Lukas 8:44 - Fanawbuid tagsibaliwas Fakayabian

⁴⁴ Ay kafag mangena ankakbang sas Isus at day guyuy, ay nated Isus at baringbingan lanbung, ay arodi vtv, anragang wan nu gfangigusan.

Lukas 8:44 ပူးပေါင်းရင်းမြစ်များ

Nu Galin 15:26

“Au ay Dius Yawi. Nu gfaning tua ban am angku sas fagdaul ay amatanganan, ay nu gfakamulun tua ban am at masine sa ku daga salubangan, ay nu gfaning tua ban am fagayu ku suguan ayu ay ku faugali, kwa ban gfadasug sa ayu ngay fakasaitun kata ku nafadasug sa sangay taw Igiptu aroro au Yawi ay tagfafia.”

Malakyas 4:2

Dewa katanya, am tagsuyu angku, gfalangfe ktua ban ayu kata menit at yamag nu bagu kasure tagfon fagmafianun. Ay gtudtulbuan ban am guseganan kata sik ngay riangan baka at nalfas siginans fagubungan.

Mateu 20:34

Ay Isus kafanyu kafag duama ay nated at ngay mata. Ay arodi vtv kafag duama glag wan ay nangalo wa Isus.

Mateu 8:3

Ay Isus nafalugde at take ay nated kafag taw at ke fakasaitun ay nalong te, “Sabv, kaylat au nu kafia o.” Ay arodi vtv kafag taw at bangbang anfia wan.

Mateu 9:20

Ay arodi sik mangena labi dua wak banwa nu yud karagang nu gfangigusan, ankakbang sas Isus at day guyuy, ay nated at baringbingan lanbung.

Markus 6:56

Ay nusnga nday Isus nu kadasug, dewa sa sangay furuan ayu sirut ay sa sangay furuan ayu daul ay sas talun, sanya fag ngay taw gfasasad wabilug furuan at ke ngay fakasaitun. Ay kafag ngay taw get sas Isus laman at ke ngay fakasaitun nanted dewa way ro sit farangfangan lanbung. Ay fagayu at nated anfia wan.

Lukas 13:13

Ay Isus nafatayuk at daluap sa anya, ay ginanya kanya malindug wan ay naseg Dius.

Lukas 7:38

ay kanya malindug sis Isus at day guyuy, sit day darafa ay gwayway. Ay at liasun nafabasa Isus at darafa, ay at fangarus at buk wan, ay nayuk, ay sanya ginan nafatayuk at buba fag famaebebanglu.

Lukas 8:43

Ay sanya e sik mangena labi dua wak banwa nu yud karagang nu gfangigusan, ay we taw mafafia anya.

Lukas 8:45

Ay Isus nalong te, “Sinu at nated angku?” Ay fagayu taw glong te, “Bunwa au.” Pedru nalong te, “Em Fun, sik ngay taw gligung emu, ay gsikfit emu.”

Uan 5:13

Ay kafag mangama wa nasaful te, sinu at nafafia anya, aroro Isus nalo wan siginan sad fagngayuan taw.

Fakamulun 19:12

Pablu at buba dewa sik fangarus fangenit ay sik ramit lang, nu nafatayuk sat ngay ke fakasaitun, kafia, ay at mauri fag ngay falad glao sanya ginan fag ngay taw.

Fakamulun 5:15

Aroro siginan sangay nasugu at nafakamulun fag ngay madulo, ngay taw nabuba ke ngay fakasaitun sas day dalan ay nafataygilidan sit ngay igyan laman ro Pedru nu nadalan ay nu naninu, kanya fagayu kafia.

Deuterunumyu 22:12

Folii si ay lanbung sis ufatk fugungan sik tagbaringbingan fag ramit sirut.