Lukas 9:22 - Fanawbuid tagsibaliwas Fakayabian

²² Isus nalong yangay te, “Au, Taw at Baguama, ngayu ban ku fagnandalanun faurianan siginan sangay fagtainan ay ngay fun tagfon fanggalangun ay anggan ngay tagfoyung Muisis at Faugali. Ay e gfabul ban angku, ay gdog kyay ban gleleg sis fatuluk menit.”

Lukas 9:22 ပူးပေါင်းရင်းမြစ်များ

Fakasigadan 3:15

O wo ban ay kafag mangena gawayan ban am gugat. Ay anggan ban am ngay kasugfunanan ay kafag mangena at kasugfunanan gawayan gugat. Ay kanya ban nanrufa am alfuyu ay kagat ban o at sungkulan.”

Daniel 9:26

Ay nu nlangfe ban ufatk sandan tuluk safulu e ufatk banwa, e gfabul ban Dius at nafili fag Fun ay wa ban e ggubuk ya anya. Kafag tagfangguna at ngay fagsuguan nangiklas furuan ay Yawi at bale. Dewa katanya, umdasug ban masakit at fakatabuan kata tagbia fag lugwak. Dius nafalganan te, gfataglayun ban nu e awayan ay nu giklas anggan sas fakatabuan.

Sakaryas 13:7

Yawi at Mabalyanan glong te, “Falganani fiso tagsumbalian at uyup! Ay fabuli wan ku nafili fag tagalaga tupa. Fabuli anya laman at ngay fagalagaun fag ngay tupa sumaruayan. Ay namaurianan au anya fagayu.

Mateu 17:12

Ay glong au ayu te, Elyas andasug wan, dewa katanya, ngay taw wa natoglag anya. Ay kafag ngay taw at fakamulun sa anya gfaning way at ngay sadili fakaylatun. Ay katanya yangay, kanya ban fagayu namaurianan angku, Taw at Baguama.”

Mateu 17:22

Ay kaduge at ngay tagadal maful sis talun Galilea, Isus nalong anya fagayu te, “E namoyung ban angku, Taw at Baguama, sat mauri fag ngay taw.

Mateu 27:63

ay nalong te, “Namatang ami kafag tagfandaya at longan gina gleleg te, ‘Nu nlangfe tuluk menit, gdog kyay gleleg.’

Markus 8:31

Isus gfasigad gfoyung sat ngay tagadal te, “Au, Taw at Baguama, ngayu ban ku fagnandalanun faurianan siginan sangay fagtainan ay ngay fun tagfon fanggalangun ay anggan ngay tagfoyung Muisis at Faugali. Ay e gfabul ban angku, ay gdog kyay ban gleleg sis fatuluk menit.”

Markus 9:31

aroro Isus gfoyung at ngay tagadal. Glong te, “E namoyung ban angku, Taw at Baguama, sat mauri fag ngay taw. Ay kanya ban fagayu gfabul angku, dewa katanya, si bans fatuluk menit, gdog kyay ban gleleg.”

Lukas 17:25

Ay gina ban nangafasludan takatanya, au Taw at Baguama nandalan kban ngayuk fagidapun. Ay katsi fag talad taw kauri ban angku.

Lukas 24:26

At matuyan, masine Dius at nafili fag Fun nu nanginkidapan yay, ay sanya ginan nangadasug sat fagmasineun.”

Lukas 24:44

Ay Isus nalong te, “Katatuy ku longan ayu ebi, gina au galo yay ayu: fagayu at marirukan sabaliwa angku sis Muisis at Faugali ay sis Dius at ngay taglong at ngay rirukan, ay anggan si sangay Alubad, umfasludan wan.”

Lukas 24:7

‘Tiba namon ban Taw at Baguama sas tagasalanan ay nantuktuk anya sas fasulungan kayu, ay sis fatuluk menit kanya gdog yay gleleg’?”

Lukas 9:44

“Dungugani fia masine, aroro e namoyung ban angku, Taw at Baguama, sat mauri fag ngay taw.”

1 Kurintu 15:4

Ay e nanamoli anya, ay sis fatuluk menit, Dius nafadog nafaleleg anya kata yangay at marirukan sis Dius at Longan.

1 Pedru 1:11

Ay kanya fag ngay taglong gugatan gyasafulun te, ginain ban ay setain nu kafasludan at longan. Siwa anya fagayu tam Fun Isus at Masine fag Falad, ay kanya fagayu gfoyung sabaliwa Dius at nafili fag Fun at fagnandalanun fag fagidapun ay at fagnamadasugun fag fagmasineun.