Lukas 9:32 - Fanawbuid tagsibaliwas Fakayabian

³² Pedru ay anggan at ufud ngabasad nu gtiug. Ay gina kafag tulu anfulo, nalag Isus nu masulo ay nalag anggan at ufud fagdua nu malindug magamut Isus.

Lukas 9:32 ပူးပေါင်းရင်းမြစ်များ

Isayas 60:19

Bunwa ban menit ya tagyamag emu gina swa menit, ay bunwa ban magdanun ya tagyamag emu sisad yabi, aroro au wan Yawi tagyamag emu kabavn. Au wan Dius tagfon emu fagmayamagun.

Daniel 10:9

Ay nadungug au kanya fag taw nu garingang. Ay kaduge kanya garingang, ku amatanganan nalyam ay anlub au.

Daniel 8:18

Kaduge kanya gfakamatoan angku, kwa gamatang ya ku bilug ay anlub au sas daga. Dewa katanya, kanya nated ku take ay nafalindug angku.

Markus 14:40

Ay Isus gdog yay anfoli ay manlag di at ngay tagadal gtiug yay gugat, aroro maksvn nu gatiugun. Ay Isus nu nafulo, kafag tulu wa mabalus aroro kapla.

Uan 1:14

Ay kafag Longan ansik taw ay nabanwan magamut antam. Ay nalag ami at fagmasineun. Kanya Dius at mafilian fag Baguama. Ay kanya andasug siginan at Mama, mapnu fag fagmagalangun ay fag fagmatuyanun.

Uan 17:24

“Mama, kaylat au am nafon angku fag ngay taw nu magamut ban si angku sa ku fagnangadasugan, laman ban kanya fagayu lumag am nafon angku fag fagmasineun, aroro kesug o angku siginan ngay nu yud e daga.

2 Pedru 1:16

Em foyungan sa ayu sa baliwa tam Fun Isus at fagmabalyananun nu gdog ban kadasug, bundi lang siginans taw at fagsafulun ay at fagmamatanganun. Nu bunway nalag ami fia at fagmabalyananun,

1 Uan 3:2

Ku ngay fakesugun, katsi Dius tua tam at ngay sisian, ay ya tam fia saful nu setain ban tam. Ay saful tua tam te, gina ban tam Fun Isus andasug, fagayu ban tam kata tua tam anya, aroro lumag ban tam fia anya.