Lukas 9:51 - Fanawbuid tagsibaliwas Fakayabian

⁵¹ Nu munakbang wan fag menit Isus nu kafoli sas banwa, anke algan glao sas Erusalem.

Lukas 9:51 ပူးပေါင်းရင်းမြစ်များ

2 Fun 2:11

Kaduge duama glao gfansulitan, sik ngay kabayu tagigang at ke faguyudan tagigang yangay masakit andasug. Ay kanya nadalan sas duama at wabilug ay nafasaruayan duama, ay nabuba Elyas sas banwa siginan sik tagribungan fag tagmara.

Markus 16:19

Ay tam Fun Isus nu nalong wan sat ngay tagadal takatanya, e nafabat anya sas banwa ay kanya nananmalunggung sas Dius at siun baliwa.

Lukas 12:50

Ay gina ban nangafasludan takatanya, nandalan kyay ngayuk fagidapun.

Lukas 13:22

Isus nataglayun sat dalan sas Erusalem ay nadalan sa sangay furuan ayu daul ay sa sangay furuan ayu sirut, ay kamoyung sa sangay taw tagbanwan sanya.

Lukas 17:11

Gina Isus glao sas Erusalem, at dalan sas wabilug talun Samarya ay Galilea.

Lukas 18:31

Isus nataban at nasugu fag labi dua, ay nalong sa anya fagayu te, “Amatangani, katsi sa watams Erusalem, ay umfasludan ban Dius at taglong fagayu at rirukan sabaliwa angku, Taw at Baguama.

Lukas 19:11

Gina ngay taw nadungug at longan, Isus nafoyung yangay sik faydayuanan, aroro ginanya kanya munakbang sis Erusalem ay ngay taw gamatang te, munakbang wan Dius nu gfagtainan taw.

Lukas 19:28

Isus nu nafoyung wan takatanya, kanya naguna wan kafag ngay taw sas Erusalem.

Lukas 24:51

Ay gina Isus gfadante sa anya fagayu, kanya naubun ay e naurug anya sas banwa.

Lukas 9:57

Kaduge Isus glao si sangaba dalan, sik taw glong anya te, “Nangalo kwa emu nusnga nday nu glo wo.”

Uan 13:1

Nu munakbang wan taw Udyu at fagmafulun sabaliwa Tagbarita nu Glangfe, Isus saful wa te, andasug wan at buknga nu gubun ste swa daga laman kafoli wan sat Mama. Kanya maksvn nu kesug at ngay tagadal, ay gfalag sa anya te, kafanud nya nu kesug.

Uan 16:28

Siginan au ku Mama ay andasug au ste swa daga, ay katsi glo kwan ste ginan ay kafoli kwan sa ku Mama.”

Uan 16:5

“Ay katsi kafoli kwan sat nasugu angku. Ay nusdi si ayu at sadi we ginto sa angku te, ‘Dada ban o?’

Uan 17:11

Wa ban glugo ya nu ste au swa daga, kafoli kwa sa emu, ay dewa katanya am nafon fag ngay taw ste yay swa daga. Mama, matuyan o. Dirii kanya fag ngay taw siginan am ngayan at fagmabalyananun, laman siginan kafag ngayan am nafon sa angku, kanya ban fagayu masadi tua kata nu masadi ta.

Uan 6:62

Nu katanya, tain ban ay amatanganan nu nalag am angku, Taw at Baguama, nu kafoli kwan sa ku fagbanwanan?

Fakamulun 1:2

anggan nu e gfabat anya sas banwa. Ay siginan at Masine fag Falad at fagmabalyananun, kanya nafon sat ngay nasugu ngay suguan.

Fakamulun 1:9

Ay Isus nu ntabu gfoyung takatanya, e nafabat anya sas banwa gina at ngay nasugu gdama. Ay sik linyabu nafarum anya.

Efesu 1:20

Kanya yangay Dius at fagmabalyananun gina nafadog nafaleleg tam Fun Isus siginan at fagmabulanan ay nafalunggung anya sit siun baliwa sis banwa.

Filipus 3:14

Gfataglayun au sitsigons fakatabuan laman namul au at famonun fag leleg at yud e fakatabuan, magamut si tam Fun Isus, siginan Dius at nauroan angku.

1 Timuteu 3:16

Mayamag te, e nafasure at madulo sabaliwa tam fagafanudun: Kanya nsure, ay ansik taw fia. At Masine fag Falad nafatuyan sabaliwa anya, ay ngay tagbarita nalag anya. Sas fagayu talun e nafamoyung wan sabaliwa anya, ay ngayu tagafanud sa anya sas fagdaul daga, ay Dius nafabat anya sat fagmasineun.

Ebreu 12:2

Kabavn tam mata fasai tuas Isus. Aroro kanya wan at nafasigad tam fagafanudun ay kanya yangay tagfaksvn. Aroro tagfanya anya fagusegananun tua, kanya nagwantan nangabul sas fasulungan kayu, ay wa namatangan fakaplaun. Ay sanya ginan kanya malunggung sis Dius at fagmalunggungan at siun.

Ebreu 6:20

Isus naguna antam nasakbo sanya. Kanya ban sik tiba tungud fag tagfon fanggalangun kabavn kata Melkisedek.

1 Pedru 3:22

Tam Fun Isus siwas banwa ay malunggung sis Dius at siun, ay gfunan at ngay tagbarita ay at ke ngay fagmabalyananun sis banwa.