Lukas 9:48 - Fanawbuid tagsibaliwas Fakayabian

⁴⁸ Ay Isus glong sat ngay tagadal te, “Nusnga sinu tua takaylat tuy fag sisian sirut aroro kesug angku, kaylat yangay angku, ay nusnga sinu takaylat angku, kaylat anggan at nasugu angku, aroro nusnga sinu si ayu tiba daga katsi, kanya tua ban tiba tungud.”

Lukas 9:48 ပူးပေါင်းရင်းမြစ်များ

Fangatulun 18:12

Takamatungudun fag taw gfauri way at sadili, dewa katanya, takamababaun gfae fagusegananun at sadili.

Mateu 18:10

“Amatangani laman diam kauri dewa tuy way fag ngay sisian sirut, aroro glong au ayu te, tuy fag ngay sisian e tagbarita tua taglag ku Mama sis banwa at mata.

Mateu 18:14

Katanya yangay, ay Mama sas banwa wa kaylat nu e kalyam nusdi sadi tuy fag ngay sisian sirut.

Mateu 19:28

Ay Isus nabalus anya te, “Matuyan nu glong au ayu te, Dius ban gfabagu nusnge wain, ay au, Taw at Baguama, gmalunggung au sa ku fagmalunggungan ke fagmasineun, laman namagtainan. Ginanya ban, am tagalo angku, malunggung yangay ban am sas labi duak faglunggungan kata sik ngay fun. Ay nanginsaful ban am at masine ay at mauri sas labi duak kasugfunanan Israel.

Mateu 25:40

“Ay au, at Fun, gbalus kban anya fagayu te, ‘Matuyan nu glong au ayu te, ay nafakamulun sat sadi ku faduksay at tiba daga, sa angku nu gfakamulun am.’

Mateu 25:45

“Ay au, at Fun, gbalus au anya fagayu te, ‘Matuyan nu glong au ayu te, ay yud nafakamulun sat sadi ku faduksay at tiba daga, sa angku nu yud am gfakamulun.’

Markus 9:37

“Nusnga sinu tua takaylat sik sisian sirut takata tuy fag sisian, aroro kesug angku, kaylat yangay angku, ay nusnga sinu takaylat angku, bundi lang angku at fakaylatun, nu bunway anggan tua at nasugu angku.”

Lukas 10:16

“Nusnga sinu tagdungugan ayu, gdungugan yangay angku. Ay nusnga sinu takauri gdungugan ayu, kauri yangay gdungugan angku. Ay nusnga sinu takauri angku, kauri way anggan at nasugu angku.”

Lukas 14:11

Aroro sik taw nu kamatungudun way, abandi ban e gfababa anya, ay nu kamababaun tua, abandi ban e gfabat anya.”

Lukas 22:26

Ay diam nangus katanya. At masine at tagtungud fag taw katai yakman sik sisian, ay at tagfunan katai sik fagsuguan.

Lukas 22:30

Gfasfuan ban am angku gfangon ay ginum si ku fagfagtainanan fag fagfangonan. Ay malunggung ban am sas fanfun fag ngay faglunggungan laman ban namagtainan am Israel at ngay kasugfunanan fag labi dua.

Lukas 7:28

Glong au ayu te, ya batang e nsalug tagtungud tua Uan. Ay dewa katanya, nusnga sinu tiba daga sis Dius at fagfagtainanan, kanya gtungud tua Uan.”

Uan 13:20

Matuyan nu glong au ayu te, nusnga sinu takaylat ku nasugu, kaylat yangay angku. Ay nusnga sinu takaylat angku, kaylat yangay at nasugu angku.”

Uan 14:21

Nusnga sinu tagfaning ku ngay suguan, kanya kesug angku. Takesug angku, ku Mama kesug yangay anya. Kesug kyangay kafag taw ay namasure au ku sadili sa anya.”

1 Tesalunika 4:8

Ay nusnga sinu at yud gfaning takatanya fag ngay suguan bunwa sas taw nu kamabo, nu bunway sa tuas Dius, at nafon antam at Masine fag Falad.

1 Pedru 5:6

Nu katanya, famababauni tua sas Dius at daga fagmabalyananun, ay kanya ban gfabat ayu nu ndasug sit filian fag menit.

At Nafasure 21:14

Ay kafag furuan at alad e labi duak fagtungkudan gang, ay sanya fag ngay gang marirukan Tupa Riangan at labi duak nasugu at ngay ngayan.

At Nafasure 3:21

Ay nusnga sinu ban at nababo gfalunggung au sa sik faglunggungan tagsi ku day faglunggungan, ay kanya ban kata angku at nababo ay at malunggung si ku Mama at day faglunggungan.