Malakyas 2:7 - Fanawbuid tagsibaliwas Fakayabian

⁷ “At matuyan, am wan fag ngay tagfon fanggalangun tagfoyung sa sangay taw at matuyan sabaliwa angku. Ay kanya nangus fag ngay taw gfainfoyung tua sa ayu aroro am wan ku ngay fagsuguan.

Malakyas 2:7 ပူးပေါင်းရင်းမြစ်များ

2 Fun 16:11

Ay Uryas nawat sik fagirugan kata Akas at nafabuba fag fagaloan ay nafatabu gina Akas gakafoliun siginans Damasku.

2 Fun 16:16

Ay Uryas fag tagfon fanggalangun nafakamulun fun Akas at suguan anya fagayu.

2 Krunika 30:22

Esekyas nafauseganan ngay taw Lebi, aroro kanya fagayu matuyan tua nu gfakamulun laman sas Yawi. Ay kanya fagayu nafataglayun nu maful kaduge fituk menit. Ay naon at afud tagsiginans fanggalangun, ay nafon at fanggalangun laman sas fagmanabayanun, ay kanya fagayu naseg Yawi, at ngay mangaguyang at Dius.

2 Krunika 31:4

Ay kanya nasugu yangay sa sangay tagbanwan sis Erusalem laman kanya fagayu gfon sa sangay tagfon fanggalangun ay sa sangay taw Lebi at afud siginan at ngay fanggalangun, laman kanya fagayu gfakamulun tua fia at ngay fakamulun, kata Yawi at Faugali.

Esra 7:10

Dius nagubuk anya aroro kanya nafalganan tua fia at sadili sabaliwa nu gamatangan ay nu gfafasludan Yawi at foyungan, ay nu gfoyung at ngay faugali ay at ngay suguan sa sangay taw Israel.

Esra 7:25

Ay o Esra, aroro Dius nafon tua emu fagsafulun, nanfili o sik ngay taw laman at nanfangguna ngay taw tagsis sik afud talun tagsibaliwas fakayabian Eufrates. Ay foyungi yangay Dius at suguan sa sangay taw at yud yay nasaful.

Fangatulun 5:2

laman saful tuo gamatangan at matuyan, ay garingang ke fagsafulun.

Takamoyung 5:5

Lag ngap o gfatuyanan, nu dway o gfafasludan.

Isayas 42:19

Am wan ku ngay fagsuguan ay ku ngay nafili. Nasugu au ayu laman ku ngay taglong, ay dewa katanya, we taw kaksvn ayu nu yud gdungug ay nu yud glag.

Isayas 44:26

Ay dewa katanya, namafasludan ktua ku ngay taglong at ngay longan. Gfoyung au te, ‘Gdog yay ban e namanwan sas furuan Erusalem, ay gdog kyay ban namawat tibak furuan sis talun Uda at kinrasras wan.’

Eremyas 15:19

Nu katanya, Yawi nalong sa angku te, “Nu gubun tuo am asalanan, namafoli au emu sa ku day tigyangan laman namataglayun o namakamulun sa angku. Nu matuyan tua ban fia fagayu am longan, ay nu gsaruy tua ban o fagayu at mauri, namadog kban nanfili emu laman ku taglong. At matuyan, kanya way ban fagayu at nangakbang sa emu.

Eremyas 18:18

Sanya ginan, ngay taw glong sat ngay kaiban te, “Gewan, gbalyawvtan watam laman namaragang tam Eremyas! E ngay tagfon fanggalangun yangay si antam, tagfoyung sa antam ngay suguan, ay e mamatanganan yangay fag ngay taw si antam, ay e ngay taglong yangay tam tagfoyung Yawi at longan. Nu katanya, kawat tam sik ngay mamalong laman sas Eremyas ay lag tam gdungugan ya at ngay longan.”

Eremyas 2:8

Ay anggan ngay tagfon fanggalangun wa grvbvy ya angku. Ay ngay tagfoyung ku suguan wa yangay gtoglag ya angku. Ngay tagfangguna gfauri angku. Ay ngay taglong at foyungan sa way baliwas Baal at ngayan ay gseg at yud matuyan fag ngay fagsegan.

Esekyel 22:26

Kafag ngay taw at ngay tagfon fanggalangun wa gfaning ku ngay suguan, ay nafauri fagayu ku nafatuyan te, we malong. Ay nu sa anya fagayu, we fagsamanun at yud e malong ay at ke malong ay wa yangay e fagsamanun at masine ay at mauri, ay wa gfaning ku ngay suguan gina Famiangalay fag Menit. Ay wa gsuyu ya angku.

Esekyel 7:26

Ay umdasug ban sa anya fagayu nusnga setaw fag malimu ay at mauri fag ngay barita. Ay kanya ban fag ngay taw nanginto sa sangay taglong, dewa katanya, wa ban mafabalus at ngay fagintoun. Ay namayfoyung yangay ban sa sangay tagfon fanggalangun ay nanget famalun sa sangay tagfangguna, dewa katanya, wa ban e gfoyung ay we mafalu anya fagayu.

Daniel 11:33

“Ngay taw tagsaful at matuyan gfoyung sa sangay taw, dewa katanya, kaduge sik buknga sirut, tiba ban si anya kabul siginans fiso tagsumbalian at uyup, ay tiba kairug, ay tiba gatabanan ay e gbul at ngay ramraman.

Usea 4:6

Ay gfaurianan kyangay ban ku ngay taw, aroro we fagsafulun sabaliwa angku. Aroro am oma fag ngay tagfon fanggalangun wam naylat fagsafulun, nu katanya, gfaurianan kyangay ban ayu. Ay wam yangay nafaning ku ngay suguan, nu katanya, gfaurianan kyangay ban ay ngay sisian.

Lebitiku 10:11

Foyungi fia sa sangay taw Israel sabaliwa ku ngay suguan ku nafon sas Muisis.”

Sefanias 3:4

Ay at ngay taglong nu gfakamulun gfangabanganan, ay bunwa sik fagfatigwanan. At ngay tagfon fanggalangun wa gfae masuad Dius at bale, ay wa gfaning Yawi at ngay suguan.

Agay 1:13

Agay, Yawi at taglong, nalong sa sangay taw Israel te, “Yawi ban gufud tua gugat ayu.”

Malakyas 3:1

Dungugani, Yawi at Mabalyanan glong te, “Namadasug kban ku fagsuguan laman namalganan ku dalan. Sanya ginan, ay fagfanyaun fag Fun umdasug wan sat bale. Kadasug ban ku fagsuguan at namafasludan ku nasadian.”

Tap 27:21

Ay kanya sumaful ku algan siginans Elyasar gina gagbilug Urim laman ginsaful sa ku daga salubangan. Siginan Elyasar at longan Uswe ay ngay taw Israel namawayan ay guli tua.”

Uan 13:20

Matuyan nu glong au ayu te, nusnga sinu takaylat ku nasugu, kaylat yangay angku. Ay nusnga sinu takaylat angku, kaylat yangay at nasugu angku.”

Uan 20:21

Ay Isus nadog yay nalong te, “Si wa ayu fagmanabayanun. Gsugu au ayu kata ku Mama nu nasugu angku.”

Fakamulun 16:17

Ay kafag baguina gguyan emi ay guro te, “Tuy fag ngay taw Tiba Tungud fag Dius at fagsuguan, ay gfoyung sa ayu nu setain ban nu kalangfe am.”

2 Kurintu. 5:20

Fakatanyaun ami wan tam Fun Isus at ngay fagsuguan, ay Dius wan tagaringang sa ayu siginan emi. Aroro sa tam Fun Isus glong ami ayu te, asadii wan sas Dius.

Galasya 4:14

Dewa ku fakasaitun sik famaskud sa ayu, diam nafalingun angku ay diam nafauri. Nu bunway nafasakbo tuam angku kata nu gfasakbo am Dius at tagbarita, ay kata nu gfasakbo am tam Fun Isus.

Deuterunumyu 21:5

Anggan ngay tagfon fanggalangun tagsiginans Lebi at kasugfunanan masine nu sanya yangay, aroro ay Dius Yawi nafili anya fagayu laman sik ngay tagfakamulun ay tagfadante sas Yawi at ngayan, ay tagfasine fagayu ay mamalong.

Deuterunumyu 24:8

Nu saman baliwas bangbang, faningi fia ngay taw Lebi at ngay suguan at fafakamulun sa ayu. Faningi fia ku ngay suguan ku nalong sa anya fagayu.

1 Tesalunika 4:8

Ay nusnga sinu at yud gfaning takatanya fag ngay suguan bunwa sas taw nu kamabo, nu bunway sa tuas Dius, at nafon antam at Masine fag Falad.

1 Samwel 2:17

Eli at ngay baguama at fakamulun maksvn nu mauri sis Yawi at daga salubangan, aroro wa gfae masuad ngay fanggalangun.