Lukas 9:16 - Fanawbuid tagsibaliwas Fakayabian

¹⁶ Ay Isus nabul kafag limak tinapay ay kafag duak albon ay natangda ay naseg Dius. Kanya nalungud at ba tinapay ay nafon sat ngay tagadal laman gfon sa sangay taw.

Lukas 9:16 ပူးပေါင်းရင်းမြစ်များ

Mateu 14:19

Ay Isus nalong sa sangay taw te, “Malunggungi sas wa makmak.” Ay Isus nabul kafag limak tinapay ay kafag duak albon, ay natangda sas banwa ay naseg Dius. Ay nu ntabu wan, kanya nalungud at ba tinapay ay nafon sat ngay tagadal. Ay at ngay tagadal nafon sa sangay taw.

Mateu 15:36

Ay Isus nagalumutan kafag fituk tinapay ay fag ngay albon ay naseg Dius, ay nalungud ay nafon sat ngay tagadal. Ay at ngay tagadal nafon sa sangay taw.

Markus 7:34

Ay Isus natangda sas banwa ay naengasan ngabasad ay glong anya te, “Efata,” at masuad te, “Aluangi.”

Lukas 22:19

Isus nabul sik tinapay ay nu naseg Dius, nalungud ay nafon sat ngay tagadal ay nalong te, “Tuy ku bilug at nafon laman sa ayu. Fakamuluni ban takatatuy, laman gamatang am angku.”

Lukas 24:30

Ay gina gfasfuan duama gfangon, Isus nabul tinapay ay nafauseganan Dius, ay nalungud ay nafon sas duama.

Lukas 9:15

Ay at ngay tagadal nafaning at longan ay nafalunggung kafag ngay taw.

Lukas 9:17

Ay fagayu taw naon ay napsug. Ay at ngay tagadal nafaful at nagsawadan, ay nu fagayu wan, labi dua yak sabi mapnu.

Uan 6:11

Ay Isus nabul kafag ngay tinapay ay nu naseg Dius, gfon sa sangay taw. Ay gfon yangay albon sa sangay taw, kayu at fakaylatun.

Uan 6:23

Ay tibak sakayan lino siginans furuan Tiberias andasug munakbang sa kafag ngay taw at fagmafulan nu inda ngay taw nu kon tinapay gina tam Fun naseg Dius.

Fakamulun 27:35

Ay Pablu nu ntabu garingang, nabul tinapay ay nafauseganan Dius sis salubangan ngay taw. Ay naramyuk at ba tinapay ay kon wan.

Ruma 14:6

Nusnga sinu tagamatangan te, sik menit gtungud tua tibak menit, kanya gamatangan takatanya laman sa tam Fun Dius. Ay nusnga sinu takon nusnge wain fag fakonun, kanya kon laman sa tam Fun aroro gfauseganan anya. Ay nusnga sinu at yud yangay kon gfakamulun takatanya laman sa tam Fun, ay gfauseganan yangay Dius.

1 Kurintu 10:30

Ay gina au kon kafag fakonun nu gseg ktua Dius, wain tibak taw at fakauriun ku fakamulun takatanya?

1 Kurintu 11:24

Ay kanya naseg Dius ay nalungud kafag tinapay ay nalong te, “Tuy ku bilug laman sa ayu. Fakamuluni ban takatatuy laman gamatang am angku.”

1 Samwel 9:13

Nasud yay ro am anya gina yud nasakbo sas Dius at bale sa tangabat fag buknga laman nanfangon. At maful sanya fag ngay taw ya mafangon yakmay kanya andasug, aroro kanya yay ro tagfadante kafag ngay taw at fanggalangun. Nu katanya, undaudi wan, gina yay mayamag.”