Malakyas 2:9 - Fanawbuid tagsibaliwas Fakayabian

⁹ Nu katanya, nafauri au ay nafapla ayu si sangay taw at daga salubangan aroro wam nafaning ku ngay balyawvtan. Ay nu gfoyung am e fagfili wayam.”

Malakyas 2:9 ပူးပေါင်းရင်းမြစ်များ

1 Fun 22:28

Ay Mikaya nalong te, “Nu nfoli tua ban o manabayan, Yawi wa naringang siginan angku.” Ay nalong yangay sa sangay taw tagsanya te, “Amatangi ku nalong.”

Ub 32:21

Kwe fagnamadiuganun ay kwe fagnamasunun.

Fangatulun 10:7

Kabavn at matuyan fag taw kamatang tua, dewa katanya, at mauri fag taw, duan, wa kamatang.

Fangatulun 12:8

Ngay taw gfauseganan tua sik taw ke fagsafulun, dewa katanya, sik taw at amatanganan nung way kamalingun, mauri way.

Esekyel 13:21

Ay namalyam kyangay ban ay ngay fagmabalyananun fag ngay fantabun alfuyu, ay namalangfe kban ku ngay taw siginan ayu, ay wa ban am mafaidapan ya anya fagayu. Ay sumaful ban am te, au Yawi.

Esekyel 7:26

Ay umdasug ban sa anya fagayu nusnga setaw fag malimu ay at mauri fag ngay barita. Ay kanya ban fag ngay taw nanginto sa sangay taglong, dewa katanya, wa ban mafabalus at ngay fagintoun. Ay namayfoyung yangay ban sa sangay tagfon fanggalangun ay nanget famalun sa sangay tagfangguna, dewa katanya, wa ban e gfoyung ay we mafalu anya fagayu.

Mikas 3:11

Gfadiuganan am sa tagfon ayu famayad gina am gfawabilugan. Anggan ngay tagfon fanggalangun nu gfoyung gbul yangay famayad. Katanya yangay ngay taglong, wa nanginsaful way ro e famayad. Ay gseg am te, Yawi ggubuk ayu, ay gamatangan yangay am te, Yawi gufud tua gugat ayu, nu katanya, we mauri takadasug sa ayu.

Naum 3:6

Maksvn nu kasuya au ayu kata sik taw at natayukan nakaurian, nu katanya, fagayu taw at nalag ayu kasuya ay gsaruyan ayu.

Malakyas 2:3

“Dungugani! Aroro siginan ayu, namaurianan kban ay kasugfunanan. Namatayuk kban sa ay ngay kamatan ay nafon sa angku fag ngay fanggalangun at kek ay nangukas kban ayu sas fagukasan nakaurian.

Malakyas 2:8

Dewa katanya, wam nafaning ku balyawvtan. Ay ngay foyungan nafae asalanan way ngayuk taw. Au, Yawi at Mabalyanan, glong au te, nafauri am ku nasadian sa ay mangaguyang fag ngay taw Lebi.

Lukas 10:29

Ay kafag taw kaylat at iba nu gamatangan sa anya te, sia sik taw matuyan. Nu katanya, kanya nalong sas Isus te, “Sinu ku iba?”

Lukas 11:42

“Ida, am fag ngay taw Fariseu, aroro dewa am gfon at fasafuluk afud sas Dius siginan ay balanuy ay ay banglad ay fagayu ay famaebebanglu ay fakonun, nalyam wayam gfakamulun at matuyan sa ay iba, ay nu kesug am Dius. Nu ddi am nalyam at mafanud fag ngay suguan, dangay kalyam anggan talay fag ngay suguan.

Galasya 2:6

Dewa katanya, ngay tagafanud at ngay tagfangguna we nafamut ya ku foyungan. Baliwan nu sa angku, nusnga sinu fag taw gsud way, aroro Dius we fagfili.

Deuterunumyu 1:17

Lag e fagfili nu gfasine am. Fasudsudani tua nu gdungugan am at maramraman ay at yud e kwa. Lag am kalimu nusnga sinu fag taw aroro fagayu ay longan siginans Dius. Nu maidap way sa ayu kanya fag mamalong, fadasugi sa angku ay au wan tagfasine.”

1 Samwel 2:30

Au Yawi, Israel at Dius, ebi nafatuyanan au te, am mangaguyang way lang ban at ngay kasugfunanan at namakamulun sa angku laman sik ngay tagfon fanggalangun. Ay katsi duan ya, aroro gfauseganan au tagfauseganan angku, ay gfaurianan kway tagfauri angku.