Malakyas 3:2 - Fanawbuid tagsibaliwas Fakayabian

^2-3 Dewa katanya, sinu ban fag taw at magwanta gina Dius kadasug? Ay sinu yangay ban at manangalindug sat daga salubangan? Kanya ban kadasug kata sik afuy nu gfadalusan sanbung ay kata sik famalyam lanbung at layungun. Kanya ban namasine ngay taw Lebi kata sik takawat sanbung nu gfasine salapi ay gintu. Ay kanya ban fagayu at fanggalangun gdog tua e tungkul sas Yawi.

Malakyas 3:2 ပူးပေါင်းရင်းမြစ်များ

Fakasigadan 19:28

Ay Abrayam nabanawan sas Suduma ay Gumura ay fagdaul datag. Ay nalag sik anus nu kabat siginans daga kata sik anus tagsiginan sik tagbia fag afuy.

Ub 28:1

E ngay fakalian at ke ngay sanbung salapi, ay e ngay famadalusan gintu.

Alubad. 130:3

Yawi ku Fun, nu nariruk ro wo em ngay asalanan, sinu ya ro at kumsawad si emi, sim daga salubangan?

Alubad. 2:7

Dius at nafili fag fun glong te, “Garingang au Yawi at nalong sa angku te, ‘O wan ku baguama, ay siginan katsi fag menit, au wan am mama.

Alubad. 76:7

Nu katanya, fagayu taw nangus kalimu tua emu. Sinu at magwanta gina o kadotama?

Fangatulun 25:4

Sik taw tagsaful kawat ngay fagagbilugun siginans salapi gbul tua at suglat siginan at fangawat fag salapi, sanya ginan nangawat wan.

Isayas 1:18

Yawi glong te, “Wainyayam, gyadyamagan watam! Dewa maksvn ay fagmauriun namalaksi au ayu, kata nu gbakbak at masuya fag ramit ay at kinfegus wan, laman umkata am sik dingin at barugwak nu malaksi.

Isayas 33:14

Tagasalanan fag ngay taw sis Siun gtadtaruyan kalimu, ay glong te, “Kanya fag Dius kata sik tagigang fag afuy at yud karabung. Ay sinu si antam at manamanwan sas Dius at salubangan?”

Isayas 4:4

Ay siginan ban tam Fun Dius nu ginsaful kata nu girug, kanya ban gfegus tagsis furuan Erusalem fag ngay mangena at fagmasuyaun, ay gfegus ngay taw Erusalem at ngay lanbung tagatagukun.

Eremyas 2:22

Dewa am gigus gugat ay grarus sa ay ngay bilug balugu, e lagan kyay gugat ay ngay asalanan. Au Yawi, ay Fun, taglong tuy.

Esekyel 22:14

Gina kban gfaurianan ayu o maseganama yayam ay mabitsug? Au, Yawi, taglong tuy. Anud, gfakamulun kban takatanya.

Daniel 11:35

Tiba bank taw tagsaful at matuyan gafaurianan laman ban umsik matuyan ay umsine at leleg anggan ban andasug at fakatabuan, Dius at nafalganan fag buknga.

Uel 2:11

Yawi at aringang kata sik lingsi gina gsugu at ngay tagfawayan at maseganama ay tangayu. Ay kanya fagayu gfaning tua at suguan. Yawi at nafalganan fag menit gina ban namaurianan maksvn nu malimu. Sinu ro at magwanta?

Naum 1:6

Sinu at magwanta Yawi nu nkuri? Aroro kanya nu nkuri, kata nu gfaduksun afuy siginan at bibig, ay gang kabaltak sit salubangan.

Sakaryas 13:9

Ay at sadi fag afud namasine au kata nu e nafasine sik salapi sasad afuy. Namaskud au anya fagayu kata nu gfaskud sik gintu sasad afuy. Kanya ban fagayu nanguro sa angku ay gbalus ktua ban. Gtuyan kban anya fagayu te, ku ngay taw, ay kanya ban fagayu gtuyan te, ‘Yawi em Dius.’ ”

Malakyas 4:1

Yawi at Mabalyanan nalong te, “Matuyan, kadasug wan nu gfaurianan au fag menit. “Ginanya ban fag menit kata sik tagigang fag afuy. Gfaurianan kban fagayu takamatungudun ay at mauri, kata nu girug ngay nagutan fare. Kanya ban fagayu umkata sik kayu kinkirug yud e sawad ya.

Mateu 25:10

“Ay kaduge kafag lima kamulan, andasug wa mangaro at fainduganan. Ay at mamatanganan fag lima, at mafalganan, nasakbo wan gfadgaloan anya sat bale, laman nangon at fangadadwa fag yafun. Ay e nadingding at sakbawan.

Markus 9:3

Isus at lanbung malaksi ay maksvn nu masulo, nusnga sinu fag taw we mafafalaksi takaksvn nya.

Lukas 2:34

Ay Simyun nafadante dadwa ay nalong sas Maria te, “Nafalganan tuy fag sisian laman ban ngayuk taw umsik afanyuan ay ngayu yangay ban ktaw umsik mafanud. Ay kanya ban sik fakasafulan tagsiginans Dius, ay ngayu ban ktaw glong mauri sabaliwa anya.

Lukas 21:36

Nu katanya, kabavn mafalganani ay mafandarangini laman mababo tuam takadasug ban fag fagidapun, ay laman ban manangalindug tua ban am sas Taw at Baguama at daga salubangan.”

Lukas 3:17

Kanya glayap laman gfasaman at ngay nagutan siginans trigu, ay gfaful ngay bintuy trigu sat fagfungsuan. Dewa katanya, at ngay upa nangirug sas afuy at yud ban karabung kabavn.”

Lukas 3:9

Gfoyung au sa ayu te, katsi yay wase mafawawan wan sa sangay fun kayu at lalid. Ay kafag ngay fun kayu nu dway masine at rawvg, e gfuan wan ay nangukas sasad afuy.”

Lukas 7:23

Mauseganan tua sik taw nu ddi gaduanun sa angku.”

Uan 8:55

Ay wam natoglag anya. Ay au gtoglag ktua anya. Nu glong kway ro te, kwa gtoglag anya, sik takamuag kyangay kata ayu. Ay duan, gtoglag ktua anya ay gfaning ktua at longan.

Ebreu 12:25

Nu katanya, am madiriani tua laman diam kauri gdungugan tagfoyung ayu. Ebi fag ngay taw at yud kaylat gdungugan Muisis at foyungan, wa nasaruy faurianan. Ay kaugat waban itam nu yud tam kalangfe nu dway tam kaylat gdungugan tagsiginans banwa fag foyungan.

At Nafasure 19:8

Ay nafasulun wan sa anya at masine fag lanbung, at masulo ay at mabakbakan.” (At masine fag lanbung at masuad, Dius at ngay taw at ngay fakamulun at masine.)

At Nafasure 2:23

Ay gfabul kban fagayu tagfaning kanya fag mangena, laman ban sas fagayu furuan fag ngay tagafanud, sumaful te, saful kway ngay taw at ngay amatanganan ay at ngay algan. Ay namasud kban sas galay at sadi si ayu kata ay mesa nafakamulun.

At Nafasure 6:17

Aroro andasug wan at nafalganan fag menit at maksvn nu malimu, laman namaurianan ngay taw. Sinu yaban at manansalubang sat daga salubangan?”

At Nafasure 7:14

Ay nabalus au te, “Ku fun, kwa nasaful. O wan at nasaful.” Ay kanya nalong sa angku te, “Kanya fag ngay taw at nainkidapan sat maksvn fag ngay faurianan. Ay kanya fagayu nafafasine ay nafalaksi at ngay lanbung sas Tupa Riangan at taguk.

1 Samwel 6:20

Kafag ngay taw ginto te, “Sinu at masalubang Yawi, at yud e malong fag Dius? Dada ban nu gfalin tam Fagsuadan Nasadian laman wa si ya antam?”