Malakyas 1:7 - Fanawbuid tagsibaliwas Fakayabian

⁷ “Nafauri am angku siginan nu girug am at masuya fag ngay fanggalangun sas fagirugan. “Ay ginto yayam te, ‘Tain em fanggalangun nu kasik masuya?’ “Ay ngay fanggalangun masuya aroro nalong am te, ‘We masuad ya fagirugan fanggalangun.’

Malakyas 1:7 ပူးပေါင်းရင်းမြစ်များ

Malakyas 1:12

Dewa katanya, gfauri am ku ngayan siginan nu glong am te, fagirugan masuya wan, ay anggan tagsanya fag ngay fanggalangun.

1 Kurintu 10:21

Wam mafafagdua nu ginum am sa tam Fun at faginuman ay sat mauri fag ngay falad at faginuman. Ay wam mafafagdua nu gfangon am sa tam Fun at fagfangonan ay sat mauri fag falad at fagfangonan.

Malakyas 1:8

“Ay fanggalangun sa angku ngay fagbaugun way at yud glag, ay tagalbi ay at ke fakasaitun. Takatanya fagayu masuya way! Ay agvd, namon am takatanya fag ngay fanggalangun sa ay fun, o guseganan ro?”

Esekyel 41:22

E sik fagirugan at fangawat balse. At kabatan limak darafa gsugfunan ay at kadaulan sas ufatk tigyangan mesa tuluk darafa gsugfunan. At ngay fugungan, ay at salug ay at ngay tigyangan, at fangawat balse. Ay kafag taw nalong sa angku te, “Tuy tagsis Yawi at daga salubangan fag fagfatungkudan.”

Deuterunumyu 15:21

Dewa katanya, kanya fag ngay fagbaugun nu e malong way kata tagalbi ay wa glag, ay tiba yak malong, lag am gfon laman ay fanggalangun sa ay Dius Yawi.

Lebitiku 21:6

Fatigwanani wan ay sadili sa angku ay Dius, ay lag gfae fakaplaun ku ngayan. Fakamuluni ban gugat takatanya aroro am wan tagirug ngay fanggalangun laman ku fakonun.

Lebitiku 2:11

“Lag gfasuglat famabia tinapay sa sangay fanggalangun laman sas Yawi, aroro wam masine girug famabia tinapay ay deut laman ay fanggalangun sas Yawi.

Lebitiku 3:11

Kafag ngay afud fanggalangun, at fagnangirugun laman sik ngay fagirugun fag fanggalangun sas Yawi.

Lebitiku 21:8

Masine ay kaiban fag ngay taw Israel nu gtuyan te, diam e malong, aroro am wan tagirug ngay fanggalangun laman sa angku. Ay kaiban fag ngay taw Israel masine nu gtuyan te, diam e malong, aroro au Yawi kdi e malong, ay nafayud kyangay e malong ayu.

Esekyel 44:16

Kanya way lang fagayu at mananakbo sa ku bale ay at manangakbang sa ku fagirugan laman gfakamulun sa angku, ay at masine gfangguna gina gseg si ku bale.

Malakyas 1:13

Ay glong yangay am te, ‘Kalufuy wami gfon fanggalangun.’ Ay fagayu am gfauri am ku fagirugan. Ay fanggalangun fag ngay fagbaugun ay nafangkamul way, ay tagalbi ay at ke fakasaitun. O nu glong ro am kaylat au takatanya?