Malakyas 1:4 - Fanawbuid tagsibaliwas Fakayabian

⁴ “Ay ngay taw Edum ban lumong te, ‘Em furuan ban dewa anrasras, gfadog yay ban mi kawat.’ ” Nu katanya, Yawi at Mabalyanan glong te, “Kanya ban fagayu dewa nafadog nawat at furuan, grasras kyay ban fia. Ay kanya ban fagayu kangayan te, ‘At mauri fag talun at ngay taw,’ ay ‘Yawi at fakadotamaun fag ngay taw.’

Malakyas 1:4 ပူးပေါင်းရင်းမြစ်များ

Ub 12:14

Dius at narasras, we mafasine ya, ay nu naubung, we mafalfas ya.

Ub 34:29

Dewa katanya, Dius dewa maragangan ay gsuksuan ginanya fag buknga, we taw malong te, kanya nasalan. At matuyan, Dius gulit tua gugat fagayu taw,

Ub 9:4

Dius e fagsafulun ay e fagmabalyananun. Sinu yaro at mafawayan ay siwa anya fagmababoun?

Alubad. 127:1

Yawi yaman nagubuk takawat bale, kanya ro fag ngay taw wa nakatu kawat. Ay kanya yaman gdiri furuan daul, wa ro e masuad at ngay tagulit.

Alubad. 137:7

Yawi, amatangi ngay taw Edum at ngay nalong gina talun Babilunya at ngay tagfawayan giklas Erusalem. Kanya fagayu nalong te, “Iklasi wan ay rufai kafag furuan!”

Alubad. 33:10

Yawi gsalag at yud gtoglag anya fag ngay talun at taw at ngay algan; wa kaylat kafag ngay taw at ngay algan nu kataglayun.

Fangatulun 21:30

We mafasud Yawi at fagsafulun ay at fagmamatanganun.

Isayas 10:4

Wa ban am e balyawvtan ya sangay at nantudan magamut ngay natabanan ay mannga nantaygilidan magamut at ngay kinbul. Dewa katanya, Yawi at dotama ya nalyam, ay mafalganan yay namaurianan anya fagayu.

Isayas 11:14

Ay kanya ban fag ngay taw masadi nu namawayan ngay taw Filistia sas fakayabian, ay anggan ngay taw tagsas fakamenitan, nangago at ngay ramraman sanya ginan fag ngay talun. Ay kanya ban nangagbilug ngay taw Edum ay Muab, ay namagtainan ngay taw Amun.

Isayas 34:10

ay kanya ban wa karabung ya kayu menit ay kayu yabi, ay anus kabat sas kiwang kabavn ban. Wa ban e gbanwan sanya ay wa ban e taw dumalan sanya kabavn.

Isayas 34:5

Yawi nu ntabu gagbilug at fiso sis banwa, kanya nangagbilug yangay at fiso sas Edum laman namamin.

Eremyas 31:17

Nu katanya, e fagsegun yay ban o, aroro am ngay baguama ban kafoli yay sat fagbanwanan.”

Eremyas 49:20

Nu katanya, dungugani, katatuy ku algan ku fagnamakamulunun sas Edum ay sa sangay taw Teman: Gtaban kban at ngay sisian ay nanrasras kban at ngay fagbanwanan.

Eremyas 49:7

Katatuy Yawi at Mabalyanan at longan sabaliwas Edum: “Dada wan at ke fagsafulun sis Teman? O we tagsaful ya gfalu longan?

Eremyas 49:8

“Am, fag ngay taw Dedan, lagyui ay nanuksuan am sa sangay luib. Aroro gfadasug kban faurianan sas Isaw at kasugfunanan gina kban gfaurianan anya fagayu.

Eremyas 5:17

Kanya ban fag gaban taw namamin ay ngay gutluan, ay ay ngay fakonun, ay namabul ay ngay sisian, ay ay ngay fagbaugun, ay namamin ay ngay tanum wat ubas ay anggan ay tanum igus. Ay nangiklas ban ay fagnansarigan fag ngay furuan ke alad.

Takabalu 3:37

Fun Dius nu dway kaylat, we kafasludan nusnge wain.

Esekyel 11:10

Umbul ban am sas awayan ay namaurianan kban ayu sitsigon Israel at fatuan talun, nu katanya, sumaful ban am te, au Yawi.

Esekyel 25:13

Nu katanya, au, Fun Dius Yawi, glong au te, namaurianan kban Edum; namabul kban kanya fag ngay taw gasfuan at ngay fagbaugun. Namasik mabaluanan kban siginans furuan Teman sitsigons Dedan, ay fagayu ban tagbanwan sanya nangabul sas awayan.

Esekyel 25:14

Namasud kban sa sangay taw Edum siginan nu gagbilug au ku ngay taw Israel. Ay kanya ban fagayu namaurianan Edum kaksvn nu kadotama au sanya fag ngay taw. Ay ngay taw Edum ban sumaful nu setain nu namasud au anya fagayu. Au, Fun Dius Yawi, taglong tuy.”

Esekyel 26:14

Ay fagbanwanan ban namasik dalifi kwan sik fagtimrangan ngay fanggamat albon ay wa ban gdog ya e manangawat. Umfasludan ban takatanya aroro au, Fun Dius Yawi, taglong tuy.”

Esekyel 35:4

Ay ngay furuan ban ayu daul karasras ay umsik mabaluanan yangay. Ginanya ban sumaful am te, au Yawi.

Esekyel 35:9

Namasik mabaluanan kban ay talun kabavn, ay wa ban e gbanwan ya si ay ngay furuan. Ay ginanya ban sumaful am te, au Yawi.

Amus 1:11

Katatuy Yawi at longan sabaliwas Edum: “Ngay taw Edum gfataglayun way gugat nu gasalanan, nu katanya, namaurianan kban anya fagayu. Kanya fagayu kadotama way gugat at ngay kalongan fag ngay taw Israel, ay gfafalo laman namabul yud e afanyu.

Amus 3:15

Ay nangiklas kban at ngay bale fulug ay at ngay bale fanmangune ay anggan tagbia ay at masine fag ngay bale. Nu katanya, ngayu bank bale takaiklas. Au, Yawi, taglong tuy.”

Amus 5:11

Gfalingun am ngay taw at yud e kwa ay gbul am at ngay gutluan. Nu katanya, wa ban am manamanwan say nawat fag bale daul, ay wa ban am mainum fanlangu siginan ay ngay tanum wat ubas.

Amus 6:11

At matuyan, nu Yawi wan at nasugu, tagbia ay talay fag ngay bale, umkiklas.

Amus 6:2

Damai furuan Kalne, ay Kamat fag furuan daul, ay furuan Gat tagsis talun Filistia. O nunda kanya amabalyanan yap tua talun Uda ay talun Israel at fagfagtainanan? O ay at talun gtungud yay ay talun?

Ubadyas 1:1

Katatuy Yawi at longan takafasludan ban sas talun Edum, at nalong sas Ubadyas. Ami fag ngay taw Israel, nadungug ami siginans Yawi sik longan te, “E nasugu sik tagfosuk longan sa sangay talun laman nanlong te, ‘Wainyayam, namawayan watam talun Edum.’ ”

Ubadyas 1:10

Aroro nafauri am ay kaiban Akub at kasugfunanan, gafaplan ban am gugat, ay kabavn ban gfauri au ayu.

Malakyas 1:3

ay kwa nesug Isaw. Ay narasras kwan Isaw at fagagbilugun fag ngay buksul, ay tagbanwan sanya, ngay mela way lang.

Mateu 12:30

“Ay nusnga sinu at yud gfadiuganan angku, kanya ku fawayan way. Ay nusnga sinu at yud ggubuk angku gfaful ngay taw, gfasaruayan way.