ay at ngay rawvg kaon tua, ay at don famafia.”

Usea 6:1

Ngay taw Israel gkamatoan te, “Gewan! Kafoli watam sas Yawi. Aroro kanya nafaurianan antam, kanya yangay ro at mafafia antam.

Usea 6:3

Masine nu gugatan tam gtoglag Yawi. Matuyan, kanya umdasug wa fia kata menit nu kasure. Ay kata arak nu kadasug laman namarugme daga.”

Malakyas 3:16

Ay sanya ginan, ngay tagsuyu Yawi gkamatoan, ay Yawi nadungug. Kafag ngay taw at ngay ngayan anriruk sa sik fafil tagsis Yawi at daga salubangan, laman Yawi gamatang tua gugat fagayu tagsuyu ay tagtoglag anya.

Mateu 11:5

Ngay taw yud glag ebi, katsi glag tua, ay ngay yud malao, katsi malao tua, ay ngay tagabangbang katsi anfia tua, ay ngay yud gdungug, katsi gdungug tua, ay ngay kinbul nadog tua naleleg, ay ngay yud e kwa, katsi e nafadungug tua at Masine fag Barita sa anya fagayu.

Mateu 23:37

“Erusalem, Erusalem, o wan tagfana gang ay tagfabul Dius at nasugu sa emu fag ngay taglong. Ngayu ginan koma namaful fagayu am taw, kata sik fanginan nu gfaful at ngay riangan sat daga fakfak ay wo kaylat.

Lukas 1:50

Ay kanya kafanyu fagayu kasugfunanan tagseg anya.

Lukas 1:78

aroro tam Dius mafangafanyu tua ay mafangesug sa antam, ay namadasug sa antam sik tagfalangfe, kata menit nu bagu kasure,

Lukas 2:32

Ay kanya ban sik salung sas yud Udyu fag ngay taw at yud yay natoglag emu, ay sik fagmasineun sa am ngay taw Israel.”

Uan 1:14

Ay kafag Longan ansik taw ay nabanwan magamut antam. Ay nalag ami at fagmasineun. Kanya Dius at mafilian fag Baguama. Ay kanya andasug siginan at Mama, mapnu fag fagmagalangun ay fag fagmatuyanun.

Uan 1:4

Kafag Longan leleg, ay kafag leleg kanya wan fagmayamagun sas fagayu taw.

Uan 1:8

Uan bunwa fagmayamagun, ay at fagindasugun laman namatuyan sabaliwas fagmayamagun.

Uan 12:40

“Dius nafayud glag kafag ngay taw, ay nafaogat at ngay amatanganan. Ay Dius glong te, Nafakamulun au takatanya, laman kafag ngay taw ban wa glag ay wa gtogdungug, ay wa ban kafoli sa angku laman namafia au anya fagayu.”

Uan 8:12

Isus gdog yay glong sa sangay taw Fariseu te, “Au wan fagmayamagun sas fagayu taw. Nusnga sinu tagalo angku di ban glao sasad madulum, nu bunway e fagmayamagun tua tagfon leleg.”

Uan 9:4

Kaduge mamenit yay, masine nu gfakamulun tam at nasugu angku at fagyafakamulunun. Aroro nu nyabi wan, we taw ya mafakamulun.

Fakamulun 13:26

“Em ngay faduksay, Abrayam at ngay kasugfunanan ay am at yud Udyu fag ngay taw tagfaning Dius, sa antam at fagfonan kanya fag barita sabaliwas fakalangfean.

Fakamulun 13:47

Aroro tam Fun nasugu emi te, ‘Nawat au emu kata sik salung sas yud Udyu fag ngay taw, laman namoyung fakalangfean sas fagdaul daga.’ ”

Fakamulun 26:18

laman nanluang at ngay mata ay namafoli sasad mayamag siginan sad madulum ay gfafoli sas Dius siginans Satanas at fagmabalyananun, ay namalyam kafag ngay taw at asalanan ay gtap anya te, ku ngay nafili, aroro siginan at fagafanudun sa angku.’

2 Tesalunika 1:3

Em ngay faduksay, kabavn guseganan ami sas Dius aroro siginan ayu. Matuyan kanya em fakamulun aroro ay fagafanudun gtaglayun tua nu kaksvn, ay anggan nu kedkesugan am.

2 Pedru 1:19

Nu katanya, em fagafanudun nkugat yay nu kaksvn aroro siginan em nadungug tam Dius at ngay taglong at foyungan. Ay masine nu gdungugan am fia takatanya fag foyungan, takata sik salung tagdamlag sisad fagmadulumun nu dyakmay menit nadog ansure sbalabag. Ay kanya kata sik tagurabas gdamlag sa ay ngay amatanganan.

2 Pedru 3:18

Fataglayuni nu kaksvn am si tam Fun Isus tam tagfalangfe at fagmagalangun ay at fagsafulun. Si wa anya fagmasineun katsi ay kabavn ban. Anud.

1 Uan 2:8

Ay tuy fag suguan dewa ngaduge wan, kata yay gugat nu bagu, aroro ansure si tam Isus at fakamulun ay anggan si ay fakamulun. Fagmadulumun kalyam wan, ay at matuyan fag fagmayamagun gdamlag wan.

At Nafasure 11:18

Ay fagayu talun at ngay taw at yud natoglag emu, maksvn nu kadotama emu. Ay andasug wan at buknga nu gfadasug o am dotama. Ay andasug yangay at buknga nu gtuyan o ngay kinbul at fakamulun te, o masine ay o mauri, ay nu gfon o famonun sas fagayu am taglong am ngay fagsuguan, ay sam ngay taw, ay sas fagayu tagsuyu emu, sa takadungug fag ngay taw ay dewa sat mafalingun fag ngay taw. Ay andasug yangay at buknga nu gfamin o tagfaidapan ngay taw sas fagdaul daga.”

At Nafasure 2:28

Ay gfon kyangay ban sa anya tagurabas.

At Nafasure 22:16

“Au wan Isus at nasugu ku tagbarita laman gfatuyan sa ayu sa sangay furuan. Au wan Dabid at sugfun, ay at masulo fag tagurabas.”

At Nafasure 22:2

ay gfamilugan sas wabilug furuan daul at dalan. Gsumbalian liskung e fun kayu tagfon leleg, labi dua ginan grawvg galay banwa, sayginan galay magdanun. Ay at ngay don mafafia fagayu talun at ngay taw at fakasaitun.

Rut 2:12

Nu katanya, Yawi ban nangus gfon emu nusnge wain aroro sam ngay nafakamulun. Yawi, Israel at Dius, am fakakbangan gfamut yay ban at ngay fon emu.”