Lukas 9:11 - Fanawbuid tagsibaliwas Fakayabian

¹¹ Aro fag ngay taw at nanangalo Isus, nu nasaful at fakamulun, naguyan anya. Ay Isus kaylat gkamatoan anya fagayu. Ay kanya nafoyung sanya fag ngay taw sabaliwa Dius nu gfagtainan ay nafafia at ngay ke fakasaitun.

Lukas 9:11 ပူးပေါင်းရင်းမြစ်များ

Isayas 61:1

Tam Fun Yawi at Falad si tua angku aroro kanya nafili angku laman namoyung at masine fag barita sat yud e kwa. Kanya nasugu angku laman namasun at yud e fagsegun ya, ay laman namoyung sat natabanan fag ngay taw ay sat maubungan fag ngay taw te, e fagmanabayanun wan.

Mateu 12:15

Ay Isus nasaful ngay taw Fariseu at algan, ay nalo wan sanya ginan. Ay ngayuk taw galo anya. Ay Isus nafafia fagayu at ke fakasaitun.

Mateu 14:14

Ay Isus nu naduksun siginans sakayan lino, kanya nalag ngayuk taw, ay anfanyu ay gfafia at ngay ke fakasaitun.

Mateu 21:31

“Inday ro sanya fag duksay at nafaning at mama at fakaylatun?” Ay kafag ngay taw gbalus te, “At taguna.” Ay Isus nalong yangay anya te, “Matuyan nu glong au ayu te, ngay tagbul famayad laman sas fun ay ngay takamatugtug gumuna ayu nu nangatap sas Dius at fagfagtainanan.

Mateu 21:43

Nu katanya, glong au ayu te, Wa ban am umful sas Dius at fagfagtainanan. At kumful ban, tagfaning tua at fakaylatun.

Lukas 1:53

Dius nafon at masine sa takalunus, laman kapsug. Ay kanya naiyan at maramraman, yud e buba.

Lukas 5:31

Ay Isus nabalus te, “Sik taw at yud e fakasaitun wa gayudan tagfafia. Kayu way at ke fakasaitun.

Lukas 8:1

Sanya ginan, ay Isus nalo yangay sa sangay furuan ayu daul ay sa sangay furuan ayu sirut, laman nanfamoyung at Masine fag Barita sabaliwas Dius nu gfagtainan. Ay at labi dua galo anya,

Lukas 8:10

Ay Isus nalong te, “Dius kaylat nu sumaful am at ngay masuksuk sabaliwa at fagfagtainanan. Ay sa tibak taw faydayuanan way lang, laman, ‘dewa gdama, wa glag, ay dewa gdungugan, wa gtogdungug.’

Lukas 9:10

Isus at ngay nasugu nu nfoli wan, nafoyung sas Isus at ngay nafakamulun. Isus nataban anya fagayu ay nalo sa sik furuan at ngayan Betsaida. Isus we nataban sas day at ngay nasugu.

Lukas 9:12

Nu kayabi wan, Isus at labi duak nasugu nanangakbang sa anya ay nalong te, “Falaoi wan kafag ngay taw, ma ro nanrvbvy at fakonun ay at bale tagsit ligung fag ngay furuan ayu sirut ay sat ngay talun aroro we bale ste fag talun.”

Lukas 9:2

Ay Isus nasugu at labi dua laman namoyung sabaliwas Dius nu gfagtainan, ay nu gfafia at ke ngay fakasaitun.

Uan 4:34

Isus nafayamag sat ngay tagadal te, “Ku fakonun namakamulun au at nasugu angku at fakaylatun, ay namatabu au at fafakamulun sa angku.

Uan 6:37

Ku Mama at nafon angku fag ngay taw nangakbang sa angku. Ay nusnga sinu takakbang sa angku kdi gaiyan.

Fakamulun 28:31

Ay fagdaul at amatanganan di e gsalag nu gfoyung sabaliwa tam Dius nu gfagtainan ay sabaliwa tam Fun Isus.

Ruma 10:14

Dewa katanya, setain ro ngay taw at yud gafanud sa tam Fun nu guro sa anya? Ay tain ro nu gafanud nu dyay batang gdungug sabaliwa anya? Ay tain ro nu gdungug nu dway e nanfamoyung?

Ruma 10:17

Nu katanya, tam fagafanudun kasure siginan tam nadungug, ay nadungug tam takatanya aroro siginan nu e gfoyung sa antam sabaliwas Dius at nafili fag Fun.

Ruma 15:3

Dius at nafili fag Fun wa narvbvy at sadili fakaylatun, nu bunway kata at Rirukan te, “Tagfalingun emu, at fagfalingunun au wan.”

2 Timuteu 4:2

nusnga ginain, mafalganani nu gfoyung o Dius at longan; turuni tagdungugan emu at ngay ugali siginan am longan, ay salagi nu gfakamulun at yud matuyan, ay faksvni at ngay amatanganan siginan nu gugatan o gfoyung.

Ebreu 4:16

Nu katanya, lag tam gaduanun nangakbang sas Dius at mafangafanyu at daga salubangan, laman mul tam at fakafanyun ay at fagmagalangun taggubuk antam gina tam gayudan.