Malakyas 1:2 - Fanawbuid tagsibaliwas Fakayabian

² Yawi nalong te, “Kesug au ayu. Nu katanya, wain ay fagintoun yay te, ‘Tain nu kesug o emi?’ O nunda wam nasaful te, Isaw ay Akub dewa duksay, ku fakesugun Akub tua,

Malakyas 1:2 ပူးပေါင်းရင်းမြစ်များ

Fakasigadan 25:23

Ay Yawi nalong sa anya te, “Tagsi am ungdan fag duak sisian, kanya ban duak talun at taw, ay kanya ban fag duak gaban gawayan. Ay at sadi ban amabalyanan yap tua. Ay at kaka ban gafagsuguanan way sat arian.”

Fakasigadan 25:25

At kinsalug taguna gradraskaun ay gasigyuun ay nafangayan te, Isaw.

Fakasigadan 25:26

Ay at fadua kinsalug gted at faduksay at sungkulan, ay nafangayan te, Akub. Isak at banwa unumk safulu gina Rebeka gfasalug at ngenge fagdua.

Fakasigadan 27:33

Isak nu nadungug, nafatadtaruyan glong te, “Sinu way manga aro at nagamat ay at nabuba sa angku fakonun? Nafangon kwan aro gina o gakadasugun. Ay nafadante kwan anya ay kwa mabul ya.”

Fakasigadan 48:4

Ay kanya nalong sa angku te, ‘Gfon kban sa emu ngayuk kasugfunanan ay o ban kafag ngay taw at mama, ay gfagbilug kban talun Kanaan sam ngay kasugfunanan kabavn.’ ”

1 Fun 10:9

Segi Yawi am Dius aroro nafili emu laman sik fun sis Israel. Aroro Yawi kesug ngay taw Israel kabavn, kanya nafasik fun emu, laman namakamulun tuo at masine ay at matuyan.”

2 Fun 3:8

Eusafat nainto te, “Dada ro ta dalan nu namawayan ta anya?” Uram nabalus te, “Sa sik afud talun Edum at yud e taw.”

Isayas 43:4

Ay namon au tibak talun at ngay taw laman fangungbus emu, laman famaungbus am leleg, aroro o wan at mafanud ay at masine sa angku, ay kesug au emu.

Isayas 63:1

Sinu kanya takadasug siginans furuan Busra tagsis talun Edum, ay at ke lanbung masine at nadagatun maraska? Kanya kadasug e fagmabalyananun. Yawi wan takadasug, kanya e fagmabalyananun gfalangfe, ay nafoyung te, at ngay taw ban gbabo.

Eremyas 2:31

Katsi am fag kasugfunanan, dungugani ku longan. O nu glong am kata kway sik tagagangun fag daga, ay sik talun at madulum? Wain ay fagnalongun te, ‘Gfaning wami em fakaylatun ay wami kaylat ya nangakbang sas Yawi.’

Eremyas 2:5

Katatuy at longan: “Nataw fag asalanan ay ngay mangaguyang at nalag si angku, at fagnatalyuyanun angku? Kanya fagayu naseg at yud e masuad fag ngay fagsegan, nu katanya, kanya fagayu ansik yud yangay e masuad.

Eremyas 31:3

Ebi Yawi ansure sa sangay taw Israel ay nalong te, “Nesug au ayu at yud e fakatabuan. Siginan ku fagmagalangun, nafakbang au ayu sa angku.

Amus 1:11

Katatuy Yawi at longan sabaliwas Edum: “Ngay taw Edum gfataglayun way gugat nu gasalanan, nu katanya, namaurianan kban anya fagayu. Kanya fagayu kadotama way gugat at ngay kalongan fag ngay taw Israel, ay gfafalo laman namabul yud e afanyu.

Malakyas 2:17

Malakyas nalong yangay sa sangay taw Israel te, “Nafauri am Yawi siginan ay ngay nalong. “Dewa katanya, ginto am te, ‘Nataw nunda em ngay nalong at mauri ay at yud matuyan sa anya?’ “Nalong am te, ‘Tagfakamulun at mauri, masine way sis Dius at daga salubangan. Nu katanya, dada wan Dius at matuyan nu gfawabilugan?’ ”

Lukas 10:29

Ay kafag taw kaylat at iba nu gamatangan sa anya te, sia sik taw matuyan. Nu katanya, kanya nalong sas Isus te, “Sinu ku iba?”

Uan 15:12

Katatuy ku suguan ayu, edkesugani tua kata nu kesug au ayu.

Deuterunumyu 10:15

Dewa katanya, Yawi nafili ay ngay mangaguyang laman kesug ay nafili ayu at kasugfunanan sas fagayu talun, ay dasug katsi am yay gugat at nafili laman at ngay taw.

Deuterunumyu 23:5

Dewa katanya, ay Dius Yawi wa nadungugan Balaam, abat ngate kanya nafabali Balaam at darangin mauri sa ayu sat masine baliwa, aroro ay Dius Yawi kesug tua ayu.

Deuterunumyu 33:3

Anud, Yawi kesug at ngay taw. Kanya galaga at nafili fag ngay taw. Nu katanya, kanya fagayu gfaning ay gfafasludan at ngay suguan.

Deuterunumyu 4:37

Ay aroro kanya kesug tua ay ngay mangaguyang, kanya nafili ay naufud ayu, ay siginan at fagmabalyananun kanya nafaduksun ayu siginans talun Igiptu.