Lukas 9:41 - Fanawbuid tagsibaliwas Fakayabian

⁴¹ Ay Isus nabalus te, “Sik ngay taw wayam at yud gafanud ay at yud mamatanganan. Seduge ya ban nu gbanwan au si ayu ay nu gagwantan au galo ayu? Agvd, kin, tabani stie am baguama.”

Lukas 9:41 ပူးပေါင်းရင်းမြစ်များ

2 Fun 5:8

Dius at fagsuguan Elisyu nu nasaful at kindasug, kanya nafadasug sik rirukan sas fun te, “Wain am fagnagiratun am lanbung? Fastei kafag taw laman kanya sumaful te, e taglong sis Israel.”

Alubad. 78:8

nu katanya, kanya ban fagayu di kata at ngay mangaguyang at nafamabo, ay at nafamaogatun, ay at yud e fagafanudun ay at yud matuyan sas Dius.

Nu Galin 10:3

Ay Muisis ay Arun nasas Igiptu at fun ay nalong anya te, “Katatuy Yawi at longan, ngay taw Ebreu at Dius: Seduge yaban nu yud o kamababaun sa angku? Falaoi wan ku ngay taw laman kanya mananseg angku.

Nu Galin 16:28

Ay Yawi nalong sas Muisis te, “Seduge yaban kanya fag ngay taw nu kamabo ku ngay suguan ay ku ngay foyungan?

Eremyas 4:14

“Ngay taw Erusalem, talyuyani wan ay asalanan laman umlangfe tuam. Seduge ya ban nu gamatangan am sat mauri?

Tap 14:11

Yawi nalong sas Muisis te, “Ginain yaban tuy fag ngay taw nu gfalingun angku? Ginain yaban kanya fagayu nu yud gafanud sa angku dewa au nafakamulun at ngay madulo sa anya fagayu?

Tap 14:27

“Ginain yaban tuy fag ngay taw mauri nu gfayud angku? Nadungug kwan fagayu taw Israel at ngay famayud.

Mateu 11:28

“Nusnga sinu am takalufuy ay at ke famubaun mabyat, akbangi sa angku, ay gfafiangalay au ayu.

Mateu 12:39

Ay Isus nabalus anya te, “Ay fagyalagunun sik ke fakatoglagan way fag fakamulun aroro mauri wayam fag ngay taw ay at yud matuyan sas Dius. Ay wa ban e gfalag ya sa ayu takatanya sas day at kinfasludan sas Dius at taglong Unas.

Mateu 12:45

Ay kafag mauri fag falad gdog yay nalao ay nataban yay fitu yak mauri fag falad tagtungud yay anya nu mauri. Ay kanya fagayu namanwan sanya fag taw, ay kafag taw nu mauri aksvn yap ebi ataw. Katanya yangay ban takafasludan anggan sa ayu fag ngay taw mauri.”

Mateu 16:4

Ay fagyalagunun sik mabalyanan fag fakamulun aroro mauri wayam fag ngay taw ay at yud matuyan sas Dius. Ay wa ban e gfalag ya sa ayu takatanya sas day at kinfasludan sas Dius at taglong Unas.” Ay Isus naubun kafag ngay taw ay nalo wan.

Mateu 17:17

Ay Isus nabalus te, “Sik ngay taw wayam at yud gafanud ay at yud mamatanganan. Seduge ya ban nu gbanwan au si ayu ay nu gagwantan au galo ayu? Agvd, kin, tabani stie.”

Mateu 23:36

Ay matuyan nu glong au ayu te, umfasludan ban takatanya sa ayu fagayu.

Mateu 3:7

Ay Uan nu nalag te, ngayuk taw Fariseu ay taw Saduseu takadasug laman namasurung, kanya nalong anya fagayu te, “Am, kata way am tagfandaya fag ngay ule at maganga! Sinu at nafararang ayu te, lagyui siginan takadasug ban fag faurianan?

Markus 10:14

Ay Isus nu nasaful, nagras at ngay tagadal te, “Fabayani wan kafag ngay sisian nu kakbang sa angku. Lag am gsalag, aroro takata kanya fag ngay sisian katap ban sas Dius at fagfagtainanan.

Markus 10:49

Ay Isus anragang ay nalong te, “Tabanani anya stie.” Ay tibak taw nalong sa kafag taw at yud glag te, “Lag gafanawa, malindugi, Isus nalong te, tabanani emu sa anya.”

Markus 9:19

Ay Isus nabalus te, “Sik ngay taw wayam at yud gafanud. Seduge ya ban nu gbanwan au si ayu ay nu gagwantan au galo ayu? Agvd, kin, tabani stie.”

Lukas 8:25

Isus nalong sat ngay tagadal te, “Wain ay fagyudun e fagafanudun?” Ay at ngay tagadal kalimu, ay gamatangan daul, ay glodlongan te, “Sinu tuy fag taw? Newa, dewa tagmara ay mamam gfaning tua anya.”

Lukas 9:40

Ay naet koma sam ngay tagadal laman gaiyan at mauri fag falad, ay wa mafaiyan.”

Lukas 9:42

Ay gina at baguama kadasug, mauri fag falad nafatong anya sas daga ay maksvn nu gfafatfat anya. Ay Isus gagras kafag mauri fag falad ay nafafia kafag baguama ay nafafoli anya sat mama.

Uan 14:9

Isus gbalus te, “Felipe, ngaduge wan nu galo au ayu. O nunda yo natoglag angku? At nalag angku nalag yangay ku Mama. Wain yay am fagnalongun te, ‘Falagi emi am Mama’?

Uan 20:27

Ay sanya ginan Isus nalong sas Tumas te, “Damai ku ngay daluap ay tedi, ay apkapi sa ku tigyangan. Lag o gawabilugan ya, afanudi wan.”

Fakamulun 13:18

Ay kaduge ufatk safuluk banwa, Dius nagwanta nalaga anya fagayu sis talun at yud e taw.

Fakamulun 2:40

Ngayu yay Pedru at foyungan laman gfatuyan at ngay longan, ay kanya get sa anya fagayu te, “Falangfei ay sadili ste ginan fag ngay taw mauri.”

Ruma 2:4

O gfae yud o e tungkul sa emu Dius at fagmalukmeun ay at fakesugun ay at fagmagwantaun? O nunda yo nasaful te, Dius at fagmalukmeun tagtaban emu laman gubun o am fagmauriun?

Deuterunumyu 32:5

Dewa katanya, nafakamulun am at mauri sa anya, ay kanya natuyan te, “Bunwa am at ngay sisian ya, aroro siginan ay asalanan.” Sik ngay tagasalanan am ay at yud matuyan fag ngay gaban taw!

Ebreu 3:19

Nu katanya, mayamag wan kanya fag ngay taw at fagyudun andasug sas Dius at fatuyanan fag daga aroro kanya fagayu wa gafanud sas Dius.

Ebreu 4:11

Nu katanya, masine nu gugatan tua tam nangadasug sanya fag fagfiangalayan, laman ban di tam umkata ebi fag ngay taw at nafamabo.

Ebreu 4:2

Aroro nadungug yangay tam at Masine fag Barita sabaliwas fakalangfean kata tam ngay mangaguyang. Dewa katanya tam ngay mangaguyang wa nafae masuad at nadungug fag barita, aroro kanya fagayu wa gafanud.

Ebreu 7:25

Nu katanya, kanya mafalangfe fagayu taw takakbang sas Dius siginan anya, aroro kanya gleleg tua kabavn laman tagwabilug kafag ngay taw sas Dius.