Lukas 8:52 - Fanawbuid tagsibaliwas Fakayabian

⁵² Ngay taw at maful sanya, gwayway ay garusngusan, aroro kafag baguina anbul wan. Isus nalong te, “Lag am gwayway, aroro kanya wa nbul, gtiug way.”

Lukas 8:52 ပူးပေါင်းရင်းမြစ်များ

Fakasigadan 23:2

Ay kanya anbul sis furuan Kiryat-Arba at ngayan yangay te, Kebrun, sis Kanaan fag talun. Ay Abrayam kabalu Sara ay gwayway.

2 Samwel 18:33

Dabid gtadtaruyan ay maksvn nu kabalu. Kanya nasat fagtiugan sis furuan at tungud sakbawan ay gwayway. Ay kaduge gwayway glong te, “Ku baguama Absalum, au yakman nangus at kinbul abat ngate o. Ku baguama Absalum, ku baguama!”

Nu Galin 24:17

Nu katanya, Muisis nasas linyabu gina yay gundaud sis buksul. Ay Muisis nu sanya ufatk safuluk menit ay ufatk safuluk yabi. Ay ngay taw Israel tagsis lod buksul nalag Yawi at kamasuloan kata sik afuy gigang sis tungud buksul.

Sakaryas 12:10

“Namon au sas Dabid at kasugfunanan ay sa sangay taw Erusalem sik mafangesug ay at mafandarangin fag falad. Kanya fagayu gdama angku at naurus, ay kata sik fagtainan gwayway at sisian tagsesadi nu nbul.

Mateu 11:17

‘Dewami gfawang tulali laman gfauseganan ayu, wam gfalelegan ay bilug. Ay dewami galubad kata nu gwayway, wam gawaywayun.’

Lukas 23:27

Ay sik ngay taw naguyan Isus, ay anggan tibak mangena grungan way lang sirut gwayway, aroro kafanyu Isus.

Lukas 23:48

Ay ngay taw at maful sanya at nalag at kinfasludan, gina kanya fagayu guli grungan way lang aroro kabalu.

Lukas 8:51

Ay Isus nu ndasug sas Ayru at bale, gsalag tibak taw nu gsakbo. At fagfasakboun, Pedru way lang ay Uan ay Santiagu ay kafag baguina at mama ay at mina.

Lukas 8:53

Ay ngay taw kase, gfalingun Isus, aroro nasaful te, kafag baguina anbul wan.

Uan 11:4

Ay Isus nu nadungug katanya glong te, “Kanya fag fakasaitun at fungfung di sas fakabulun, nu bunway laman ngay taw mafauseganan Dius, ay mafauseganan yangay Dius at Baguama.”